Aposolo 26:5 - Ka Lamana'a Monoꞌi Lu Mu Tifiꞌehina Ka Yabe

⁵ Enali nani'i koyapa'i keheli nete'ehitemo lu hokolo hu kimilabe. Nani koyapa'i yata'a Felosi bona'magihi hapa'ani lito mino'ohuna ya'mana suhi keheli'ahafi fulu huto meni'ibe. Ai asaga mono katimofihi hapa'a hoto ni'ibe, lite lu kimilabe.

Aposolo 26:5 Referans Kwoze

Aposolo 23:6

To luga'a kanisole bo Satusi yagi to luga'a kanisole Felosi yagi hite Polu bu enogoloto ai kehe ito ma luto lu epi'ehina: Nalalu'nigita. Nani afo'nifu Felosi bo nohigo nani'ni hiti ana huto Felosi bo nohube. Nani bona'i fililete aku'i ho tilana kaga'a lu noepuna ana kagamu'i lite lenali yatai ka foya neli netabe.

Aposolo 22:3

Nani Yuta bona'i nohube. Meya Silisia kapogu Tasasi hepatoga ito'nifu analo'i neketo'ehina. Yalo ma Yelusale hepatoga nele'mete ago sukulu tito to ya'ma babafi bo gi'a Gamelieli nelepito minago ya'ma tatatigihi mono'i keya ka'ani keheliya ito ya'ma hapa'agu keheli amuya huto hofa to'ohuna yabe. To lenali yatai hi'ahana suhi huto nani ana huto hulata minoto Hu'mamofitoga amuya moloto mino'ohuna.

Aposolo 24:5

Lali ya'ma bo bu gota ai kegeiyo bo nohibe. Ai asaga kapoga hepato hepato Yuta bona'i hiti kenasabo bi enohomofa'na huto ka noepekina bo nohibe. To ai Nasalene naga'mofihi kaba bo'a nohibe.

Aposolo 22:5

Ya'ma mamufa gilata bo, sipi bo to mono kanisole bona'i hiti enali asaga'i ya'ma hapa'ni koyapa ya huto ni'igo ma'naka nolibe keheli'ahabe. Enali fayahi keye'ahanana nimiloto noho lifilago buto Tamasiko hepato buto Yuta lalu'anifihi epiloto ana hepato Yesuhi kaga kehelise bona'i naga'i epito seni naga'i sa gi epoloto Yelusale hepatoga enele'moto oto osahi epilabe luto bu'ohuna yabe.

Aposolo 24:14

Ya hu'ehina ya'mana ka nani lu huto huto lu kimilube. Enali faga lite nifisa neina Kapolo mege'i moloto'ni tatatigi Hu'ma'anifu agoya hu noemuna yabe. To nani ana huto Mosehi keya kagu ge'ahana hiti to kaga lu yege holata bomagi bukugu ge'ahana kaga hiti silaga'na keheli mana nohuna yabe.

Aposolo 15:5

To Felosi naga'i mone'amagi Yesuhi agoya hu emilata enali ho tite ma lite li'ahana: Ya'ma fegutoga bona'i enali enugufa'ani laga hilenogo Mosehi keya ka'a lu epinogo mege'i malalabe lite li'ahana yabe.