Aposolo 23:1 - Ka Lamana'a Monoꞌi Lu Mu Tifiꞌehina Ka Yabe

¹ Polu kanisolemagi enubugu bu go fiya i'ohuto ma luto lu epi'ehina: Nalalu'nimagita. Nani ana'ina mone li sibina mehuse Hu'mamofihi bu'alo kapo molomofa'na huto nugufa'nigu laga higo minomo tito tito yatai hiti ana nohube.

Aposolo 23:1 Referans Kwoze

Aposolo 24:16

Ya'mu luto asaga yupahi Hu'mamofihi bulofi to boana'magi enubulofi foipana mone li huto hu lalugi luto komopa'ni bati suhi huto minalube'mu keheli amuya moloto minolata nohuna.

2 Timoti 1:3

Nigiko nagako bona'magi komopa'ani bati hu'ehigo i emi a emi hite Hu'mamofihi mege'i melete mine'ahana. To nani enali yagapana'ani nohuna bo ana suko huto Hu'mamofihi kele kele'i hu noetoto komopa'ni keta mehuse nohuna ya'ma kana'amu utehi etehi kai kumu kehelito minoto Hu'mamofitoga lulata nohube.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

Hibulu 13:18

Lenali lali kumu yabe lite Hu'mamofitoga kaga lite minalo. Lali eto huloto legekesa kehelise komopatigu bati higo keta huse'na meni'igo keheliya ito asaga yupahi eto huloto lito moloto hilune luto amuya mololata nohune.

1 Koliti 4:4

Nani nipa'nigu keta mehuse nohuto foipana'ni ni'ifi meni'ifi mekehelube. To ya hu'ehina lenali folagahatinigu lili'na li'ohunogo foipana'ni meni'igo nohube luto melilube. Nani hapa'nimofihi Sipi Bo moneko'uba li huto hilube'mu hibe.

Aposolo 22:5

Ya'ma mamufa gilata bo, sipi bo to mono kanisole bona'i hiti enali asaga'i ya'ma hapa'ni koyapa ya huto ni'igo ma'naka nolibe keheli'ahabe. Enali fayahi keye'ahanana nimiloto noho lifilago buto Tamasiko hepato buto Yuta lalu'anifihi epiloto ana hepato Yesuhi kaga kehelise bona'i naga'i epito seni naga'i sa gi epoloto Yelusale hepatoga enele'moto oto osahi epilabe luto bu'ohuna yabe.

2 Koliti 4:2

Ya nohutoti foipana amuya'a hiti huto hu lalibe luto suguna huto sibi hapa'a lilata nasana lemegesa hu emiloto mone fagamofihi gupisalo minoto Hu'mamofihi ka'a li sibina hulata ya'ma ya suhi menohune. Lali Hu'mamofihi bulo ai'a ka'a lu aku toto ma'naka luto lu huto huto lu noleputogo bona'i asaga'magi lali hapati keheligo fu luto ni'ibe.

Aposolo 23:6

To luga'a kanisole bo Satusi yagi to luga'a kanisole Felosi yagi hite Polu bu enogoloto ai kehe ito ma luto lu epi'ehina: Nalalu'nigita. Nani afo'nifu Felosi bo nohigo nani'ni hiti ana huto Felosi bo nohube. Nani bona'i fililete aku'i ho tilana kaga'a lu noepuna ana kagamu'i lite lenali yatai ka foya neli netabe.

1 Pita 3:16

Ya nehite kele'na ka lu meepise agoya hite lu enelepilabe. To enali kumu keheli sibina mehise, keheli bati hite lu enelepilabe. Ya nehinogo lenali kumu lu sibina sabana nehinogo Kilisito hiti mine melete hilana bati huto yauba bo ya'amagi enali faga fagalo bona'i enali hapa'ani huto hulenogo enubuya'ani'mu fililabe.

Aposolo 22:30

Ya'ma gimi bona'magihi kaba bouba Yuta bona'magi Polu kumu henana fisa i'ahanamofihi hapa'a kehelilube'mu nohuto eteka'a Poluhi seni naga'i gi'ahana'a li he'milo luto bona'a lu epigo li he'mi'ahana. Yalo'i ya'ma kaba bouba sipi mono noto kaba bona'i hiti to mono kanisole bona'i hiti li nupa hilete minalo luto kaga molo'ehina. Ya hago ai Poluhi le'moto buto enogobisalo ho tilube'mu he'mi eto'ehina.

Aposolo 6:15

Ya lago asaga bona'i kanisolelugu mine'ahanamagi Sitifenihi bulu'i he'ahana. Ya nehago Sitifenihi okaba'a agelomofihi suhi lito i besa lo'ehina yabe.

Aposolo 22:1

Lenali afo'nigi nogona'nigi nalalu'nigitase. Kaga'nimofihi hapa'a lu lepilunagi keheli'ehilo.

Matiu 5:22

Ya hu'ehina yatai aku nani lu nolepube. Bo moneuba gona'a ipakafa halina ai ka foya lilina'mu yabe. To bo moneuba gona'amofihi kaiya fa'mene bati mehina bo nohane luto ka emekilina kanisole bolo ho tito ka foya lilina'mu yabe. To bo moneuba gona'amofihi negi nagi noto bati mehu'ahata bo nohane luto ka emekilina aiya loba loba logo kapogu bilina'mu yabe luto Yesu lu epi'ehina yabe.

Aposolo 23:15

Ya nohutagi yatai lenali hiti kanisole bona'i hiti Poluhi le'mete limite limilo lite Lomu gamani bomofitoga kaga malalo. To ai oloto kaga hapa'a aku'i lu bati huto lu limilibe lite mi'i malalo. Lali kofohi moloto kapogu gimi gi'ohuto ho fililuta'mu yabe.

Aposolo 23:20

Ya ligo neheya kola pana'uba lu emi'ehina: Enali Yuta bona'magi kai'i ete koloka hete Poluhi le'mete kanisole bonatoga limilune lite li'ahabe. To kanisolemagi Polu lu'ehina hapa'a mone'a hiti keheli bati hilune nelabe lite ete gimi'i malalune li'ahabe.

Aposolo 23:28

Enali henabe lite fisa nei etafi luto nani kehelilube'mu ana bo le'moto enali kanisole'anilo limi'ohube.