Aposolo 24:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To sipi gamani bouba Poluhi kaga lilibe luto bugu egago Polu ma luto ka'anilo nana'a lu'ehina: Kai babu kufu minoto ma meto bona'magi ka'ani loko hulata nohata bomaka lubuto nani kaga'ni negelonaguti lu hokolo hilube'mu nohube.

Aposolo 24:10 Referans Kwoze

1 Pita 3:15

Komopatini nokala hite le'mo bati hilenogo Kilisitou ai pa solata sipi bo lolo hu lepeleno. Ya hilenogo ai kaga'amu komopatinitu fifa ilata nehana yana'mu loka nehi lepelenogo keta mehuse hite hapa'a lu hokolo hu lepilune lite nelite le'mo bati hite minalo.

Aposolo 26:1

Ya luto ligo Agilipau Poluhi ma luto lu emi'ehina: Kai nani nubulo kagaka alubo. Ya ligo Polu yaha'a li saga huloto ma luto lu epi'ehina:

Aposolo 23:24

Lenali Polu minoto bilina hosi yaga luga'a neli etete kaba hu bati hi etete le'mo bati hite sipi gamani bo Felikitoga le'mete bilo.

Aposolo 21:40

Gimi bomagihi kaba bo: Alubo luto, ligo Polu hakalo minoto yaha'a li saga higo to enali kaga lege'nago ai Hibulu nogoguti ma luloto lu epi'ehina:

Aposolo 19:33

To Yuta bona'magi mone bomofihi Alekasata gi'a yabe folagaha'anigu le'mo malago binana'mu lite luga'a bona'magi ai kaga hapa'a nohibe lite fisa i'ahana. Ya hago Alekasatau yaha babeyafa huto kaga'anilo nona'a lu epilube'mu hu'ehina.

Aposolo 18:15

To lenali kaga noloka hela ana'ina gi'a hela to lenali keya katini lu nimila nehagomo nani o'e luto nolube. Lenalitini ana kagatini lu sepa ilo. To nani ya'iya lite nelana kamofihi ka foya'a meliluna'mu yagi to kaga'a loko mehilube'mu nohunagihe, ya'ma gamani bo Galiou lu'ehina.

Aposolo 13:16

Polu ho tito yahi tiloto ma luto kaga lu epi'ehina: Isilaeli bona'ni hiti to fegutoga bona'i asaga'i Hu'mamofitoga komopatini emite neminanamagita nani liluna kaga kehelilo.

Aposolo 12:17

Ya nehago Pitau sipi kaga melilo luto yatu babeyafa hu'ehina. Ya huloto Sipi Bouba naga nonuguti le'mo fegutoga molo'ehina kaga lu epi'ehina. Lenali ya'ma kaga lite bite Yemesi hiti lalalutigi hiti lu epi baga ilo. Ya luto lu epiloto Pitau fegutoga limito fato hepatoga bu'ehina yabe.

Luku 18:2

Kaga loko hulata bo hepa'i moneto mino'ehina ai ana bouba Hu'mamofihi koli'a mehula to asaga bona'i agoya hu meepi'ehina yabe.

Luku 12:14

Ya ligo Yesu ka'alo ma luto lu emi'ehina: Ma bose. Hena hibe nolane? Kuyu'afu nani'iyasiba nele'mo ho ti'ehigo kagatiti loko hoto yaga fe'nohatiti guna ise bo nohube?

Luku 12:11

To enali ka foya lilune'mu nehite mono nonugu lenele'mete bite gamani bona'i to kibina bona'i nehilana enubulo lenele'mete nebinogomo lenali koli hilete lenegekesa yigi yigi hite ma lite mekehelilo: Lali hena huto kaga'anilo lilune? Lali hena kaga lu epilune?