Aposolo 21:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ai lalitoga oto Poluhi leti'a liloto ai'a yaha gigusa'asi ana letitu sa nogito ma noluto lu'ehina: Hetofa Sikalafu'uba ma nolibe, Yelusale hepatoga neminana Yuta bona'magi ya'ma letimofihi afo'afumo ya'ma hiti sa gi ule'ale hilete naga'i ite fegutoga bonatoga le'mete bilabe.

Aposolo 21:11 Referans Kwoze

Aposolo 21:33

To gimi bomagihi kaba'aniuba buto Poluhi naga'i emito seni naga'i loemotu sa gibo luto gimi bona'magihi lu epito le'mo'ehibe. To boana'magihi ma luto enoloka habe: Ya'ma bo ki'afube? To hena hu'ehibe? luto enoloka ho'ehina.

Aposolo 20:23

To ya'ma Sikalafu'uba asaga hepatoga nonehetugo kalabusi naga'i kimilabe luto gabu gilina suhi huto hi ketalabe luto lu nimigo keheli'ohube.

1 Pita 1:12

Ana ka lu huto huse bona'magi enali ma lite keheli'ahana. Ya'ma sa sa hite keheli'ahana kaga enali'ani kanagu huto hilina meni'igo lenali kanagu huto hilina ni'ibe luto Hu'mau lu hokolo hu epolo'ehina. To enali lu yege he'ahana kaga lenali yatai kanagu nekehelibe. Ya'ma Hu'mau ho lifi'ehina Sikalafu'uba kokulumaluguti limito enele'mo amuya mololago enali ka lamana'a lenalitoga lite bi'ahana bona'magi Kilisito kumu lu lepi'ahana ka ni'ibe. To ana kaga agelomagi ana hite kehelilune lite sa sa hilune'mu nehabe. Ana kaga lenalitoga huto hu'ehina ni'inagihe.

Hibulu 10:34

Lenali lenigibo lenalalutinigihi naga nonugu nehago enali kumu yabe lite komopatinigu ekafa'i ho'ehinamo ni'ibe. To asaga fe'nohatini bauna fite lilago ya'ma komopatinimofihi fe'nohi lamana'a amuya moloto minomo buse'namofihi molo'ohune lite kehelilete lenegelo bilata hi'ahanamo ni'ibe.

Hibulu 3:7

Ya hu'ehina'mu Sikalafu'uba lu'ehina ka'a ya'ma mono bukugu ma lite keye'ahana: Yatai ya'ma lenali Hu'mamofihi nogo'a keheli'ehilanamo,

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

Efeso 6:20

To nani ana huto hetofa ka lamana'a kumu yabe luto Hu'mamofihi kaga leli'ali hulata bo naga nonugu nohunaya Hu'mau lu netalina ka nelesa melinogo lu huto hilibe lite nani kumu Hu'mamofitoga kehe ilo.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

Efeso 3:1

To ya huto ni'igo Poluita nani Kilisito kumu yabe luto ya'ma fegutoga bona'i lenalitoga ka lamana'a lu lepi'ohunamu'i naga nonugu nele'mo mele'ahana ni'igo nani lenali kumu afotifihi loka nohobe.

Aposolo 28:25

Enali'ani fato fato enegekesa yigilete bula ola hilune'mu nehago Polu kaga mone ma luto lu epi'ehina: Tatatifihi Aisaiyahi kaga lu yege holata bomofihi bagalo Sikalafu'uba ma'naka luto ma luto lu emi'ehina yabe:

Aposolo 28:20

To ya'ma kagasi'mu luto lenali'i kehe i nupa huto lu nolepube. Nani lenali'i bu lenogoto kaga lu lepilube luto yabe. To asaga lali Isilaeli bona'magita geba nohutanamofihi ya'ma Hu'mau le'mo ho ti'ehina bo, Mesiahi nani komopa'ni emito nohuto geba nohube. Ya'mana'mu luto ma seni naga'uba yatai nayanugu ma ina i'ehibe.

Aposolo 28:17

Alihi nohi loegi monegi koloto Polu ana hepato Yuta kaba bona'i kehe i tulu hu'ehina. Ana bona'i enali ete li nupa hilago ma luto lu epi'ehina: Nigibo nagabose. Lali bonati enele'mo sibina hula to tatatigitogati lilata nohuta suhati mone li sibina mehu'ohunamo ni'inamo Yelusale hepalugu nagalugu nele'me melelete Lomu bona'magi enayanugu nele'mo mele'ahabe.

Aposolo 26:29

Ya ligo Polu ma luto lu'ehina: Hupamone kanafi yatama kanafi ya bati huto ni'ibe. Ya hu'ehina nani nunumu'ni Hu'mamofitoga ma luto ni'ibe: Kaika hiti to asaga bona'i yatai malo kaga'ni nekehelinamagita nani suhi lolo hilabe luto nokehelube. Ya hu'ehina ma seni naga'i lenalitoga meminalibe luto nokehelube.

Aposolo 24:27

To ya'ma bo, Felikiu ai Yuta bona'magi nani kumu laga lebesina bo nohibe lilabe ya luto enalitoga mololoto Poluhi naga nonugu he'mi etago mino'ehina. Yalo loe kufu kana'a bulago Felikiu ana hepa'mofihi kaba huse lili'na he'mito buto ana gamani lili'na mone lilube'mu bu'ehina. Yalo'i fato kaba bo mone'mofihi gi'a Posiasi Fesitasiu ya'ma Sisalia hepato nehetito mino'ehina.

Aposolo 22:25

Ya luto lu epigo gimi bomagi le'mete bite nonugu tite sa gi etago Polu mone kaba bo yanugu ho ti'ehinamofihi loka ho'ehina: Nani Lomu bona'i nohunagi foipana'ni ni'ifi meni'ibe henabe ka foya meli'ahago osahi nimilatagihe?

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Aposolo 13:2

Ya hite, enali komopa'ani Sipi Bomofitoga emite nunumu nama lite nose'na mo site nehago Sikalafu'uba oto ma luto lu epi'ehina: Lenali Banabasinogo Solinogo etele'mo ho tinogo nani lu etoto'ohuna lili'nalo bila'ibe.

Aposolo 9:16

To nani kumu luto asaga gabu gise'na li gufalo molomo bilinamofihi nani'ni lepiluna'mu yabe luto Hu'mau lu'ehina.

Yoni 18:1

Yana kaga lu epito Yesu to pana'alobo'a hiti hepaluguti he'mite koho'ya mone gi'amofihi Kitoloni yabe analo limite tite yafa nose'na foya monelugu enali tite mine'ahana.

Aposolo 8:29

Ya higo Sikalafu'uba Filipihi ma luto lu emi'ehina: Kai ana bo nobinalo buto gufalo li letogo moneka biliyo.

Aposolo 21:4

To lali anaga Yesuhi ka'a kehelise bona'i sa hutoti enali hiti yegegu 7 ya'ma kana'a mino'ohune. To enali Hetofa Sikalafu'uba lu epigo Polu kumu Yelusale hepatoga mebubo lite amuya melete kaga lu emi'ahabe.

1 Timoti 4:1

Hu'mamofihi Sikalafu'uba ya nasana ka'a lu hokolo huto ma luto lulata nohibe. Kana minomo tito aliha'a bona'i lug'a enali mono kamofihi li pili ke'ahanamo ya'ma he'milete keheli negi nagi nete laga mehina felemagihi enali kaga'ani mege'i malalabe. To ana foipa felemagihi faga faga kagagu bite i hepite kehelilana'mu yabe.