Aposolo 21:13 - Ka Lamana'a Monoꞌi Lu Mu Tifiꞌehina Ka Yabe

¹³ To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Aposolo 21:13 Referans Kwoze

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

Filipai 2:17

Lenali Hu'mamofitoga keheli ule'ale hite agoya hu emilatana ya'ma yaga hoto efaha hitalo go emilatana suhi luto ni'ibe. Ya huto ni'igo fatehe bona'magi nehe fililenogo golaha'ni yamofihi gupisalo hekiluna suhi luto ni'ilibe. To ya hi netelenogo nani lenali kumu yabe luto negelo bilube.

2 Timoti 4:6

Enali keye lite'ani suhi huto nani nugufaloti migufa'a nalune'mu habe. Nani ma meluguti he'miloto abiluna kana anasi tupa nohibe.

Huto Hilina Ka 12:11

Ligibo lalalutigihi sipisipi nala'amofihi golaha'amu keheli amuya mele'ahana'amagi ka lamana'a lu yege he'ahana'amu enali Satahi be ligi'ahana. Ya hite, filise'na'animu mekehelise to mino bati hise'na'animu mekeheli'ahanamo ni'ibe.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

2 Pita 1:14

Nani kana hupamone minomo buto mega nugufa sapuya'a he'mito fililube luto lu'ehina keheli'ohube. Yamofihi ka'a Sipi Boti Yesu Kilisitou lu huto huto lu nimigo nolube.

Aposolo 20:37

To enali yibi gofa hite nu nekite soso hi ete'ahana.

Aposolo 5:41

Aposolo bona'i enali kanisole bona nohi he'milete fegutoga limilete enegelo bi'ahana. Hena'mugope, Yesuhi gi'a lu yege hananalo Hu'mau enagabu foya kofilabe luto ekesa keheli'ehinalo yabe.

Huto Hilina Ka 3:10

Lenali kosele kasele'i mehese negeba hite minalabe luto lu lepolo'ohuna kaga'ni ya'ma li pili kete lite mine'ahanamo ni'inaya, yana'mu enimi'i mololata kana'a ya'ma noto noto bona'i enalitoga mino lito bilinamoya, lenalitoga minomo bu lalibe luto nani'ni ya'ma gegisa fi lepoloto kaba hu lepalalube'mu hube.

2 Timoti 1:4

Kaitoga bilube'mu nohugo nani kumu yibi hafili hu'ahata ya'ma keheli'ohuto buto bu kegenogo'ni komopa'nigu negelo bilube luto kehelilata nohube.

1 Koliti 15:31

Nalalu'nigita, Sipi Boti Yesu Kilisitou ai'a nani lili'nagu lenele'mo molo'ehina yamofihi keheli'ohuto'ni Hu'mamofihi bulo ma luto nolube kana'amu kana'amu fililuta nasanauba lifito ago nominobe.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

Filipai 2:26

Ai besi'ehina yamofihi kaga'a akeheli'ahanamo ni'ibe. Ai lenali kumu keke'i lu lepoloto ai kumu kehelinogo lenuluhaya ti laligihe luto lenali kumu keheligo keta nohigo nolube.