Aposolo 20:6 - Ka Lamana'a Monoꞌi Lu Mu Tifiꞌehina Ka Yabe

⁶ To lali ya'ma fuli yupahi beleti nose'na yisititu lolo mehise nenana ya'ma su hago lali Filipai hepatogati botigu tito buto 5 yegegu bu'ehigo lali Toloasi hepatoga nehetiloto anaga enali nehanalo li nupa hutoti 7 yegegu mino'ohune.

Aposolo 20:6 Referans Kwoze

Aposolo 12:3

Ya hinanalo Yuta bona'magi be gelete enegelo sipi bigo Helotiu bu goloto Pitahi nagalugu le'mo molo'ehina. Yisiti komopa'agu meni'ina Beleti Nelata nehana kana'agu Helotiu ya'manana li huto hu'ehina yabe.

Aposolo 16:12

To lali ya'mana hepa'i he'miloto Filipai hepalugu heneti'ohuta. Ana hepa'mo koyapa'i Lomu gamaniuba mino'ehina Masetonia kegi'alugu tauni ya'ma sipinamo fato hepa'i be ligi'ehina hepa'i yabe. Lali luga'a kana ya'mana hepato mino'ohuta yabe.

2 Timoti 4:13

Alube'mu nohutokamo ya'ma yasi koli bilata nohuna gu'i ya'ma Toloasi hepatoga Kapasihi ai nonugu sigito molo'ohunamo li netoto obo. To mono lataha'a buku'nimo hiti to pepa haya'a hiti mone molo'ohunamo hiti li netoto obo.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.

Aposolo 28:14

Ya'mana hepato Hu'mamofitoga komopa'ani emite neminana bona'i bu enogonogo ana bona'magi lali hiti salele mone minete bilabe lite lele'mo mele'ahana. To ya huloto Lomu hepato o'ohuta yabe.

Aposolo 21:8

Koloto etepo anagati he'mito buto Sisalia hepatoga nehetito kaga lamana'a lu epilata bo, gi'a Filipi yabe, ai'a noha'agu ti'ohune. Ya'mana bo koyapa kanagu Yelusale hepalugu mono bona'magi ai'a hiti to lalu'afu 6 enali hiti enele'mo ho ti'ahana.

Aposolo 21:4

To lali anaga Yesuhi ka'a kehelise bona'i sa hutoti enali hiti yegegu 7 ya'ma kana'a mino'ohune. To enali Hetofa Sikalafu'uba lu epigo Polu kumu Yelusale hepatoga mebubo lite amuya melete kaga lu emi'ahabe.

Aposolo 16:8

Ya higo enali Misia kegi'a be ligite Toloasi hepatoga limi'ahana.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.

Aposolo 20:5

Enali kohe tete bite Toloasi hepatoga legeba hite mine'ahana.

Aposolo 20:16

Polu Yelusale hepatoga mono fuli yupapogu ya'ma gi'a Petikosu yupahi yabe ana yupapogu nehetilube luto to Efeso hepatoga buloto Esia kapogu minaluna kana le'mo yatama hilibe luto ligo lali Efeso hepa'mo bege ligito buto Miletusi hepatoga neheti'ohune.