Aposolo 26:11 - Ka Lamana'a Monoꞌi Lu Mu Tifiꞌehina Ka Yabe

¹¹ Nani babu yupahi Yuta bona'magi li nupa hite minelata nehana nonugu posa gito enayato lito naga osatu enibi yigiloto Yesutoga komopa'ani neemina he'milafi luto naga'i epi'ohuna. Enali kumu luto nani nitaluga logo bilata higo fato fato hepato foto'i nehanalo enegene mane ito enoholata hu'ohuna yabe.

Aposolo 26:11 Referans Kwoze

Aposolo 22:19

Ya luto ligo nani ma luto lu emi'ohube: Kibina Bo'nise, koyapa nani asaga fato fato mono nonugu tito agoya hu kimi'ahanamagihi enele'moto naga'i epito to segi osahi epito mino'ohuna ya'ma enali keheli bati hi'ahana.

Aposolo 13:45

Ya hago Yuta bona'magi babu boana'i li gehesa hana bu gelete siko hilete enipakafa he'ahana. Ya hilete Polu kaga nolina kaga'a li sibi hite fagalo bo nohatagi kaga meluse analo he'mibo lite bunepa i'ahana.

Matiu 10:17

Lenali kaba hu bati hilo. Enali bona'i luga'amagi naga'i lepelete ka foya li lepelete enali li nupa hite minelata nehana nonugu lenele'mo melete naga osatu lenibi yigilana'mu yabe.

Aposolo 22:5

Ya'ma mamufa gilata bo, sipi bo to mono kanisole bona'i hiti enali asaga'i ya'ma hapa'ni koyapa ya huto ni'igo ma'naka nolibe keheli'ahabe. Enali fayahi keye'ahanana nimiloto noho lifilago buto Tamasiko hepato buto Yuta lalu'anifihi epiloto ana hepato Yesuhi kaga kehelise bona'i naga'i epito seni naga'i sa gi epoloto Yelusale hepatoga enele'moto oto osahi epilabe luto bu'ohuna yabe.

Aposolo 9:1

To Soliu Hu'mamofihi boana'a aitoga komopa'ani emite mino hetofa hi'ahana enoho fililube luto lusiga lu'ehina. Ya huloto sipi mono nohi kaba bo'a nohinalo bu'ehina.

Yemesi 2:7

To lenigi'a liyafa hu'ehinana enali fe'noha'ani hiti bona'magi li sibina sabana nehabe.

Aposolo 18:6

Ya luto lu epina enali ana ka'a keheli komopa'anigu memolose kiya hi etelata hago Polu ya nehagomo hulata nohina'a huto gukete'agati mumusopa i tili nohuto ma luto lu epi'ehina: Lenali lenugufatini le'mo lenubuto mebilana ya lenali hapatini'mu luto yabe. To nani yananalo kaba mehu'ohube. Yatai ya'maloti fegutoga bona'i nehanaga buloto Yesu kumu enali'i lu yege hoto minaluna'mu yabe.

Luku 21:12

Ya hu'ehina ya'mana asaga'na huto mehu'ehinogo yata'a lenegene mane hite lenele'mo sibina hilana'mu yabe. Enali mono nonugu lenele'mo melete naga'i lepilana'mu yabe. Enali nani nigi'ni li melugu malalune lite lenele'mo gihiti bo enubulo hiti gamani bona enubulo hiti bite ka foya lilana'mu yabe.

Luku 15:17

To alihi ekesa'a hokolo higo ma luto lu'ehibe: Ke. Afo'nifihi lili'nalo bona'magi henaki'a nose'na nelete mone'a nehe'mibe? Asaga'i ya nehanagi to nani kau'na gofa nonahago mana hepatoga nofulube.

Luku 6:11

To enali enitaluga logo bilago ai lu emigo ai lu emigo ma lite li'ahana: Lali Yesuhi hena hu etalune?

Maki 13:9

To ya'ma huto nohinogo lenalitini kaba hi bati hilo. Boana'magi alihi lenali'i kefefe hite bite mono nonugu lenele'mete bite ka foya lilete osahi lepilabe. Nani kumu lite lenele'mete bite gamani bona enubulo to enikibina bona enubulo lenele'mete bite ka foya li lepalalabe. To ya hinogo lenali nani kumu ka lamana'a lu epilabe.

Maki 3:28

To ya huto ni'igo, nani ka'ni lusiga luto lu lepilunagi keheli'ehilo. Bona'magihi foipana'ani silaga'na Hu'mau pa so epalalibe. To ana huto megeka nelana'ani fato fato'na pa so epalalibe.