Biblia Todo Logo
Bib sou entènèt

- Piblisite -




Aposolo 27:1 - Ka Lamana'a Monoꞌi Lu Mu Tifiꞌehina Ka Yabe

1 Botigu tito Itali hepalugu bilune lite enali lu bati hilago Poluhi hiti to luga'a nagalugu nehana bona'i hiti Yuliasiu Lomu gimi bomagihi kaba'ani ai ya'ma sipi gihiti bomofihi luba bona'amagi yabe lite enigi helata hanamagihi enayanuga bi'ahana.

Gade chapit la Kopi




Aposolo 27:1
29 Referans Kwoze  

To nani ma bo bu go'ohuna ai fililina'a li huto mehu'ehibe. To ai'a sipi gihiti bo Sisau kaga'ni kehelilibe luto lu'ehigo nani ho lifinogo'ni bilibe luto nekesa yigi'ohuna yabe.


Ya luto ligo Fesitasiu kanisole bona'a hiti ka lu kehelilete Poluhi ma luto lu emi'ehina: Kai sipi gamani bo Sisau kaga'ni kehelilibe latagi kai bati huto Sisahi bulo buto ho tilane.


Bo mone Sisalia hepato mino'ehina. Ai gi'a Koniliasi. Ai Lomu gimi bouba 100 gimi bomagi kaba'ani mino'ehina. Ya hu'ehina gimi bomagi nupa hi'ahanamofihi gi'a Itali yabe lite he'ahana.


Ya lina kaga gimi bo kaba'aniuba mekehelise boti afo'afu yagi to botilo nolina bo yagi etali la'ina kaga'atiti loko keheli bati huto mino'ehina yabe.


Ya huloto Yuta bo mone gi'a Akuila yabe ai Ponitasi hepato kete'ahana bo nohigo bu go'ehina. Ya'ma bouba liha'a Pilisila hiti Itali kegi'atoga bite nemina'inati ma'asi e'aha'ina yabe. To hena'mugope gamani bo Kolotiasiu ai gihiti bouba Yuta bona'i asaga'i Lomu hepa'i he'mite bilo luto enoho lifi he'migo etali ete neha'inalo Polu bu'ehina.


Kaba botinimagihi hiti to Hu'mamofihi bona'a asaga'magihi nehafihe luto'ni keke'i nolu lepolonagihe luto nolunagi lu epilo. Itali metogati lenalalutinigi enali hiti nehafihe lite keke'i neli epalago lu nolepube.


Lomu hepato nehetulenogo Poluhi ai'asigo gimi bo moneuba kaba hu etenogo minalibe luto Lomu gamani bouba lu'ehina yabe.


Ya hago gimi bomagi kaba'aniuba Poluhi le'mo buto bito he'malube'mu ekesa keheliloto lenali enoho mefililo luto laga hu epolo'ehina. To asaga bona'i nagamilugu nogosa ite keheli'ahana'a nukuma nete kehetoga kohe tete bilo, luto enoho lifi'ehina.


Ya hepatoti gimi bomagihi kaba'aniuba boti Alekasatilia hepatoti Itali metoga bilube'mu nohinagu lele'mo molo'ehina yabe.


To Felikiu gimi bo mone'mofihi Poluhi nagalugu le'moto buto he'mi eto'ohuto luga'a kanagu fegutoga le'mo he'mitogo yegelota nohinogo lalu'agi nose'nafi guketefi he'mete emilune'mu nehinogomo kai o'e luto laga mehu epolobo luto Felikiu lu emi'ehina yabe.


Ya ligo Polu gimi bo mone kehe ito ma luto lu emi'ehina: Ma neheya kola pana'uba kaga mone lito o'ehinagi kai le'moto buto gimi bomagihi kaba'animofihi emitogo ana kaga lu emilibe.


Ana folugu'i Sipi Bouba Poluhi metoga ho tito nohuto ma luto lu emi'ehina: Kai koli mehuto amuya kekesa molobo. To koyapa'i ma Yelusale hepato nani kumu kaga amuya moloto lu epi'ahata suhi Lomu hepato buto ana huloto lu epibo.


Ya ligo ana kaba bouba ya'ma ka kehelito buto sipi kaba bo'a nohinalo lu emi'ehina: Ya'ma bo Lomu bo nohinagi kai hena hu etalube'mu nohane? ya ligo ana sipi kaba bouba Polu nohinaga buto ma loka ho'ehina: Kai lu nimibo. Kai Lomu bona'i nohapihe? O'yo luto Polu lu'ehina.


Kehelito ana'asi ai gimi bo luga'a hiti to kaba'animagi hiti enele'moto hololu luto li gehesa nehanalo enele'mago enali hololu lite li gehesa nehanalo limite neheti'ahana. To boana'magi ya'ma gimi bomagihi kaba'ani bo hiti to ai'a gimi bo'a hiti be gelete Poluhi osahi halune'mu hanamo he'mite fa'mene mine'ahana.


Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.


Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.


Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.


Gimi bomagihi kaba bo'aniuba ya'manana huto hinamofihi hapa'a bu go su holoto Hu'mamofihi gelo bi emito ma luto lu'ehina: Ma'naka luto ya'ma boya bebe sana bo yabe.


To Lomu hepato gimi bomagihi kaba bo'animofihi koko pana'a mone mino'ehina. Ya higo ana gimi bo'auba ai hetofa pana'ni yabe luto le'mo bati hu'ehina yatai ana koko pana'a sipina besito afilise'na hu'ehinalo Yesu ana hepalugu heneti'ehina yabe.


Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.


Lali asaga'i bati huto kehetoga buloto keheluta ana hege nagamilugu ti'ehina metoga nehetutamofihi gi'a Molita yabe lite gi'a he'ahana yabe.


Swiv nou:

Piblisite


Piblisite