Biblia Todo Logo
Bib sou entènèt

- Piblisite -




Aposolo 26:18 - Ka Lamana'a Monoꞌi Lu Mu Tifiꞌehina Ka Yabe

18 To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Gade chapit la Kopi




Aposolo 26:18
90 Referans Kwoze  

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.


To lenegekesa yigise'namofihi li hokolo hulenogo Hu'ma hiti alihi mine bati hilana hapa'a kehelilabe luto, to lenali panana'a alihi lepilube luto lu molo'ehina'a kehelilabe luto, loka nohobe.


Lenali koyapa'i enali suhi hite metepugu mine'ahanamo ni'ibe. Yatai ya'ma Sipi Bomofitoga nehepite fana mehatini hiti lolo hite nehabe. Ya'mu fana mehenamofihi legeya'a lolo hite yanamofihi babeyafalo minalabe.


To yatai nani Hu'mau kaba huse'na'a to lehe'mose'namofihi ka'a yanagu lenele'malube luto aitoga molo lepolo'ohube. Ai ka'atu lenele'mo bati bati huto amuya molo lepalalibe. Ya huto ya'ma bebe sose'na'a pana'alobo'amagihi guna mololatana ya'ma lepilina'mu yabe.


Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.


Yesu aku'i ma luto lu epi'ehina: Nani ma me'mofihi libi'a nohube. Bo moneuba nani'i nemege'i malalinauba lo mesobose libi'i ligiloto metepulugu kapo memalalina'mu yabe.


Enali ya'ma komopa'ani enegekesa hokolo mehigo negi nagi nete komopa'ani hekini lolago fa'mene mine'ahana. Enali Hu'mau lele'mo bati huse'na'amofihi melise nehite enegekesa sibina higo mine'ahabe.


Hu'mamofihi ka mekehelise bona'magitoga bite mino hepite koguna lolo mehilo. Lamana'a hiti to laga mehinana hiti etali hena hite i hepite menala'ibe? Ya'ma i mehepila'ina'mu yabe. To fana mehena hiti metepuna hiti moneko kumu minala'ifiye? O'e, ya huto meni'ibe.


Enali ya'ma ana metogati gihiti bo moneuba gi'a Satau, ai komopa'ani fi hekini lago Kilisitotoga keheli meemise neminabe. To ai komopa'ani fi hekini lago enali ka lamana'amofihi fana meha'auba komopa'anigu limilenogo Kilisito Hu'mamofihi babeyafalo nominana bomofihi fana meha'a bu go fe lite bu menegabe.


To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.


Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.


Lali Hu'mamofitogati huto hu'ohuta ya'ma noto noto melugu bona'i mone'amagi asaga'naloga enali foipanamofihi afo'afu ai nosipenuga kete nehabe luto keheli'ohune.


Ya hu'ehinaya to foipanati Hu'mamofitoga lu huto nohunogomo ai eto'ehina bo to faga melulata nohina bouba ai ka'a beto huto'a foipanati nokala huto asaga foipanati li he'mi leto su halina'mu yabe.


Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.


To ai gi'alo Yelusale hepatoti hapi filete kaga'a lite noto noto bona'i asaga kapoga lu yege henogo ai gi'alo komopa'ani i gelehe hilete foipana'ani'guti mino bati hinogo Hu'mau foipana'ani li he'mi epalalibe.


Kolo tanana mone ya'ma anagu tito mefalalina'mu yabe. To bona'i mone'amagi enubuya nohina nasana mone lilana to faga faga lite nehilana'a enali ana hepalugu tite meminalana'mu yabe. Enigi'ani Hu'mamofihi sipisipi nala'auba bati hi'ahana'a minoba minoba hise bona'magihi enigi'ani bukugu koyo molo'ehina bona'i enali'anisigo bite henetilana'mu yabe.


Lenali sipisipi yaga suhi hite lopi fite mine'ahanamo yabe. Yatai ya'ma lenemehatinimofihi kaba bo'a ai lenele'mo behe higo aitoga huto hite neete mege'i nemalabe.


Keheli ule'ale huse'nati meeminenogo nehinogoti Hu'mau bu goto fokehi melilibe. Hu'ma ai'a nohibe luto yamofihi keheli ule'ale huto to ai hapa'amu amuya melete sa sa hilana bona'magi ya'ma mina'a limilibe luto komopatitu keheliya ito ai maha'aluga buse'na ni'ibe.


Sipi Botiuba kaga ma luto molo'ehinamoya lali'i limi'ehina: Fegutoga bona'magitoga fana tose'na kele'mo ho ti'ohube. Melugu bona'i yege yege'i nehanamagihi enele'mo enubuto bilane luto kapo li hokolo huse bo kele'mo ho tube.


Ai lali'i fato suhi nohu letoto enali'i mone fato suhi mehu epolo'ehibe. Enali komopa'ani aitoga emigo ya hanalo nona'a foipana'ani li he'mi epolo'ehibe.


Hu'mau le'moto tito yahi lamaga'aga molo'ehigo nohibe. Lali Isilaeli bona'magita kaba boti lehe'malube luto nohinago lali aitogago komopati emito aitoga binogo foipanati li he'mi letalina'mu yabe.


Nani ma melugu minoto asaga noto noto bona'magihi libi'ani besa lose'na'a nohube.


To ka foya lisemofihi hapa'a ma huto ni'ibe. Ma melugu fana mehena ahuto hu'ehina to bona'magi metepunamu laga epesibe. Enali metepunamu'i laga epesinaya hena'mugope enali foipa faipana lite nehana hapa'aniuba bati mehu'ehigo yabe.


Lenali pa'ni pana'ni nehanamagita, Yesu Kilisitohi gi'alo yabe luto foipanatini li he'mi lepolo'ehinamo ni'ibe. Ya huto ni'inagi fayahi ya'ma koyo nolepube.


To fili'ehinaguti le'mo ho ti'ehina'mu luto kokulumagu amuya fe'nohi fulupa meilina'a to sibi mehilina'a to fenene mehilina'a molo lepolo'ehina yabe. To fililata'namofihi ya'ma geba hulata nohuta yamofihi minete kokulumagu tilabe luto lenele'mo babahi nohu lepalabe.


Ka lamana'a ya'ma komopa'anigu limilina'a yamofitu enele'mo eto hubo. Kai kaka ya'ma lamana'a ni'ibe.


To bona'amagitoga buto lu epitogo enali kehelilete foipana'ani li he'milenogo bati hite minalabe.


Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.


Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.


Ya huto komopati li gulu gulu hinogo lele'mo eto hulata kapolo bulata nohutamofihi mamufa moneko'i giloto lele'mo fotogo hulata kapolo malago asu ho'ehinamo ni'ibe.


To ai henabe luto ya huto fili'ehibe? Hu'mau Abalahahi lusa gi emito ka molo'ehina'a ya'ma fegutoga bonatoga hiti li huto hilibe luto yabe. To lali Yesu Kilisitohi keheli ule'ale huto aitoga agoya hu emiluta bona'i nohune luto Hu'mau ai Sikalafu'i epilube luto lu molo'ehina'mu yam'a keheliloto lilune'mu hune.


To ai ya luto lu epito enegekesa lu hokolo higo enali Hu'mamofihi ka'a fayahi go'ehina keheli bebe se'ahana.


Ana bona'magi Satau koyapa kelefu'agu enohoto ai mege'i malalabe luto naga'i epi'ehinamagi komopa'ani i gelehe hinogo to enegekesa hokolo hinogo Hu'mau Sataha naga'aguti enubuto bilina'mu yabe.


Nekehelifiye? Hu'mau lali hetofa suhi huto minolatanatilo lubuto bina meni'ibe. O'e, ai'a ginaga fi leto'ehinalo agoya hu nimilata nehana'mu yabe luto lubuto bi'ehina ni'ibe. To ya'ma agoya hu emutana laliti meni'ibe. Ai Hu'mau fa'mene lele'mo ya huto hu'ehina yabe.


To silaga'i ya'ma Hu'mau komopa'atu keheliloto lu molo'ehinalo lilata nohibe. Ai'a koyapa kana'a ekesa kehelito lu molo'ehinalo Kilisito hiti moneko'na minalabe luto lele'mo'ehibe.


Ya hu'ehinaya Hu'mau lali Yesu Kilisitotoga lele'mo hepi'ehina yabe. Kilisitou ai ya'ma lali Hu'mamofihi ka'a keheli bebe salutamofihi hapa'a minalibe luto yabe. To ai Hu'mamofihi gobisalo mino fu luto minalutamofihi hapa'a minalibe luto, to foipanati li he'mi letelenogo komopati gulu gulu linogo minalutamofihi hapa'a minalibe luto yabe. To ai Kilisitou lali'i foipanaguti gulu ho letalibe luto yabe.


Sipi Bomofihi meha'a nani hiti ni'ibe. Ai ka lamana'a feno'ha'ani menina bonatoga leli'ali hubo luto nele'mo ho ti'ehina yabe. Ai kaga ya'ma luto lubo luto noho lifi'ehina yabe. Lenali naga'i li'ahana bona'i he'mite fa'mene bilo. Lenali lenubu metepu i'ehina bona'i lenubutini i fana talibe. To lenali sipi ketana li'ahana bona'i bati hite minalabe.


Ai libi'mo moneuba fegutoga bonatoga metepunagu nehilana bonatoga enele'mo besa lalibe. To ai Isilaeli boanaka enigi'a le'mo sipi hilina'mu yabe. Simioniu ya luto lu'ehina yabe.


Bona'i enali metepunagu neminana enali sipi logo fana mehena'a abu ge'ahabe. Enali bona'i metepu ito filisemofihi hepa'i ninalo neminana enalitoga fana mehena ahuto hu epolo baga i'ehibe.


Ya hu'ehina'mu Hu'mamofihi ka'alo Yesu Kilisito kehelito gufa'auba kana'a moneko kanasigo mamufa gigo lali asaga'i foipanati li he'mi letoto komopati le'mo eto higo nohuta'a ya'ma aku'i mamufa ai'a gilina'mu yabe.


Ya hu'ehina'mu Kilisitou ai'a ya huloto lu mu tifisemofihi ka'a tafa'a yanagu bona'i mine'ahana foipana li huto hi'ahana yaguti li kele li letalube luto fili'ehinamo ni'ibe. Ya hu'ehina'mu bona'i yata'a lu mu tifise'na kagalugu mine'ahana Kilisitou foipanaguti gulu ho epolo'ehina yabe, luto fili'ehina. To nofilito Hu'mau elesa molo epi'ehina bona'i enali minoba minoba husemofihi kokulumagu yogo fe'nohi lilabe luto lusa gi epalalina'mu yabe. Ya'ma bati hite lilabe luto Hu'ma hiti bona'i hiti enele'mo hepiloto lu mu tifise ka'a kosaba'i li huto huto molo leto'ehinamo ni'ibe.


Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.


To hena'mube? Hu'mau bona'magi yaga osahi lalu'anigi epilata nehana suhi huto ai Sikalafu'i limilata nohina yabe. To hena'mube? Ai'a bona'amagi alihi epilube luto molo'ehina'a lali'i ana huto liluta kehelilune luto yabe. To Hu'mau foipana nagaluguti pa so letoloto ai'a bona'a lele'malina keheliluna luto ai'a Sikalafu'i limilata nohina ni'ibe. Ya'mu Hu'mamofihi gi'a liyafa huto fokehi hoto minalune.


Kilisitou aiya golaha'atu mina fi letoto foipana nagaluguti gulu ho letalibe luto foipanati li he'mi letalibe luto fili'ehinamo ni'ibe. Ya'mu Hu'mau lalitoga mehi limise'na'a sipi nohina keheli'ohune.


Nasana mone kumu lenoloka halube. Kehelite lu nimilo. Lenali Hu'mamofihi Sikalafu'a hiya hite li'ahabe? Moseu keya ka lu'ehinana kehelite lilete li'ahana ni'ifihe? O'e, ya'ma meni'ibe. To Kilisitohi ka keheli bati hilete lenemehi emilete li'ahanamo ni'ibe.


Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.


Yalo'i lali pana'amagita nohunogo ai'a bona'amofihi lusa gi epalalina'a lali hiti limilinagihe. To Hu'mau Kilisitohi hetofa nasana li molo emilina'a ya'ma ana huto limilenogo lilune. To lali Kilisito gabu gise'na'a hiti ya'ma ana huto kofiloto nohunogo ai'a fana meha'a hiti limilenogo liloto aitoga hepito minalune.


Ai Mesiau gabu foya lito fililoto ai yata'a kohe to letoto kene keliguti aku'i ho tilina'mu yabe. Ai Yuta boti hiti fegutoga bona'i hiti ya'ma lubuto bise'namofi hiti mino fana toto minosemofihi kaga'a lu yege ho epilina'mu yabe lite li'ahabe luto Polu lu'ehina yabe.


Asaga'i kaga lu yege hose bomagi Yesu ai kumu kaga ma lite li'ahana. Enali aitoga komopa'ani malalanamagihi foipana'ani ai gi'alo linogoti li he'mi epalalibe.


Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.


Ya nohigo Yesu lu'ehina: Nani ma metoga oloto bona'magihi hapa'ani bu goloto loko hilube. Bona'i luga'a enubu pisi lu'ehina suhi hite yanamagihi bu galana lolo hu epalalube. To bu galana suhi hite nehanamagihi li fili ko epalalube nolube, Yesu lu'ehina.


To nani epilube'mu nohuna nagami'i bo moneuba nalina aku aku'i nagami kumu mebesilina'mu yabe. Nani emiluna nagami'uba ailuguti ipi opoho nagami'uba nohina'a huto se menose logoba logoba hilina'mu yabe.


Ya ligo Yesu ka'alo nona'a lu emi'ehina: Hu'mau hetofana epilata nohina hiti to nagami'i hefi nimibo luto koloka nohana bo hiti kai keheli'ahatita, ai'i loka hatago mino kosaba nagami'i kimitita'mu yabe.


Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.


Kibina bo, Agilipao. Nani ya'ma luto kokulumaguti nubulo hinamofihi ka'a pelesa mei'ohube.


Luga'amagi metepunagu to futu'a lolo nehinogomo enali hiti mino mehepilo. Lenali ya'ma ananamofihi'ya li fana tete li hokolo hi etalo.


Lenali ya'ma akeheli'ahabe. Lali fa'mene lugufa hiti bona'magita luba sabo menohune. Metepu kapo kaba nehana to Satahi kaba bo'a hiti enikibina bo sipi'a to sipi bo amuyana'a nehananamagi to foipa kene'i samahi tito kokuluma megesa'aga neminana enali luba li huto hu limilata nehabe.


Swiv nou:

Piblisite


Piblisite