Aposolo 26:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Ya higo lali asaga'i melugu limito ko gehesa hulototi nani nogo mone ma luto Hibulu nogoguti ligo keheli'ohube: Solio, Solio. Kai hena hibe luto nani'i negene mane ito nonahane? Kosa kosa'namofihi kigigusatu'i noita kaika kugufakagu limo fito kugufamofihi gabu foya noemine.

Aposolo 26:14 Referans Kwoze

Aposolo 21:40

Gimi bomagihi kaba bo: Alubo luto, ligo Polu hakalo minoto yaha'a li saga higo to enali kaga lege'nago ai Hibulu nogoguti ma luloto lu epi'ehina:

Aposolo 22:2

Polu ya luto ya'ma Yuta bona'mofihi nogoguti lu noepigo enali ka mone hiti melise mine'ahabe. To ai ma luto lu epi'ehina:

Aposolo 9:7

To enali Soli hiti moneka mege'i e'ahanamagi i gofa mehise analo'na lolo hite ho ti mebilete kaga nesi'a enabagaguti mone meli'ahana. Enali kaga nogo'a kehelinaya bona'i mone huto hago bu mege'ahana yabe.

1 Koliti 10:22

Lali foipa felemagihi seba'a nonogomo Sipi Bomofihi ita bi laligi lali enohoka mehilune. Lali amuyatiuba ai'a ya'ma be meligi'ehibe.

Aposolo 26:13

Kibina bo'nimaka, fuligaha kanalo nani kapo moloto notugo kokulumaguti fana mehenauba yege hoto limito nani'ni hiti to nemege'i melete bana bona'i hiti nohutalo lusina huto fi besa lo'ehina yabe.

Aposolo 26:15

Ya luto ligo ana nogomofihi ka'alo nona'a nani ma luto lu'ohuna: Sipi Bo'ni, kai kiyi'agabe? Ya luto Sipi Bouba lu'ehina: Nani Yesuita negene mane ito nonahata bomofita nolube.