Aposolo 24:1 - Ka Lamana'a Monoꞌi Lu Mu Tifiꞌehina Ka Yabe

¹ To nayahi mone kegi'a su hago kana minelete sipi mono noto kaba bo Ananiasi yagi Yuta olopa bona'i luga'a hiti to enali kaga'ani li nupa huto lulata nohina bo gi'a Tetalasi hiti Sisalia hepato bi'ahana. Ya hilete Poluhi fisa ite ka foya li etalune'mu hana kaga sipi gamani bo Felikihi bulo henetite lu emi'ahana.

Aposolo 24:1 Referans Kwoze

Aposolo 24:11

Kai enoloka hatita kaga ma luto kehelitita'mu yabe. Nani yata'isi nayahi luga luga su hoto nigigusagati loemo heleko malago kana ma'asi su hago Yelusale hepatoga tito Hu'mamofihi agoya hu emilube'mu nohugo kehelilane.

Aposolo 23:2

Ya luto noligo sipi mono noto kaba bo Ananiasi ai Poluhi bufalo nehana bona'i kaga nolina baga i gofa halo luto lu epi'ehina.

Aposolo 25:2

Ya higo analo mono noto kaba bona'i hiti to Yuta olopa bona'i hiti aitoga bite Polu kumu amuya melete fisa ite ma lite Fesitasihi buka tite lu emi'ahana:

Aposolo 23:35

Ya ligo gamani bouba lu emi'ehina: Enali kifisa neina bona'i henetilenogo kai kagaka kehelilube. Ya luto luloto Helotihi gamani nonugu nagalugu he'mi etete gimi bomagi kaba hu etalo lu'ehina yabe.

Aposolo 23:30

Enali ya'mana bo ho fililune lite suguna kaga mone li'ahana yatai huto nohigo keheliloto'ni kaitoga mele'isi ho nofulube. To enali fisa neina bona'magi kai kubuloko lu huto hite yana'mu luto fisa noune lite lu kiminogo kehelilane.

Aposolo 23:24

Lenali Polu minoto bilina hosi yaga luga'a neli etete kaba hu bati hi etete le'mo bati hite sipi gamani bo Felikitoga le'mete bilo.

Aposolo 21:27

To ana kanagu 7 yege yupahi su halube'mu nohigo, Yuta bona'magi Esia kapoguti e'ahana enali Poluhi sipi mono nonugu nohigo be gelete asaga li gehesa he'ahana boana'magihi kenasabo bi epelete Poluhi nu nekite kehe ite ma labe:

1 Koliti 2:4

Ya huto nohuto Hu'mamofihi kaga lu'ohuna lenegekesa lilube luto metoga bona'magi kehelise'na'ani ni'ina kagaguti lenimi molose ka lu melepi'ohube. Hu'mamofihi amuya'auba to Sikalafu'uba nani'i kaga'ni le'mo hetofa hu'ehigo legeya'a lolo hulata hu'ehibe.

1 Koliti 2:1

Nalalu'nigita nani lenalitoga neheti'ohunamo ya'ma Hu'mamofihi suguna ka'a lu lepilube luto ya'ma kehelise'na'ani bati hu'ehina bona'magihi kaga lilata nehana supo huto laga hina ka lu melepi'ohube.

Aposolo 25:15

To nani Yelusale hepato bu'ohugo Yuta mono nohi kaba hulata bona'i hiti to olopa bona'magi hiti ya'mana bomofihi kaga'a lu nimite fisa ite ho filibo lite nogo'na bi'ahana yabe.

Aposolo 12:21

To Helotiu kana mone mololoto ana yupahi enikibina bomagi nehekalana gukete'a hekololoto sipi kefa hisalo mino saga huto nohuto bona'i yatama kaga lu epi epi'ehina.

Aposolo 23:33

Enali Poluhi Sisalia hepato le'mete bilete ai hiti faya hiti gamani bomofihi emi'ahana.

Aposolo 24:2

Ya hilago sipi gamani bouba Poluhi kehe igo aolago Tetalasiu ma luto hapi fito fisa i'ehina: Nigihiti bo, Felikio. Kai hetofana huto kaba hu letanogo luba mehuse fulunaguti nominota yabe. Kai bati huto kekesagu fe lina bomaka asaga'na koyapa'i metigu sibina hu'ehinamofihi lali nagatimagihi le'mo bati hilo luto lu epi'ahata yabe.