Aposolo 21:8 - Ka Lamana'a Monoꞌi Lu Mu Tifiꞌehina Ka Yabe

⁸ Koloto etepo anagati he'mito buto Sisalia hepatoga nehetito kaga lamana'a lu epilata bo, gi'a Filipi yabe, ai'a noha'agu ti'ohune. Ya'mana bo koyapa kanagu Yelusale hepalugu mono bona'magi ai'a hiti to lalu'afu 6 enali hiti enele'mo ho ti'ahana.

Aposolo 21:8 Referans Kwoze

Aposolo 6:5

Asaga boana'magi aposolo bona'magi lu huto hana kalo enegelo bi'ahana. Ya hilete Sitifenitoga Sikalafu'uba bai tana bo le'mo ho ti'ahana. To Filipiu yagi Polokolu yagi Nikeno yagi Timoni yagi Pamenasiu yagi to Nikolasiu ai Atioki hepatogati fegutoga bo Yuta bona'magi mono kagamofitoga komopa'a molo'ehina bo hiti enele'mo ho ti'ahana yabe.

Efeso 4:11

To hetofana limi'ehinamofihi hapa'a ma ni'ibe. Kilisitou lehe'mose'na'a fato fato'na limi'ehina ni'ibe. Lali luga'a aposolo lele'mo molo'ehinamo ni'ibe. To luga'a ai ka'a lu yege holata bo, to luga'a ya'ma ai'a ka leli'ali bo, to luga'a babafi minete ya'ma ka lamana'a lu ha'i fise bo, to luga'a mono kaba bo, lele'mo molo'ehinamo ni'ibe. Ana fato fato lili'nalo lehe'mose'na'a limi'ehina ni'ibe. To hena'mube? Lali Hu'mamofihi bona'a nohutamagita lili'natilo lele'mo amuya nohutamagita lele'mo hofa to su halibe luto yabe.

2 Timoti 4:5

Enali ya hilanamoya kai ya'ma kana'amu kana'amu kekesa keheli bebe soto minobo. Keke luse nasana gupisalo notinogomo amuya moloto minobo. Ka lamana'a lu yege hose foya'a ya lito li gu ito ana ka lu epibo. Hu'mamofihi foya'a lilata bo kai ya'ma li su hoto libo.

Aposolo 28:16

Lomu hepato nehetulenogo Poluhi ai'asigo gimi bo moneuba kaba hu etenogo minalibe luto Lomu gamani bouba lu'ehina yabe.

Aposolo 16:13

Fuli kanagu lali hepaluguti he'mito fegutoga limito nagami beletoga bu'ohuto ya'mana nagami beletoga Yuta bona'magi nunumu hilata nehilana hepa'i ni'ilifi luto bu'ohuta yabe. Lali melugu mino labasu bilototi analo ana'i li gehesa hi'ahana kaga lu epi'ohuta.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.

Aposolo 9:30

Ya hago enali Yesuhi mege'i nemalana bona'magi kehelilete Solihi le'mete Sisalia hepato limilete Tasasi ho lifi he'migo bu'ehina.

Aposolo 28:11

Ya'mana nagamilugu ti'ehina me'mo ikahi loegi monegi minoloto alihi boti mone sipi habafahi lina kana'alo oto mana ti'ehina melugu ni'ina botigu tilenogo lele'moto bu'ehina. To ya'mana boti Alekasatilia hepatoti yabe. To ana botimofihi sopa'aga gi'a Felemofihi Pana'a Loemale'i Yabe lite fayahi ge'ahana.

Aposolo 27:1

Botigu tito Itali hepalugu bilune lite enali lu bati hilago Poluhi hiti to luga'a nagalugu nehana bona'i hiti Yuliasiu Lomu gimi bomagihi kaba'ani ai ya'ma sipi gihiti bomofihi luba bona'amagi yabe lite enigi helata hanamagihi enayanuga bi'ahana.

Aposolo 23:23

Ya huloto gimi bomagihi kaba'aniuba loe gimi bole kehe iloto ma luto lu etimi'ehina: Gimi bo 200 yamagi enele'mo loloba nehite hosi yaga gupisalo bo 70 yamagi neenele'mete to hiso bo 200 yamagi enele'mete utehi sininugu Sisalia hepato bilabe.

Aposolo 20:13

To Polu melugu mone'a hiti bilube luto nobigo lali botigu tito kohe toto Asoso hepatoga buto anagati Poluhi lofotula hilune luto bu'ohune.

Aposolo 20:6

To lali ya'ma fuli yupahi beleti nose'na yisititu lolo mehise nenana ya'ma su hago lali Filipai hepatogati botigu tito buto 5 yegegu bu'ehigo lali Toloasi hepatoga nehetiloto anaga enali nehanalo li nupa hutoti 7 yegegu mino'ohune.

Aposolo 18:22

Buto Sisalia melugu henetiloto Yelusale hepato buto lalu'agi Yesuhi komopa'ani emi'ahanana enebe tigiloto aku'i Atioki hepato bu'ehina yabe.

Aposolo 16:16

Mone yupahi nunumu hepato nobunogo kele kele pa'i mone'amofihi foipa fele komopa'agu nominago alihi huto hilinana ya yupahi huto hilibe luto lu huto hulata nohina pa'uba lofo tumala hu'ehina. Ya'mana pa'uba alihi huto hilinanamofihi kaga'a lu huto hulata hinanalo asaga yupahi efahi babu lito kaba bo'amagihi li epilata huto nominana yabe.

Aposolo 10:1

Bo mone Sisalia hepato mino'ehina. Ai gi'a Koniliasi. Ai Lomu gimi bouba 100 gimi bomagi kaba'ani mino'ehina. Ya hu'ehina gimi bomagi nupa hi'ahanamofihi gi'a Itali yabe lite he'ahana.

Aposolo 21:16

To Yesuhi pana'alobo mone'amagi Sisalia hepa'i bona'i enali hiti lali hiti bu'ohune. Enali lele'mete bilete Saipalasi kegi'ati o'ehina bo, gi'a Masoni ai'a noha'agu kalabe lite ai koyapa'i hapi fi'ehinaguti Yesuhi mege'i molo'ehina bo, ai nopogu bu'ohuna.