Aposolo 3:13 - Ka Lamana'a Monoꞌi Lu Mu Tifiꞌehina Ka Yabe

¹³ Ai Abalaha to Isaka, to Yakopu hiti to lali tatatigi asaga'i enali Hu'ma'anifu ai Yesu koko pana'amofihi gi'a liyafa hu'ehina yabe. Ai ya'mana bo fateha'amagi enayanuga epilago Pailatiu lu kehelito le'mo buto bito he'mi etalube'mu hina lenali Pailatihi bulo lenemegesa hu emi'ahana yabe.

Aposolo 3:13 Referans Kwoze

Aposolo 7:32

Nani tatakamagihi tata'anifita yabe. Abalahagi Isakagi to Yakopugi Hu'ma'anifita nohube. Ya luto ligo Moseu afoya iloto lesa'a ligo ana logo guluya meha'a bu megose mino'ehina.

Matiu 22:32

Nani Abalahahi afo'afita nohube, to nani Isakahi afo'afita nohube, to nani Yakopuhi afo'afita nohube, luto Hu'ma lu'ehina yabe. Hu'ma ai fili'ahana bona'magi afo'anifu menohunagi enali minoba minoba bona'magihi afo'anifita nohibe, luto Yesu lu epi'ehina yabe.

Hibulu 2:9

Ya huto Yesu bu go fe luto kehelilata nohune. Kana'a hupamone ya'ma agelomagihi enalitogati limito minoto Hu'mau lehe'mose'namu keke'i luse'na kehelito fili'ehina yabe. Asaga bona kumu yabe luto fili'ehina. Ya'ma fili'ehinanamofihi gabu gise'namu Hu'mau le'mo hofa tago fana meha'a hiti gi'amo li saga huse'na hiti aitoga huto hu'ehina bu golata nohune.

Yoni 19:15

Ya noligo enali nogo'ani sipi'a lu emi'ahana: Ho filibo. Ho filibo. Malipu yafalo ho filibo. Ya lago Pailatiu enoloka ho'ehina: Gihiti botini yafalo ho lepalalufihe? luto ligo ya'ma sipi mono noto kaba bomagi lu emi'ahana: Lali ligihiti bo, Sisa ai'asigo nohina.

Yoni 19:12

Yesu ya noligo Pailatiu kehelito ekesa yigi yigi huto koli gofana hu'ehina. Ai ekesa kehelito gulu ho etalina'mu aku Yuta bona'magi hekele lite lu emi'ahana: Kai gulu ho etoletogo ya'ma sipi gihiti bo, Sisau, Lomu hepato nomina bo ai hiti kalalukale'i meneha'ibe. Bona'i moneuba nani sipi gihiti bo nohube lilina ya'ma Sisahi fateha'a lolo nohibe, lite li'ahana.

Yoni 18:40

Ya ligo enali nogo'a felana melete li'ahana: O'e, ai'a ya mehubo. Lali Balabasihi gulu ho etobo. Lite li'ahana. Ya'ma bo Balabasiu koyapa'i luba huto gumina lilata bo naga'i emi'ahana yabe.

Huto Hilina Ka 1:18

To amuya bo afo'afita minomo buto minaluna'mu yabe. Nani fili'ohunagi aku'i ho tito to filise'na to yabalugu kafemofihi foloke'a nanigo li'ohube.

Huto Hilina Ka 1:5

to Yesu Kilisito aitogati ya'ma lehe'mose'na to fuluna'a lenalitoga mino moloto minalibe. Yesu ai ya'ma Hu'mamofihi ka'a beto huto ligo ule'ale nohina bo to kohe toto pana'a filise'naguti ho tise'na yamofihi lamana baga'a to noto noto kaba bona'i Sipi Botini lenali bo lenogotinifu kaba huto nohibe. Ai komopa'a limito ai'a golaha'atu foipanatiguti li okala hu leto'ehinamo ni'ibe.

Aposolo 22:14

To ai ma lu nimi'ehina: Hu'mau, tatatigihi kibinauba kaikamo kele'mo ho tibe. Kai ka'a kehelito mege'i malalane luto to ai'a hetofa agoya hu emi'ehina bo Yesuhi bu goloto to ai baga'aluguti nogo'a kehelilane luto kele'mo ho ti'ehina yabe.

Yoni 12:16

Ya'ma hi'ahana kana'agu Yesuhi pana'alobomagi mono kaga koyapa'i fayahi ge'ahanamofihi hapa'amu mekehelite to boana'magi Yesu kumu enegelo bi'ahananamu ana hite hapa'amu mekeheli'ahana. To alipo Yesu fili'ehinaguti ho tito kokulumamofihi fana tose'nagu ti'ehina yana kanagu ya'ma mono fayahi ge'ahanamofihi beto hite keheliya i'ahana.

Yoni 7:39

Aitoga komopa'ani emi malalanamagi Sikalafu lilana'mu Yesu ya'ma kaga lu'ehina. Ya'mana kana'agu Hu'mau Yesu kokulumalugu le'mo saga hilina to fana mehena'a meli'ehina'mu luto Hu'mau Sikalafu'i metoga ho melifi'ehina yabe.

Luku 23:4

To Pailatiu i behe huloto sipi monoto bona'i hiti to asaga boana'i minanamagihi ma luto lu epi'ehina: Ma bomofihi foipana'a bu megobe.

Maki 15:11

To ya luto enoloka hago, enali sipi mono bomagi ya'ma anaga li nupa hite nehana bona'i asaga'i enele'mo topa hago, to sipi mono bomagi amuya melete lu epi'ahana: Yesuhi ana'a hiligi lu emilo. Balabasihi gulu ho etobo, lu emilo. Ya nelago ya'ma li nupa nehanamagi asaga'i kehe ite Pailatihi ma lite lu emi'ahana: Yesuhi ana'a hiligi. Balabasihi gulu ho etetogo bino. Ai kalabusi nonuguti fa'mene limilina'mu yabe.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Matiu 27:2

Enali seni nagatu'i Yesuhi yato naga'i ilete le'mete bite Lomu gamani bo Pailatihi sipi bo nohinamofihi emi'ahana yabe.

Matiu 20:19

Ya hilete enali Lomu gamanilo nele'mete binogo enali kiya yokolo ka li netete to naga osatu nibi yigilete to malipu yafalo noho fililana'mu yabe. Ya hinogo loegi monegi yegegu aku'i ho tiluna'mu yabe.

Matiu 11:27

Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Luku 6:37

Lenali bona'i enele'mo yegelo memelenogo Hu'mau ana huto lenele'mo yegelo memalalibe. To lenali bona'i enifisa fato fato meinogo ya hinogo Hu'mau lenali'i lenifisa fato meilibe. To lenali bona'i foipana'a hu lepololenogo li he'milanaya Hu'mau ana huto foipanatini li he'mito pa so lepalalina'mu yabe.

Yoni 19:11

Yesu ka nona'alo lu emi'ehina: Kai amuya hiti bo nohapi? Afo'nifu yana amuyanaka kimi'ehina ni'ibe. Ai'asigo kaba hu netago nahalata'mufi gulu ho netalata'mu kaika meni'ibe. Miya bouba lu laga menohigo to ya'ma bouba kayanugu nele'mo molo'ehina bo ai'a foipa nasana'mu kebe ligi'ehina yabe.

Aposolo 3:12

Ya hago Pitau bu enogoloto kaga ma luto ana boana'i lu epi'ehina: Isilaeli Naga'ise. Hena hibe lite ya'manalo lenekesa yigi babu nelabe? Lenali hena'mu le'ali'i bulu'i nehe'ahabe? Etali'atiti amuya'atitiloti ma bo lusa gi eta'igo kapo nemalabe lite nekehelifihe? O'e, ya huto meni'ibe.

Aposolo 3:26

Hu'mau koko pana'a le'mo ho tiloto lenali lusa lepilibe luto lenalitoga yata'a ho lifi'ehina. Ai komopatini li gelehe huto foipanatini li he'mi lepalalube luto o'ehina yabe.

Aposolo 4:27

Ya'ma Tebitiu koyapa'i ya lu'ehinagi to lusiga ma'naka luto Helotiugo Ponitiasi Pailati hiti enali fato naga'a hiti to Isilaeli bona'i enali Yesuhi le'mo melugu malalune lite moneko ma hepalugu li nupa hi'ahana, ya'ma koko panaka mana'a koyapa'i le'mo molo'ahata yabe.

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.

Aposolo 24:14

Ya hu'ehina ya'mana ka nani lu huto huto lu kimilube. Enali faga lite nifisa neina Kapolo mege'i moloto'ni tatatigi Hu'ma'anifu agoya hu noemuna yabe. To nani ana huto Mosehi keya kagu ge'ahana hiti to kaga lu yege holata bomagi bukugu ge'ahana kaga hiti silaga'na keheli mana nohuna yabe.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

Luku 22:57

Ya ligo Pitau o'e luto luloto lu'ehina: Apa'niga. Nani ana bo mekeheli'ohuna bomofi kumu nolane.