Aposolo 28:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya'mana nagamilugu ti'ehina me'i kibina bo mone'mofihi gi'a Pubiliasi yabe luto mino'ehina bomofihi ai me'alo yabe. Ya'mana bouba ai noha'aluga lele'moto buto hetofana huto kaba hu letago ai nonugu nohi loegi monegi ko'ohuta yabe.

Aposolo 28:7 Referans Kwoze

Aposolo 28:2

Ya'mana hepato boana'magi hetofana hite lele'mo bati hi'ahana. To ko'i ilube'mu nohigo yasi higo logo gelete asaga'i lele'mete ana logolo laba hulago lota hu'ohuta yabe.

Aposolo 23:24

Lenali Polu minoto bilina hosi yaga luga'a neli etete kaba hu bati hi etete le'mo bati hite sipi gamani bo Felikitoga le'mete bilo.

Aposolo 18:12

Ya nohigo alihi Galiohi Lomu gamani bo Gilisi melugu le'mo ho tigo minana kana'alo Yuta bona'i li nupa hite ho tilete Poluhi yato lite ka foya le'mo melelete ma li'ahana:

Aposolo 13:7

Ana nagamilugu ti'ehina metoga gamani bo mone mino'ehina gi'a Segiu Polasi ekesagu fe lina bomofihi lalu'afu yabe. To ya'ma gamani bouba Soliugo Banabasiugo Hu'mamofihi kaga'a li'inogo kehelilube luto kehe i etimi'ehina.

Aposolo 28:6

To Poluhi yaha'a lupe lupe bilifi lila to mele'isi limito melugu kalifi lite bulu'i helete yatama kana minana sibina mone mehu'ehina. Ya higo enali enekesa aku'i yigi fato melelete ma lite li'ahana: Ai felemo suhi mone fato'mofihi nohibe.

Aposolo 28:8

Ya'mana kana'alo Pubiliasihi afo'afihi besigo si'alugati bila to gufa'a mukoho akoho ligo koloto mino'ehina. Polu ana bo aitoga buloto gufa'alo yahi lito nunumu hu etago besise'na'a su ho eto'ehina.

1 Timoti 5:10

Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

Hibulu 13:2

To ka'i logo lili bona'i enebe tigite nohatiniluga enele'mo malalune lite kosele'i meleneheno. Luga'amagi enali bonoho bona'i atilo lite enele'me mele'ehite agelo nehana'muya enali mekeheli'ahana.