Aposolo 22:1 - Ka Lamana'a Monoꞌi Lu Mu Tifiꞌehina Ka Yabe

¹ Lenali afo'nigi nogona'nigi nalalu'nigitase. Kaga'nimofihi hapa'a lu lepilunagi keheli'ehilo.

Aposolo 22:1 Referans Kwoze

Aposolo 7:2

Ya luto loka hago Sitifeniu lu emi'ehina: Nogo'nigita afo'nigita kehelilo. Hu'mau fana meha'a hiti bouba koyapa'i tatatifu Abalahau Halani hepato mebu'ohuto Mesopotamia hepato minana kana'aluga nehetito bulo hu'ehina.

2 Timoti 4:16

To Yuta bona'magi nifisa i'ahana'mu ka foya nolugo yata'a hapi huto nani'i hapa'ni lu noepugo bona'i moneuba nele'mo bati huto nele'mo memolo'ehinamo ni'ibe. Yamofihi sibina'a ya'ma Hu'mau nona'a li epololata mehino.

1 Pita 3:15

Komopatini nokala hite le'mo bati hilenogo Kilisitou ai pa solata sipi bo lolo hu lepeleno. Ya hilenogo ai kaga'amu komopatinitu fifa ilata nehana yana'mu loka nehi lepelenogo keta mehuse hite hapa'a lu hokolo hu lepilune lite nelite le'mo bati hite minalo.

Filipai 1:17

To luga'amagi faga hiti pebisa hete bite enali'ani enigi'ani lelite netite Kilisitohi gi'a helata nehana yamagi enali naga nonugu nominona yamofihi gupisalo keke'i luse foya nimilune'mu ya hilata nehabe.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

2 Koliti 12:19

Kaga oto lulata nohuna yamofihi lenali keheligo ka'ni ya'ma lenele'mo hetofa huse kaga noluna lolo nohifihe? Ya suhi meni'ibe. Nani Kilisito hiti nohuto'ni Hu'mamofihi bulo kaga lulata nohube. To nigibo nalalu'nigita, lamana'a nani kumu yabe luto melube. Mono kagu lenele'mo hetofa hilube luto lulata nohube.

2 Koliti 7:11

Bu galo. Ginaga fise'na ya'ma lapa mebi'ehibe. Yamofihi lenalitoga legeya'a nesi'a huto mehu'ehibe. Legeya'a sipi'a ahuto hu'ehibe. Hu'mamofihi kagalugu lenele'mo babahi huse'na to hapatini bati huto le'mo huto huse'na to foipa nasana fitu fose he'milata huse'na sipi'a to Hu'mamofihi ita bise'na lenelesa luse'na to nani kumu keheliya ite amuya molose'na, to foipanamofihi mone kegi'a epilata'na ya'ma nasana ya hina'a li huto hu'ehina ya'ma lenalitoga nona'a huto hulago lenali foipana memino'ehinamofihi hapa'a huto nohibe.

1 Koliti 9:3

Hapa'nimu lilata nehana enali kaga ya'ma lu gelehe ito lu epilata nohube.

Romu 2:15

To enali keya kauba ya hilo ya mehilo luto lu'ehinamofihi hapa'amu kehelite komopa'anigu bati huse'nafi sibina huse'nafi ya'ma loe lae ni'ina keheli'ahana. Ya hite enegekesa kehelite minelata nehago bu go'ohune.

Aposolo 28:17

Alihi nohi loegi monegi koloto Polu ana hepato Yuta kaba bona'i kehe i tulu hu'ehina. Ana bona'i enali ete li nupa hilago ma luto lu epi'ehina: Nigibo nagabose. Lali bonati enele'mo sibina hula to tatatigitogati lilata nohuta suhati mone li sibina mehu'ohunamo ni'inamo Yelusale hepalugu nagalugu nele'me melelete Lomu bona'magi enayanugu nele'mo mele'ahabe.

Aposolo 26:24

Polu ya luto kaga noligo Fesitasiu bunepa ito amuya kaga ma luto lu emi'ehina: Poluo. Kai negi nohane. Kehelise'nakauba kekesagu bai toto kele'mo negi nonago negi kaga nolane.

Aposolo 25:16

Ya lago nani ka'anilo nona'a ma luto lu'ohuna: Lali Lomu bona'magita hapatiya bo mone'mofihi fa'mene fisa ilata menohune. Bo mone'mofitoga kaga ni'igomo yata'a ka foya lu epololata bomofihi bulo ho tigo lali geba hu'ohunogo ana bouba kaga fisa neinamofihi keheli bati hulata nohibe.

Aposolo 25:8

Ya hago Polu gufa'a li buto bito ka'anilo nona'a ma luto lu epi'ehina: Nani Yuta bona'magi Keya ka'ani li gofa hola to sipi mono nohi li sibina hula to Lomu sipi gamanimofihi kaga lu sibina hula mehu'ohube luto lu'ehina.

Aposolo 24:10

To sipi gamani bouba Poluhi kaga lilibe luto bugu egago Polu ma luto ka'anilo nana'a lu'ehina: Kai babu kufu minoto ma meto bona'magi ka'ani loko hulata nohata bomaka lubuto nani kaga'ni negelonaguti lu hokolo hilube'mu nohube.

Aposolo 23:6

To luga'a kanisole bo Satusi yagi to luga'a kanisole Felosi yagi hite Polu bu enogoloto ai kehe ito ma luto lu epi'ehina: Nalalu'nigita. Nani afo'nifu Felosi bo nohigo nani'ni hiti ana huto Felosi bo nohube. Nani bona'i fililete aku'i ho tilana kaga'a lu noepuna ana kagamu'i lite lenali yatai ka foya neli netabe.

Aposolo 23:1

Polu kanisolemagi enubugu bu go fiya i'ohuto ma luto lu epi'ehina: Nalalu'nimagita. Nani ana'ina mone li sibina mehuse Hu'mamofihi bu'alo kapo molomofa'na huto nugufa'nigu laga higo minomo tito tito yatai hiti ana nohube.

Aposolo 19:33

To Yuta bona'magi mone bomofihi Alekasata gi'a yabe folagaha'anigu le'mo malago binana'mu lite luga'a bona'magi ai kaga hapa'a nohibe lite fisa i'ahana. Ya hago Alekasatau yaha babeyafa huto kaga'anilo nona'a lu epilube'mu hu'ehina.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Luku 21:14

Ya hu'ehinagi lenali ya'ma ka foyalo kaga mone ete nelilete nogo lu epiluta kaga yabe lite kaga lenekesagu li gehe lite loloba hite meminalo.

Luku 12:11

To enali ka foya lilune'mu nehite mono nonugu lenele'mete bite gamani bona'i to kibina bona'i nehilana enubulo lenele'mete nebinogomo lenali koli hilete lenegekesa yigi yigi hite ma lite mekehelilo: Lali hena huto kaga'anilo lilune? Lali hena kaga lu epilune?