Aposolo 26:1 - Ka Lamana'a Monoꞌi Lu Mu Tifiꞌehina Ka Yabe

¹ Ya luto ligo Agilipau Poluhi ma luto lu emi'ehina: Kai nani nubulo kagaka alubo. Ya ligo Polu yaha'a li saga huloto ma luto lu epi'ehina:

Aposolo 26:1 Referans Kwoze

Aposolo 9:15

Ya ligo Sipi Bouba lu emi'ehina: Kai bubo. Ai nanitoga komopa'a nimilina bo le'mo ho ti'ohuna ai nani nigi'ni liloto fegutoga bona'i to enikibina bona'i hiti to Isilaeli bona'i asaga'i enalitoga lu yege homofa'na hilina'mu yabe.

Aposolo 26:2

Kibina bo Agilipao. Yatai kai kubulo kaga'ni lu hokolo huto negelo bito lu kimilube'mu nohube. To enali Yuta bona'magi nifisa neina kaga lu kimiluna'mu yabe.

Yoni 7:51

Lali keya katigu nina'a huto bo moneuba li huto hu'ehinanamofihi hapa'a li huto mehula kaga'a mekehelila hu'ohutomo fakupagu naga'i meemilutamo ni'ibe.

Romu 10:21

Ya hu'ehina'mu Hu'mau Isilaeli bona'magi kumu ka mone hiti lu'ehina ma ni'ibe: Nani asaga yupahi enele'malube luto nayatu babeyafa nohugo aku'i enali ka keheli he'mite to komopa'ani nunu gina boana'i nanitoga mealune'mu nehabe.

Aposolo 25:16

Ya lago nani ka'anilo nona'a ma luto lu'ohuna: Lali Lomu bona'magita hapatiya bo mone'mofihi fa'mene fisa ilata menohune. Bo mone'mofitoga kaga ni'igomo yata'a ka foya lu epololata bomofihi bulo ho tigo lali geba hu'ohunogo ana bouba kaga fisa neinamofihi keheli bati hulata nohibe.

Aposolo 22:1

Lenali afo'nigi nogona'nigi nalalu'nigitase. Kaga'nimofihi hapa'a lu lepilunagi keheli'ehilo.

Aposolo 25:27

To nani nagalugu nohina bo mone'mofihi fisa ite kaga li'ahana'a fayanugu megose ho lifinogo'ni bilinaya bati mehilina'mu yabe luto ya'ma Fesitasiu luloto lu'ehina.