Aposolo 21:7 - Ka Lamana'a Monoꞌi Lu Mu Tifiꞌehina Ka Yabe

⁷ To Taiya hepatogati he'mito buto Tolemesi hepato nehetito anaga neminana bonati Yesuhi kaga'a kehelise nehanamagihi enebe tigitoti enali hiti minoto moneko yegegu ko'ohune.

Aposolo 21:7 Referans Kwoze

Hibulu 13:24

Kaba botinimagihi hiti to Hu'mamofihi bona'a asaga'magihi nehafihe luto'ni keke'i nolu lepolonagihe luto nolunagi lu epilo. Itali metogati lenalalutinigi enali hiti nehafihe lite keke'i neli epalago lu nolepube.

Aposolo 28:12

To lali Sailakuyu nohi hepato nehetilototi ana hepato yege loegi monegi mino'ohuta.

Aposolo 25:13

Alihi kanagu kibina bo Agilipa hiti to liha'a Benisi hiti Fesitasihi Sisalia hepato ete be tigi'aha'ina.

Aposolo 21:19

Polu enebe tigito'a kaga'a asaga'i lu epito ya'ma Hu'mau fegutoga bona'i hetofa hu epolo'ehina'a ya'ma Poluhi foya'a li'ehina'mu asaga'na yamofihi kaga lu epi'ehina yabe.

Aposolo 21:10

To lali ana bomofihi hepalugu loe yupahi nominogo huto huto bo moneuba gi'a Agabasi Yutia kapoguti o'ehina.

Aposolo 18:22

Buto Sisalia melugu henetiloto Yelusale hepato buto lalu'agi Yesuhi komopa'ani emi'ahanana enebe tigiloto aku'i Atioki hepato bu'ehina yabe.

Aposolo 12:20

To Taiya hepatoga bona'i hiti Saitoni hepatoga bona'i hiti enali'i Helotiu sipi enipakafa holoto italuga logo bigo nohigo enali bu galune lite li nupa hite monekolugu e'ahana. Enali Balasitosiu kibina bomofihi nokana hepato kaba hulata bomofito yata'a kaga ai hiti lu bati hulototi yabe lite enalitoga le'mo mele'ahana. Ya hilete ya'ma kibina bomofihi hepaluguti nose'na enali hepa'anilo lite bago nelata nehana'mu lite Helotihi ya'mana bona'i aku'i enele'mo fulu hubo lite aitoga yibi hi'ahana yabe.

Matiu 5:47

To kai kalalukafinogo yahi emito be notigito fatehakamofito kubu bu go fatoga nomalata henanaloti luga'a bona'i enebe ligilata ni'ibe? To fegutoga bona'magi hiti ana suhi hilata nehabe.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 21:3

Ana botigu buto buto Saipalasi hege nagamilugu ti'ehina metoga sofo kegi'a ni'igo bu goto bege ligito buto Silia kapoga buto Taiya hepatoga neheti'ohuna. Fe'nohi anaga botiguti li he'milune lite nehetibe.

Aposolo 21:17

Yelusale hepato nehetugo anaga nemina bonatimagi lebe tigite soso hi lete'ahana.