Biblia Todo Logo
Bib sou entènèt

- Piblisite -




Aposolo 3:21 - Ka Lamana'a Monoꞌi Lu Mu Tifiꞌehina Ka Yabe

21 Ai yatai kokulumalugu nohuto mone yupahi Hu'mau asaga'na kokulumagu hiti melugu hiti ni'inana le'mo kosaba hilina kana'a geba hilina'mu yabe. To koyapa'i kaga'a lu yege holata bomagi enabagalo Hu'ma lu'ehina'a huto yabe.

Gade chapit la Kopi




Aposolo 3:21
16 Referans Kwoze  

Hu'mau asaga melugu neminanamagihi aku'i le'mo bati hulenogo alihi pata mesise Hu'mamofihi pana'amagi hetofa hite minalana ya'ma kanagu keta husemofihi nagaluguti gulu fo epalalibe.


Etali ma hite lu epi'aha'ina: Lenali Galili bose, henabe lite maga ho ti'ehite kokulumamofihi bulu'i nehabe? Ya'ma Yesuhi, yatai Hu'mau lenalitogati le'moto kokulumalugu notina okaba hiti bo ana suhi luto aku'i mone yupahi alina'mu yabe.


To agelouba ma luto lu nimi'ehina: Kaga ya'ma lamana'a nolugo ule'ale nohinamofihi ni'ibe. Sipi Bo, Hu'ma ai Sikalafu'a ya'ma lu enabagalo enabagalo nohina bona'i noepilata bo ai'a ya'ma agelo'a ho lifigo kele kele bona'a lenali'i kana'a yatama mehu'ehinogo huto hilibe luto lu'ehina nasana lamana'a yabe luto lu epito kelepugo bu nogane.


Ana suhi huto ai koyapa'i mono bona'amagi enali enabagagu alu epi'ehinamo ya'ma ni'ibe.


To lenali mono ka leli'ali bona'i Hu'mau enele'mo ho ti'ehinamagi koyapa'i fono ka fono ka li'ahana ka hiti to lenali'i aposolo bona'magi Sipi Boti lubuto bilata bouba lu'ehina kamo lu lepi'ahana ka ya keheli bati hite kehelite minalabe luto nolube.


Ya'ma lu huto hu'ehina ka mone'ya bona'magita kehelite komopa'anitu li bati hilete mone meli'ahabe. Bona'magi enali Hu'mamofihi hetofa Sikalafu'uba enele'mo babahi higo Hu'mamofitogati kaga'a kehelite minete lu yege he'ahanamo ni'ibe.


Asaga'i kaga lu yege hose bomagi Yesu ai kumu kaga ma lite li'ahana. Enali aitoga komopa'ani malalanamagihi foipana'ani ai gi'alo linogoti li he'mi epalalibe.


Lenali kokulumagu nehana to Hu'mamofihi pa sose bona'a to aposolo bo to mono ka lu yege hose bo nehana lenali ya'ma lenegelo bite komopatinigu bati hino. Hepa'i sipi'amofihi foipana'amagi lenalitoga keta'a hu lepele'ahanamo ya'ma Hu'mau yatai nona'a epito pa nosabe.


Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.


Ya hite nehinogo kana monelugu Sipi Bouba yuhufa amuya lepilibe. Ya huloto Mesiahi lenalitoga ho lifilibe. Ya'mana bo Hu'mau koyapa'i le'mo ho ti'ehina, ai Yesu yabe.


Hu'mau ai koyapa'i mono ka loli'ali bo enabaga le'mo babahi hu epalago enali enigiko enagakomagihi ka'a fato fato'mofihi kapo'a fato fato'mofihi lu epite biba biba hi'ahana.


Swiv nou:

Piblisite


Piblisite