Aposolo 24:5 - Ka Lamana'a Monoꞌi Lu Mu Tifiꞌehina Ka Yabe

⁵ Lali ya'ma bo bu gota ai kegeiyo bo nohibe. Ai asaga kapoga hepato hepato Yuta bona'i hiti kenasabo bi enohomofa'na huto ka noepekina bo nohibe. To ai Nasalene naga'mofihi kaba bo'a nohibe.

Aposolo 24:5 Referans Kwoze

Aposolo 28:22

Ya hu'ehina kai kabagakaguti lu hokolo huto lu limilata kaga lali kehelilune. Hena'mugope asaga boana'magi enabagaguti kehelutamo ya hite ya'ma naga'magi loko hite fato nehabe lite kaga foipa'a lana'asigo nokeheluta yabe.

Aposolo 24:14

Ya hu'ehina ya'mana ka nani lu huto huto lu kimilube. Enali faga lite nifisa neina Kapolo mege'i moloto'ni tatatigi Hu'ma'anifu agoya hu noemuna yabe. To nani ana huto Mosehi keya kagu ge'ahana hiti to kaga lu yege holata bomagi bukugu ge'ahana kaga hiti silaga'na keheli mana nohuna yabe.

Aposolo 26:5

Enali nani'i koyapa'i keheli nete'ehitemo lu hokolo hu kimilabe. Nani koyapa'i yata'a Felosi bona'magihi hapa'ani lito mino'ohuna ya'mana suhi keheli'ahafi fulu huto meni'ibe. Ai asaga mono katimofihi hapa'a hoto ni'ibe, lite lu kimilabe.

Aposolo 15:5

To Felosi naga'i mone'amagi Yesuhi agoya hu emilata enali ho tite ma lite li'ahana: Ya'ma fegutoga bona'i enali enugufa'ani laga hilenogo Mosehi keya ka'a lu epinogo mege'i malalabe lite li'ahana yabe.

1 Koliti 4:13

Yatai huto nohina kana'alo lele'mo sibina nehanaya fa'mene enele'mo fulu hulata nohune. Lali fa'menena lolo huto bona'i asagatoga sosopana legi huto minolata nohune. Ya'ma lali minomo buto yatai hiti ya huto nohune.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Aposolo 5:17

To ya higo mono sipi kaba bo hiti to asaga bona'a hiti moneka mine'ahana to enali Satusi naga'magi hiti enali asaga'i enipakafa sipi he'ahana. Enali enegekesa kehelilete naga epilune lite lu keheli'ahana.

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

1 Pita 2:19

To kaba botini lenele'mo sibina hilenogo lenali Hu'mamofi kumu lite kehelite komopatini emilete fa'mene neminenogo Hu'mau ai keke'i luse'namofihi lenugupisalo ni'igo bu goto keheliloto lusa gi lepoloto lenele'mo bati hilina'mu yabe.

1 Koliti 11:19

To loko hi'ahanauba hiya bona'magi Hu'mamofihi bulo mono ka'mu amuya melelata nehana le'mo huto hulata nohibe?

Aposolo 22:22

Polu ya luto beto hu epologo kehelite mine'ahabe. To ai ya'ma fegutoga bona'magi kumu ka noligo ana'asi enali nogo sipi melete ma li'ahana: Ana bomo ho filibo. Metoga mefilise minalina bati mehibe. Ho filibo.

Aposolo 6:13

To enali faga faga lu melete ka foya li etalana bona'i luga'a enele'mo mele'ahana. Ya'mana bomagi ma lite li'ahana: Asaga yupahi ya'ma bouba suguna mono nohatimofi hiti to Moseu keya ka li'ehinamofi kumu luto kaga lu sibina hulata nohina yabe.

Luku 23:25

Ya'ma bo ai gamani bonatoga luba li huto huloto bona'i enoho fili'ehina bomofihi boana'magi aku'i le'malune lite lago Pailatiu Balabasihi li gulu fo etago bu'ehina. To enali kaga lana enemege'i moloto Yesuhi gimi bomagihi enayanugu molo'ehina yabe.

Luku 23:19

Balabasiu ai gamani bona'magi kaga'mu luto luba li ho tiloto bo mone ho fili'ehinalo nagalugu le'mo malago nominana yabe.

Luku 23:5

Ya ligo asaga bona'magi sipi hite kehe ilete ma lite li'ahana: Ai boana'magitoga kaga lu epilago ai ka'auba asaga Yutia kegi'a boana'i enele'mo luba hulata nohina yabe. Ai Galili kapoguti hapi filoto ya'mana suhi humofa'na nohigo yatai ya'malo noabe.

Matiu 10:25

To sukulu pana'uba tisa bo'a lolo hilina bati huto ni'ibe. To koko pana'uba sipi bo'a lolo huto minalina bati huto ni'ibe. Nani afotinifita enali foipa felemofihi gi'a Bielesebulu nanitoga mele'ahana suhi hite lenali'i ana hite babu lite foipa lenigi halana'mu yabe, luto Yesu lu epi'ehina yabe.

Matiu 2:23

Ai buto Nasalete hepato nohi gito mino'ehina. Ya higo kaga lu huto huto bona'magi li'ahanauba legeya'a li huto nohibe lite li'ahana: Enali Nasalete bo yabe lite lilata hilana'mu yabe.

Maki 1:24

Ahi. Yesuo. Nasalete naga'ise. Lalitoga hena'mu noane? Lali lahalube'mu nohuto noapiye? Nani kaimo keheli'ohube. Kai Hu'mamofihi pana'a, foipa mehuse bo nohane.

Aposolo 24:4

Ya hu'ehina yatama kana kele'mo molo lalugi kai kiginaga fi limito hupamone kagati kehelilane luto koloka nohone.

Aposolo 25:7

Ya higo Poluhi le'mete tilago Yuta bona'i Yelusale hepatoti limi'ahanamagi le'mo bego hilete kaga fato fato'i lu etete fisa i'ahana to ka hapa'a mone ya kaga'mu yabe lite lu hokolo mehi'ahana.