Aposolo 3:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.

Aposolo 3:19 Referans Kwoze

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Matiu 18:3

Ya huloto ma luto lu epi'ehina: Nani ma'naka luto lu nolepube. Lenali komopatini i gelehe hilete pana'i lagaso'a legi mehilana lenali kokuluma kapo'alo mebilana'mu yabe. Ma'naka luto lu nolepube.

Matiu 13:15

Ma bona'magihi komopa'ani hekini loto ni'ibe, ya hu'ehigo enekesa'aniuba kaga kehelilina'mu kosele'i aho'ehibe. To enali enekesa'ani negi no su ho'ehibe. Ya hu'ehigo enubu'aniuba ana'ina bu megalina'mu yabe, to enekesa'aniuba kaga mekehelilina'mu yabe, to lataha'aniguti kaga mana'a keheli fe melilana'mu yabe. To enali nanitoga lele'mo bati hilibe lite i behe hite enogo nani enele'mo bati hiluna'mu yabe, luto Hu'mau lu'ehina yabe.

Aposolo 11:21

Sipi Bomofihi amuya'a enalitoga minago babu bona'i luga'a ana kaga kehelite komopa'ani i gelehe hite Sipi Bomofihi mege'i mele'ahana yabe.

2 Pita 3:8

Komopa'ani lepi'ohuna bona'ise. Ana'ina mone ma'asi keheligopa napa mehilo. Sipi Bouba ai kana moneko'i keheligo kufu babu luto mone tauseni ya legi lolo higo lolo hulata nohibe. To kufu mone tauseni yamofi kumu keheligo kana'a moneko'i lolo hulata nohibe.

Aposolo 28:27

Ya'ma boana'magi komopa'ani hekini loto ni'igo enegekesa'aniuba kaga kehelilina'mu kosele'a nohago enali enegekesa'ani i hekini lete nehabe. To henabe lutobe? Enali enubu'anigu bu gete kehelite to enegekesagu kaga binogo kehelite to komopa'anigu nani kaga keheli fe lite hilete'ani komopa'ani i gelehe hite nanitoga elenogomo enele'mo bati hiluna'mu yabe. Ya hu epalalunaya enali'i anana hu lalibe lite enubu fili kete, enegekesa hekini lete, to komopa'ani i sepa ite nehanagihe. Hu'mau ya luto lu'ehina yabe.

1 Pita 2:25

Lenali sipisipi yaga suhi hite lopi fite mine'ahanamo yabe. Yatai ya'ma lenemehatinimofihi kaba bo'a ai lenele'mo behe higo aitoga huto hite neete mege'i nemalabe.

2 Tesalonika 1:10

To ana yupapoya Yesuhi bona'amagi asaga'i yege'a fite enegelo bite fokeha'a lilana'mu yabe. To aitoga keheli emi'ahana bona'i asaga'i gi'a liyafa hite minalana'mu yabe. Lenali ya'ma kaga'a lu lepugo kehelite aitoga agoya hu emi'ahana ni'inagihe. Ya'mu lenali Hu'mamofihi bona'i hiti minalana'mu ni'ibe.

Aposolo 11:18

Ya ligo enali Pitahi bu fi kutu nehanana he'milete Hu'mamofitoga fokehi hete gelo bite ma lite li'ahana: Hu'mau fegutoga bona'magi komopa'ani i gelehe hulenogo enali hiti ana hite minoba minoba hilabe lite enegelo bi'ahana.

Luku 1:16

Ai Isilaeli boana'i asaga'i enipa'ani li gelehe hinogo enali Sipi Bo'ani Hu'mamofitoga bilabe.

Romu 11:25

Nalalu'nigitabe. Mone suguna ka lu lenelepilugi kehelilo. Lenali kehelite lali kehelise'nati sipi bati nohune lite lenugufa limo titi hu laligi ma kaga lu nolepube. Yuta bona'magi Hu'mamofihi enemegesa hi emiba emiba hite komopa'anigu ule'ale hise'namofihi kana'a mone su halina'mu yabe. Fegutoga bona'magi Hu'mamofitoga komopa'ani emilana bai tenogomo Hu'mau Yuta bona'magihi aku'i enele'malina'mu yabe.

Aposolo 17:26

Koyapa'i moneko bo lolo hu'ehinaguti nupa bo safa bo fato fato'i noto noto'i bite mino baga ino luto enoho lifigo analo analo mine'ahana yabe. Ai'a yata'a kana'a molo epoloto ya hepato bila bila hilo luto me'i enemeto enemeto epi baga i'ehina.

Aposolo 15:3

Yesuhi kaga kehelise bona'magi ana hepatogati enoho lifigo enali Fonisia kegi'a bite to Samalia kegi'a bilete li'ahana: Fegutoga bona'magi Hu'mamofitoga komopa'ani emi'ahanamofihi kaga lu epi'ahana. Enalalu'anigi ya'ma kaga kehelilete enegelo sipi bi'ahana yabe.

Aposolo 3:21

Ai yatai kokulumalugu nohuto mone yupahi Hu'mau asaga'na kokulumagu hiti melugu hiti ni'inana le'mo kosaba hilina kana'a geba hilina'mu yabe. To koyapa'i kaga'a lu yege holata bomagi enabagalo Hu'ma lu'ehina'a huto yabe.

Aposolo 1:6

Aposolo naga'magi Yesu hiti bite li nupa hite minelete ma lite loka he'ahana: Sipi Bo, yatai ya'ma kana'alo Isilaeli kapo aku'i li kosaba hilata ni'ifihe?

Huto Hilina Ka 21:4

Hu'mau ai'a enalitoga yibi hise nasanamofihi enubu nogoya kele li epalalube'mu hibe. Filise'na to yibi bena hise'na to enagabu'i gise'na yanana su henogo aku'i mone'a huto mehilube'mu hibe. Tafa nasana ya'iya'a ya'ma buto su halibe luto lu'ehina.

2 Timoti 2:25

Enali mono kamu'i kenasabo bi'ahana'amagihi ya'ma fulu huto enele'mo bebe salabe. Hu'mau ai'a enele'mo lito limilenogo komopa'ani li gelehe hite ka lamana'a keheli bebe salafihe lite ya hi epalalune'mu habe.

Aposolo 3:20

Ya hite nehinogo kana monelugu Sipi Bouba yuhufa amuya lepilibe. Ya huloto Mesiahi lenalitoga ho lifilibe. Ya'mana bo Hu'mau koyapa'i le'mo ho ti'ehina, ai Yesu yabe.

Hibulu 4:1

To ya'ma minoba minoba hepato bu nehetilabe luto Hu'mau lu leto'ehinamo ni'ibe. Yamofihi kaga'a lu molo'ehinana su mehalube'mu hibe. Ya'mu lenalitogati kegi'a moneubafi moneuba ana kapogu buto tele bi haya kolo lalibe luto lelesati linagi kaba hu bati hilo luto nolune.

Luku 22:57

Ya ligo Pitau o'e luto luloto lu'ehina: Apa'niga. Nani ana bo mekeheli'ohuna bomofi kumu nolane.