Aposolo 23:12 - Ka Lamana'a Monoꞌi Lu Mu Tifiꞌehina Ka Yabe

¹² Eteka'a Yuta bona'i li nupa hite ka lu keheli'ahana. Ya hite nehite, nose'na mo sito minoto Poluhi ho fililototi nalune lite enogolagalo enayahi ti'ahana.

Aposolo 23:12 Referans Kwoze

Aposolo 23:30

Enali ya'mana bo ho fililune lite suguna kaga mone li'ahana yatai huto nohigo keheliloto'ni kaitoga mele'isi ho nofulube. To enali fisa neina bona'magi kai kubuloko lu huto hite yana'mu luto fisa noune lite lu kiminogo kehelilane.

Aposolo 23:21

Ya li'ahanagi kai ka'anilo mekehelibo. Hena'mugope? Ai'i ho fililune lite luga'a bona'i 40 magihi kapogu kofohi moloto gimi gilune li'ahabe. To enali yatai kai o'yo lilapi lite kegeba hite ka lilata ka kehelilune'mu nehabe.

Aposolo 23:14

Ya lilete enali mono noto kaba bo hiti olopa bona'i hiti nehanalo bite ma lite lu epi'ahana: Lali nose'na mo sito nohuto Poluhi ho fililotigo yabe luto logolagalo layahi ti baga iloto noone.

Aposolo 25:3

Kai bati huto lehe'moto Poluhi ho lifitogo Yelusale hepatoga eno. To hena'mugope, enali kapoga kofohi melete gimi gi'ehite ho fililune'mu nehite yabe.

Matiu 26:4

Enali Yesuhi fibe bataga hube hi etelete yato lite ho fililana kaga lube kehelibe hite mine'ahana.

Galesia 3:13

Ya huto ni'inaya keya kamomu'i lalitoga gumi'i ho'ehina'a kilisitou ai gupisa'alo li'ehina yabe. Ya huto keya kamofihi gumi'mofihi nagaluguti gulu ho leto'ehina yabe. Ananamomu'i mono bukugu ma luto ni'ina: Yafalo halana bomofitoga gumi'i tilibe. To Kilisitou ai lali kumu luto malipu yafalo fililoto ya'ma gumi'iloti lubuto bi'ehinagihe.

1 Koliti 16:22

Moneuba Sipi Bomofihi mehi meemilina ya'ma Hu'mau gumi'i molo etelenogo yabalugu limilibe. Nani Giliki kaguti: Malana ta, noluto lali kaluguti Sipi Botio kai obo, luto nolube.

Matiu 27:25

Ya ligo asaga boana'magi ai ka'alo nona'a lu emi'ahana: Ya'mana ho filise'namofihi foipanafi lali lugufalo tiloto yagapanatimagi enugufalo leheko malalina'mu yabe.

Matiu 26:74

Ya lite lago Pitau lusi amuya mololoto bahane hoto lu'ehina: Faga nolinogo'nimo Hu'mau naga'i nimilibe. Nani ma'naka luto ana bo mekeheli'ohuna bo'mu nelabe. Ya luto noligo ana baga'a hiti kokole nogo molo'ehina.

Aposolo 9:23

Babu kana'a minelete Yuta bona'magi Solihi ho fililune lite kaga li nupa hite minete lu keheli'ahana yabe.

Aposolo 9:24

Ya hago Soliu ana kaga'ani akeheli'ehina yabe. Enali Yuta bona'magi ute etehi Solihi ho fililune lite hepato kapo nila nila hu'ehinalo gimi gi baga ilata hi'ahana yabe.

Aposolo 23:13

Ya'mana kaga lu kehelina bona'i li nupa huto 40 magihi yabe.

2 Koliti 11:26

To kana babu luto yatama kapo buba buba humofa'na huto nohugo ko'uba nagami'uba hago filise suhi huto mino'ohuna yanamofihi gupisalo tito mino'ohunamo ni'ibe. To lubalo gumina bona'magi kofohi nemalago buto kapo molo'ohunamo ni'ibe. Yuta bona'i nani hepato bona'magi to fegutoga bona'magi nohose'na hite nehago folagaha'anigu mino baga ito mino'ohunamo ni'ibe. Sipi hepatoga buto bona'magi li gehesa hite nahalune'mu nehago mino baga ito mino'ohunamo ni'ibe. To fa'mene ka me'i ni'ina metoga hiti foya yupa kopa humofa'na huto filise'na huto mino'ohunamo ni'ibe. Hege nagamilugu ya'ma folose supofihi legegeto to mono ka faga hiti lilata nehana bona'nimagihi folagaha'anigu mino baga ito bula ola nohunamo ni'ibe.

1 Tesalonika 2:16

Ya nehite lali fegutoga bona'i ka lamana'a lu yege hoto lu epinogo enubuto bi lalabe lite ya'ma Yuta bona'magi kapo fi hekini lalutagi lite luba ka lu limilata hi'ahana. Enali ya hiba hiba hago enali foipanamofihi gupilo melenogo kolo kolo huto tito minago yatai Hu'mamofihi ita bigo ya nasanamofihi luba'a mone enalitoga neheti'ehina yabe.