Aposolo 21:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To Yesuhi pana'alobo mone'amagi Sisalia hepa'i bona'i enali hiti lali hiti bu'ohune. Enali lele'mete bilete Saipalasi kegi'ati o'ehina bo, gi'a Masoni ai'a noha'agu kalabe lite ai koyapa'i hapi fi'ehinaguti Yesuhi mege'i molo'ehina bo, ai nopogu bu'ohuna.

Aposolo 21:16 Referans Kwoze

Aposolo 21:8

Koloto etepo anagati he'mito buto Sisalia hepatoga nehetito kaga lamana'a lu epilata bo, gi'a Filipi yabe, ai'a noha'agu ti'ohune. Ya'mana bo koyapa kanagu Yelusale hepalugu mono bona'magi ai'a hiti to lalu'afu 6 enali hiti enele'mo ho ti'ahana.

Filemoni 1:9

Lali Hu'mamofihi kagu nohuta bona'i ai komopa'a emigo ai komopa'a emigo nohuta'mu yabe luto nani'ni Polu ka'a leli'ali bomofita to ai kumu yabe luto naga nonugu nohuna bomofita komopa'niguti nolube.

Romu 16:7

To nalalu'nile'i Yuta bo Atolonikusigi to Yuniasigi, etali nani hiti kalabusigu mino'ohuta bole neha'ifiye li etimilo. Yata'a nanimo fa'mene nohugo etali kohe tete Kilisitohi naga'i lolo hite mine'aha'ina yagi asaga aposolo bona'magi etali kumu keheligo noenebesibe.

Aposolo 15:39

Polugo Banabasiugo ana kaga'mu lite kenasabo bite etogolagagu fibu fibu hilete loko hi'aha'ina. Ya hilete Banabasiu Makihi le'moto Saipalasi ya'ma hege nagamilugu ti'ehina metoga botigu tite bi'aha'ina.

Aposolo 11:19

Sitifenihi ho fili'ahana kana'aluga komopa'ani emito mine'ahana bona'magi enegene mane ite enahago enali tili tele hite fato fato hepato bi'ahana yabe. Luga'amagi Fonisia hepato foto'i nebago Saipalasi to Atioki hepatoga nebago hilete ka lamana'a Yuta bona'magisigo lu epi'ahana.

Aposolo 10:48

Ya luloto lu epi'ehina: Lenali Yesu Kilisitohi gi'alo nagami'i falalo. Ya lulago alihi ana bona'magi lali hiti nesi kana minoto bilane lite Pitahi le'mo mele'ahana yabe.

Aposolo 10:24

Enali kapo melete bite kapogu nohi mone kelete eteka'a Sisalia hepalugu heneti'ahana. To Koniliasiu naga'a yagi to gufalo lalu'agi luga'a hiti ai hepa'alo enele'mo nupa higo enegeba hite mine'ahana yabe.

Aposolo 8:40

To Filipiu Asitoti hepalugu huto hu'ehina. Ai hepato hepato bula ola huto ka lamana'a lu yege homofa'na hu'ehina. Ya huloto alihi Sisalia hepalugu heneti'ehina yabe.

Aposolo 4:36

Ya hite minanagu bo mone mino'ehina ai gi'a Yosefe. Enali aposolo naga'magi Banabasio lite fato gi mele'ahana. Ya'mana gimofihi hapa'aya ma luto ni'ibe, ai amuya kaga lu epito enekesa bilata bo yabe. Ai Libai nagaluguti Saipalasi hepato bo yabe.

Aposolo 15:7

Enali kenasabo bite kaga lumupa ilago Pitau ho tiloto ma luto lu'ehina: Nalalu'nigitase. Koyapa kanagu nani'i fegutoga bona'magitoga ka lamana'a lu yege ho epilenogo enali ana kaga kehelite li komopa'anigu malalabe luto Hu'mau lenali folagahatiniguti nele'mo ho ti'ehina lenali keheliya i'ahabe.