Aposolo 27:21 - Ka Lamana'a Monoꞌi Lu Mu Tifiꞌehina Ka Yabe

²¹ Babu kana'agu nose'na mo site minago Polu folagaha'anigu ho tiloto ma luto lu epi'ehina: Ma bomagita, lenali koyapa'i nani lu lepuna kaga liyafa hite Kiliti hepa'i he'mite meatita ya'ma huto ketana li lugufalo memolola to babu fe'noha'ani meminigila hitita'mu yabe.

Aposolo 27:21 Referans Kwoze

Aposolo 27:7

Hege nagami'i nobiligo habahuba hiti lito luna higo botiuba fulu fulu huto bigo ya humo nobunogo loe lugufa kana'a li he'munogo kosele kasele gofa loholago alihi Naitasi hepa'mofihi mula kegi'a neheti'ohuta. To habahuba felele mehuse'na higo ana kegi'a bu yatama mehuse Kiliti nagamilugu me'mo ti'ehinalo ni'ina kegi'a habahi melinaloga boti li moloto Salomone Nekisa be ligito bu'ohuta yabe.

Aposolo 27:12

Boti melelata nehana hisalo yasi yupahi bati huto meminose hepa'i ni'inago hege nagamilugu boti li moloto babeyafa huto Finikisi hepato nehetiluta bati hilifi lite babu bona'magi li baga i'ahana. Boti melelata nehana hise Kiliti ni'ina ai layahi yoga'aga bu hu nomoloto si'a layahi lamaga'aga hu molo'ehinago yalo bati huto yasi kana'alo minalupi lite li'ahana yabe.

Aposolo 27:13

To yofo kegi'ati fulu fulu yasi ligo enali li'ahana suhi hilune'mu hilete botiguti ketana he'migo hege nagamilugu limito ni'ina li bilite botigu li melelete Kiliti beletoga boti li mele li mele hite bilune'mu hi'ahana.

Aposolo 27:20

Ya hilago babu kana'agu yege okaba'a sonofi'i okaba'a hiti bu mego'ohuta yabe. Ya'ma kokulumagu sopopotu fi hekini lo'ehinagi biluna kapo'a bu mego'ohune. To sipi habafapogo babu lito liba liba huto mino'ehina yabe. Ya higo lugufati lubuto bito meminaluta supo nohibe luto kehelune.