Aposolo 23:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Kenasabo binanauba napa huloto luba huse huse hago gimi bomagihi kaba'aniuba Poluhi yahi luga luga lite li gepe hilana'mu yabe luto keheli'ehina. Ai ya huloto gimi bo'a bona folagaha'aniguti limite Poluhi le'mo saga hite gimi bomagihi ule'ale noha'anigu le'mete bite malalabe luto enoho lifi'ehina.

Aposolo 23:10 Referans Kwoze

Yemesi 3:14

Komopatinigu lenipakafa ai hago ai hago hite siko hite minalana to fe'nohatini guna ite meepilana, ya'ma faga hiti li lalagi lenugufa lelite tite lali keheliya i'ohune lite melilo.

Yemesi 1:19

Komopa'ni nolepuna nalalu'nigita, lenali ya'ma kaga'ni kehelilo. Lenali Hu'mamofihi ka'a mele'isi nekehelite fulu hite kaga lite lenita bilina nasana'mu kaga mele'isi melilo.

Aposolo 22:24

Lomu gimi bona'magihi kaba'aniuba bona'a lu epi'ehina: Poluhi ule'ale nonugu le'mete tilo. Segi osahi emilenogo ya'ma Yuta bona'magi ai kumu hekele lilata ho filibo litemofihi lu hokolo hu letalibe luto lu'ehina.

Aposolo 23:32

Eteka'a melugu kapo malana gimi bomagi aku'i i behe hite kapoguti neago hosi yaga gupisalo minete bana bomagi le'mete moneka hepato bi'ahana.

Aposolo 23:27

Enali Yuta bona'magi mana bo yato lilete ho fililune'mu nehana nani ai ka'a keheli'ohuna ai Lomu bo nohigo nani hiti gimi bo luga'a hiti olototi le'mo buto bi'ohune.

Aposolo 23:16

Ya lite nelago Poluhi etali'afihi pana'auba akeheliloto gimi bomagihi ule'ale nonugu buto Poluhi lu emi'ehina.

Aposolo 21:37

To ana gimi bomagihi amuya nopogu le'mete tilune'mu nehago Polu ya'ma kaba bomo ma luto lu emi'ehina: Nani ka mone lu kimiluna bati hifiye? Ya ligo kaba bouba loka ho'ehina: Giliki ka keheli'ahapihe?

Aposolo 23:28

Enali henabe lite fisa nei etafi luto nani kehelilube'mu ana bo le'moto enali kanisole'anilo limi'ohube.

2 Koliti 11:26

To kana babu luto yatama kapo buba buba humofa'na huto nohugo ko'uba nagami'uba hago filise suhi huto mino'ohuna yanamofihi gupisalo tito mino'ohunamo ni'ibe. To lubalo gumina bona'magi kofohi nemalago buto kapo molo'ohunamo ni'ibe. Yuta bona'i nani hepato bona'magi to fegutoga bona'magi nohose'na hite nehago folagaha'anigu mino baga ito mino'ohunamo ni'ibe. Sipi hepatoga buto bona'magi li gehesa hite nahalune'mu nehago mino baga ito mino'ohunamo ni'ibe. To fa'mene ka me'i ni'ina metoga hiti foya yupa kopa humofa'na huto filise'na huto mino'ohunamo ni'ibe. Hege nagamilugu ya'ma folose supofihi legegeto to mono ka faga hiti lilata nehana bona'nimagihi folagaha'anigu mino baga ito bula ola nohunamo ni'ibe.

Aposolo 24:7

Ya nohunogo gimi bo kaba'ani Lisiasiu oto amuya moloto layanuguti lebesilito le'mo buto bi'ehibe.