Aposolo 26:7 - Ka Lamana'a Monoꞌi Lu Mu Tifiꞌehina Ka Yabe

⁷ Enali nayahi luga luga su hoto nigigusagati loemo heleko malago nagatimagi utehi etehi Hu'mamofitoga nunumu nama lite minete komopa'ani aitoga amuya melete emite ananamofihi nogo geba hite mine'ahana yabe. To kibina bo'nimaka, nani'ni hiti anana'mu luto komopa'ni emito geba hu'ohunana'mu lite Yuta bona'magi yatai nifisa neibe.

Aposolo 26:7 Referans Kwoze

Yemesi 1:1

Nani Yemesita Hu'mamofihi koko pana'a to Sipi Bo Yesu Kilisitohi pana'amofita nani'ni fayahi nokoyobe. Lenali Isilaeli bona'magihi naga'i nayahi luga luga su hoto nigigusaga loemo leke ho malago tili tele hite bi'ahana bonatogati Yesuhi naga'a lolo hi'ahanamagihi keke'i lu epoloto ya'ma fayahi nokoyobe.

1 Timoti 5:5

Keto ana'i lamana'a ya'ma yagapana'a menehinogomo enali'anigo minete Hu'mamofitoga enemehi melete kana'amu kana'amu ute etehi Hu'mamofihi kaga lite buka tite lehe'malibe lite fifa ilata nehabe.

1 Tesalonika 3:10

Lali buto bu lenagalune luto to lenogobisalo minototi mono ka luga'a mino lito bu'ehina yamofihi lu lepilune luto utehi etehi babu luto lito Hu'mamofitoga amuya moloto lulata nohune.

Filipai 3:11

To henabe lutobe? Ya huloto'ni buto fili'ehinaguti ho ti'ehina li huto hilufihe? luto kehelito nohube.

Luku 22:30

To Kapo'nilo lenali nose'na nete to nagami nete hita'nilo hilabe. To lenali gihiti bomagihi kefa hisalo minelete ma melugu nayahi luga luga su hoto nigigusagati loemo heleko malago ya'ma Isilaeli naga'i nehana enali kaga'anilo kaba hilete nehite ya huto kaga latagi lite keheli epalalana'mu yabe, luto Yesu aposolo pana'a lu epi'ehina.

Matiu 19:28

To Yesu ma luto lu epi'ehina: Nani ma'naka luto lu nolepube. Alihi asaga'namagi yuhufanago lolo hilina yupahi Kokulumaguti limi'ehina Bo ai fana mehenagu minoto kibina bomofihi kefa hisalo minalina'mu yabe. To nani'i nemege'i melete mine'ahana bomagita ya'mana yupahi 12 kefa hisalo minalana'mu yabe. To lenali ya hilete Isilaeli naga'i 12 magihi kaba hi epalalabe.

Aposolo 26:2

Kibina bo Agilipao. Yatai kai kubulo kaga'ni lu hokolo huto negelo bito lu kimilube'mu nohube. To enali Yuta bona'magi nifisa neina kaga lu kimiluna'mu yabe.

Aposolo 20:31

Ya hilanagi lenali kaba hite minalo. Nani loeyagi moneyagi foya kanagu etehi utehi hiti lenali kumu yibi huba huba nohuto mono kaga lu lenelepi'ohuta yamofihi mehe'mise mino'ohunagi ya'ma lenekesu meheno.

Luku 2:25

To yalo bo mone Yelusale hepato mino'ehina gi'a Simioni yabe. To aiya bati huse bo to Hu'mamofihi agoya hu emise bo yabe. Ai Isilaeli bona'magi enubuto bilina bo'mu geba huto mino'ehina. To Sikalafu'i hiti Simionitoga mino'ehina yabe.

Aposolo 24:15

To Hu'mau ana'ina mone li huto hilube lu'ehinamofihi enali'ani geba hite nehago nani ana huto keheli komopa'nigu molo'ohuto geba nohube. To bona'i sibina'afi to mana'afi fili'ahanagati Hu'mau aku'i enele'mo ho tilina'mu ya'ma geba nohube.

Aposolo 26:3

To Yuta bona'magi hapa'ani hiti to enali enoloka helata nehanamofihi kai keheliya i'ahane. To nalalu'niga kai kaga'nilo kosele'i mekehenogo kehelito minobo.

Aposolo 28:20

To ya'ma kagasi'mu luto lenali'i kehe i nupa huto lu nolepube. Nani lenali'i bu lenogoto kaga lu lepilube luto yabe. To asaga lali Isilaeli bona'magita geba nohutanamofihi ya'ma Hu'mau le'mo ho ti'ehina bo, Mesiahi nani komopa'ni emito nohuto geba nohube. Ya'mana'mu luto ma seni naga'uba yatai nayanugu ma ina i'ehibe.