Aposolo 3:23 - Ka Lamana'a Monoꞌi Lu Mu Tifiꞌehina Ka Yabe

²³ To asaga boana'i ya'mana bomofihi kaga'a keheli meemilana Hu'mau enoho filinogo ai bona'a hiti aku aku'i meminalana'mu yabe.

Aposolo 3:23 Referans Kwoze

Yoni 12:48

Bona'magi enemegesa hi nimilana to ka'ni keheli he'milana enali'i kene'i moneuba ka foya li epoloto kaga'ani loko hilibe. Ya'ma lu epi'ohuna kaga'auba me'mo hiti kokulumamo su halina kana'agu hapa'animofihi loko hilibe.

Huto Hilina Ka 20:15

To ana bona'i ya'ma enigi'ani amuya minoba minoba nehana bona'magihi enigi koyo molo'ehina bukugu meni'ina'a enali ya'ma logomofihi hefuha'agu kala efahi logogu loto ni'inagu fitu fo he'migo limite mine'ahana.

Hibulu 12:25

Lenali ka'a lu lepilata nohina ya'ma keheli mehe'mise kaba hite minalo. Koyapa'i Moseu ya'ma metoga minoto Hu'mamofihi ka'a mone lu epigo ka futu'a yabe lite he'mi ete'ahana bona'i enalitoga ana'ina enoho fililabe noligo koli'a hiti huto hu epi'ehinamo ni'ibe. Ya hu'ehinago yatai ya'ma kokulumagu minoto ka'a lipoti lu nolimina bo ai ya'ma lemegesa hu emitoti hena hena hinogoti lemehi mebinogo minalune?

Hibulu 10:39

To lali amuya memolose kosele kasele'i hoto minaluta'a to i behe huto tafa kapomofihi nasana lolo mehiluta'mu yabe. Lali ya'ma kehelito amuya moloto lemehi emito lubuto bilatanamofihi nasana ya'ma lilune.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

Hibulu 2:3

Ya hu'ehina'mu laliti hena huto lubuto bilatana tito mino'ehinamofihi he'minogoti buto fa'menena lolo hilina ni'ibe? To yata'a ai'a Sipi Bouba kana'amu kana'amu moloto lubuto bilatanamofihi kaga'a lu yege hoto molo'ehinamo yamofihi enegekesatu yigi hokolo hite keheli'ahana'a enali lu limi limi hago amuya molo'ehinamo ni'ibe.

Yoni 8:24

Ya'mu luto lenali foipanatini hiti fililabe nolube. Nani kumu ya'ma bo kiyi'afu nohifi lite keheli pili meke netalana foipanatini ni'inogo fililana'mu yabe.

Maki 16:16

To bo moneubafi moneuba ana ka kehelito agoya hu nimito nagami falalina bo, ai'i buto bilunagihe. To bo moneubafi moneuba kehelito agoya hu menimilina bomofihi nani gumi'i hoto le'mo he'milunagihe.

Aposolo 2:41

Ya luto Pitau lulago ai ka'a keheli bati hana bona'i ana yupahi nagami'i fele su he'ahana. Ya'mana yupahi bona'i nehana'alo Hu'mau molo emi'ehina 3,000 boana'i yabe.