Aposolo 23:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya lite nelago Poluhi etali'afihi pana'auba akeheliloto gimi bomagihi ule'ale nonugu buto Poluhi lu emi'ehina.

Aposolo 23:16 Referans Kwoze

Aposolo 23:10

Kenasabo binanauba napa huloto luba huse huse hago gimi bomagihi kaba'aniuba Poluhi yahi luga luga lite li gepe hilana'mu yabe luto keheli'ehina. Ai ya huloto gimi bo'a bona folagaha'aniguti limite Poluhi le'mo saga hite gimi bomagihi ule'ale noha'anigu le'mete bite malalabe luto enoho lifi'ehina.

1 Koliti 3:19

Metoga bona'magi kehelise'na'ani yamofihi Hu'mau kehelinogo legeya'a lolo mehilina'mu yabe. Ya hu'ehina mono bukugu Hu'mau kumu kaga mone ma lite fayahi keye'ahanamo ni'ibe: Hu'mau ai enali keheli fe lu'ohune lite ana'ina neligo kofohi nemele epalago kofohi molo'ehinagu ananamofihi bagagu enele'mo buto nohibe.

Aposolo 23:32

Eteka'a melugu kapo malana gimi bomagi aku'i i behe hite kapoguti neago hosi yaga gupisalo minete bana bomagi le'mete moneka hepato bi'ahana.

Aposolo 21:34

Enoloka hago enalitogati moneuba ai fato ka ligo ai fato ka ligo nehite enubugu fite lubamofihi hapa'a mekehelise nohuto gimi bona amuya nopogu le'mete bilo luto bona'a ya lu epi'ehina.

Aposolo 21:37

To ana gimi bomagihi amuya nopogu le'mete tilune'mu nehago Polu ya'ma kaba bomo ma luto lu emi'ehina: Nani ka mone lu kimiluna bati hifiye? Ya ligo kaba bouba loka ho'ehina: Giliki ka keheli'ahapihe?

Aposolo 23:17

Ya ligo Polu gimi bo mone kehe ito ma luto lu emi'ehina: Ma neheya kola pana'uba kaga mone lito o'ehinagi kai le'moto buto gimi bomagihi kaba'animofihi emitogo ana kaga lu emilibe.

Aposolo 24:23

To Felikiu gimi bo mone'mofihi Poluhi nagalugu le'moto buto he'mi eto'ohuto luga'a kanagu fegutoga le'mo he'mitogo yegelota nohinogo lalu'agi nose'nafi guketefi he'mete emilune'mu nehinogomo kai o'e luto laga mehu epolobo luto Felikiu lu emi'ehina yabe.