Aposolo 3:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To le'ali Yesutoga komopati'a moloto le'emehi emi'ohu'ibe. Ya'mu luto Yesuhi gi'auba ma gigusa sibina nohina bomofihi le'mo amuya nomalago lenali kehelilete bu go bati nehabe. Yesutoga komopati'a emito le'emehi emi'ohu'ina Hu'mamofitogati le'alitoga o'ehinauba ya'ma amuyana hetofana aitogati oto lenali lenubulo huto nohigo asaga'i bu go baga neibe.

Aposolo 3:16 Referans Kwoze

Aposolo 14:9

Ya'ma bouba Polu lina kaga'a kehelito mino'ehina. Ya higo Polu ana bo bu go bati hu'ehina kaga'a komopa'agu li molo'ehigo gigusa'a le'mo bati hilube luto keheli'ehina.

Aposolo 4:10

Ya hiletemo lenali asaga'i hiti to Isilaeli naga'i hiti ya'manana keheli bebe salo. Yesu Kilisitou Nasalete Bo ai gi'alo ma bomofihi gufa'a amuya moloto bati hu'ehibe. Ya higo ai folagahatinigu yatai lenubulo ho ti'ehibe. Lenali Yesuhi malipu yafalo hago fili'ehinamoya Hu'mau aku'i kene keliguti le'mo ho ti'ehibe.

Aposolo 3:6

Ya higo Pitau ma luto lu emi'ehina: Nani efahi meli'ohube, ya hu'ohunaya nani li'ohunana kimilube. Yesu Kilisitou Nasalete Bomofihi gi'alo nolu ketonagi kai kapo molobo.

Aposolo 16:18

Babu yupahi ya'ma pa'uba ya lumofa'na higo Poluhi kosele'a hago i behe huto ana foipa felemofihi ma luto lu emi'ehina: Yesu Kilisitohi gi'alo kehe nounagi leke ho limito bufa hubo. Ya ligo ana foipa feleuba ana'asilo ana pa'mofihi komopa'aguti mele'isi hele ko limi'ehina.

Matiu 9:22

Yesu i behe huto ana a'i bu goloto ma luto lu emi'ehina: Pa'ni, kipakagu fuluna kebesino. Kai nanitoga komopaka moloto minalatanauba kele'mo buto bito kebesise'naka li nohe'mibe luto Yesu lu emi'ehina yabe. Ya noligo ana'asilo ana a'mofihi nobesinana su ho etago bati hu'ehina yabe.

1 Koliti 13:2

To nani Hu'mamofihi ka lu huto huto hulata bo lolo huto huto'ni Hu'mamofihi suguna ka'a yamofihi keheli su ho'ohuto'ni to Hu'mamofihi kamofihi nekisa mokisa'a hiti keheli su hoto nohuto'ni to nani linogo kosa mone li sibi hu he'milibe luto keheli ule'ale hu'ohuto'ni niginaga mefise fa'mene minotita fa'menena lolo hutine.

Yoni 14:12

Lusiga lu nolepube. Bona'i mone'amagi nanitoga keheli ule'ale hu niminogo ya'ma nani amuya foya'ni suhi hite lilana'mu to, ma'naka luto mone hiti foya'nimofihi be ligite babu lite lilabe. Hena'mube? Nani Afo'nifitoga tito minenogo'ni enehe'menogo babu lite amuya lili'namo lilabe.

Aposolo 4:7

Enali enubulo Pitanogo Yoninogo etele'mo ho tilete ma lite etoloka he'ahana: Letali hena hite li huto neha'ibe? Hena huse amuyana li'ehite li huto neha'ibe? To letali kiyi'afihi gi helete ya'mana suhi li huto neha'ibe?

Aposolo 3:8

Ya hulago ana bouba leke holago tiloto kapo nesi'a i gofa huto mololoto Pitanogo Yoninogo hiti sipi mono nonuga bu'ehina. To ai sipi gelo biloto kapo moloto nobuto, heleko lago tiloto limiloto huto Hu'mamofihi gi'a li saga huto fokehi li'ehina yabe.

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.

Yoni 7:23

Lenali Mosehi keya ka'a mege'i malalupi lite lenekesa kehelilete fuli kanagu panatini enugufa laga hilata nehabe. Ya hilata nehanamo nani fuli kana'alo bo mone le'mo ye ko'ohunamomu'i lenali henabe lite kafa nehabe?

Romu 3:22

Bona'i moneuba komopa'a Yesu Kilisitotoga molo emigo Hu'mau ana bomo le'mo bati hilibe. Ai asaga bona'i komopa'ani Kilisitotoga mele emi'ahanamagihi enele'mo bati hilibe. Hu'mamofihi bulo silaga bona'i moneko babeyafa hite nehago bu golata nohibe.

Matiu 14:29

Ya ligo Yesu lu emi'ehina: Obo. Ya ligo Pitau botiguti leheko limiloto nagami mupa'alo li hapi fito kapo moloto Yesu nohinalo bu'ehina.