Aposolo 22:16 - Ka Lamana'a Monoꞌi Lu Mu Tifiꞌehina Ka Yabe16 To yatai hena'mu geba huto nominane? Ho tito buto Yesuhi gi'alo holoto foipanaka he'mito nagami'i folobo. Gade chapit la |
Ya hu'ehina'mu komopati lusiga luto emiloto keheli ule'ale hinogo komopatigu okala huto foipana nasana'mu lekesa yigi yigi mehuse ya'ma ai'a golaha'atu lali'i okala hu su hoto folo letago komopati babahi higo to lugufati ya'ma hetofa nagami'i bu okaba'a suhi huto lolo hu'ehinalo nagamitu ko letelenogo minoto Hu'mamofihi bulu nehetilune.
Ya suhi hago luga'a ya'ma mono nagamilugu lenele'mo bati hulata bo nohibe. Mono nagami'uba mega lugufa'a kolo tanana nokala hilina meni'ibe. Lali mono nagami'i nofoloto komopati Hu'mamofitoga nomoloto ai komopatigu nokala hinogo gulu gulu lilibe luto nagami'i fololata nohune. To ya huto lubuto bilibe luto Yesu Kilisitou fili'ehinaguti aku'i ho ti'ehina yabe.
Sikalafu'i moneko'uba lalitoga limiloto mono kagu lele'mo nupa higo lugufamofihi suhi huto moneko'i lolo huto nohune. Sikalafu'i moneko'uba lali'i asaga'i mono'i folo leto'ehina lugufamofihi suhi huto moneko lolo huto minalune luto lele'mo nupa hu'ehibe. Ya higo lali Yuta bona'i to Giliki bona'i, kele kele bona'i to fa'mene nohuta bona'i lali moneko Hu'mamofihi Sikalafu'i lito komopatigu molo su holoto moneko'i lolo nohune.
Kilisitou henabe luto gufa'a he'mito fili'ehibe? Ya'ma lali gufa'a nohuta bona'magita ai ka'aloti nagami okala hu letoto lele'mo eto huloto Hu'mamofihi bulo nugufa'ni lele'moto tilina kanagu bati huto, kolo tanana hiti to mone sibina sabana hinana hiti meni'igo gulu gulu luto lamana'a huto minalune lutomo ni'ibe.