Aposolo 20:4 - Ka Lamana'a Monoꞌi Lu Mu Tifiꞌehina Ka Yabe

⁴ To ai hiti bi'ahana bona'i Belia hepato bomo, gi'a Sopata, Pilasihi pana'a, ai yagi to Tesalonika hepato bona'i loemo, etigi'atiti Alisitaka yagi Sekatasiu yagi to Tebe hepato bo mone gi'a Gaiyasi hiti to Esia meto bona'i loebe monebe enigi'ani Timotiu yagi Tikiku yagi Tolofimu yagi enaligo yabe.

Aposolo 20:4 Referans Kwoze

Aposolo 19:29

Ya hite, kehe napa neigo silaga bona'i ana hepatoti ho ti baga ite kehe napa ilago bila ela hite Poluhi lalu'afugo hiti kapo melete moneka nebana bole Gaiyasi hiti Alisitaka hiti Masetonia kegi'ati etayato lite hololu lite tutuma'i melete nehanalo bi'ahana.

2 Timoti 4:20

Elasatu ai Koliti hepatoga mino'ehina to Tolofimu besilago Miletusi hepatoga he'mi eto'ohube.

Efeso 6:21

Minoto lito nohuna yamofihi hapa'a to foya'a lilata nohuna yamofihi kehelilabe luto Tikiku ai'ya buto ka lu lepilube'mu nohibe. Ai lalalutifu lamana'a Sipi Bomofihi agoya pana'a foyagu amuya moloto mino'ehina bo yabe.

Taitasi 3:12

Nani Atemasigo Tikikugo etali neha'inaga kaitoga mone ho lifinogo'ni nehetilenogo yamofihi Nikopoli hepatoga nohiluna'mu yabe. Nanitoga alube luto ka amuya molobo. Nani ana huto ana hepatoga yasi hilina kanagu minalube luto lu keheli'ohube.

2 Timoti 4:12

Tikikuhi ya'ma ho lufugo Efeso hepatoga nobibe.

Kolose 4:7

Lalalutifu mone gi'a Tikiku nani lenalitoga ho lifilube. Ai ana huto Sipi Botimofihi lili'na bo nohuto kosele'i mehose nehe'molata nohina yabe. Ai lenalitoga buto lali kumu lu lepilenogo kehelilete komopatini keta holatana'mu babahi huto higo lenali lenegelo bilabe.

Aposolo 21:29

Enali Polu Efeso hepa'i bo mone gi'a Tolofimu ai hiti tauniga nohi hepalugu neha'igo be ge'ehite enegekesa kehelite Polu ana bomo sipi mono nonugu le'moto ti'ehifiye? lite kehelite ya li'ahana.

Aposolo 16:1

Polu Tebe hepato hiti Lisitala hepato hiti heneti'ehina. Ya'mana hepato Hu'mamofitoga komopa'a emito nominana bo gi'a Timoti yabe. Ai ito'afu Yuta a'uba ana huto Hu'mamofitoga komopa'a emito nominana yabe. To ai afo'afu Giliki melugu boya.

Aposolo 14:6

Ya lite lana kaga etali akehelilete ana hepa'i he'mite koli hite i minigite bite Likonia kegi'a loe tauni Lisitala hepa'i hiti to Tebe hepa'i asaga lagaso meso hepa'i ana loe tauni lebato ni'inalo bula ola hite mine'aha'ina.

Kolose 4:10

To mone bouba gi'a Alisataku nani hiti'i naga'i li'ehina bouba lenali kumu nehafihe luto noligo fayahi nokoyobe. To ana huto Makiu, Banabasihi etali'afihi pana'a, ai lenali kumu nolibe. Nani ai kumu alu lepi'ohunagi to lenalitoga nehetilenogomo be tigite le'malo.

3 Yoni 1:1

Oho, Gaiyasio, nalalu'niga komopa'ni kimi'ohuna bona'ise. Olopa bo kohe'amofita nani fayahi nasana ya'ma koyoto nokumube.

Filemoni 1:24

Ya huloto moneko foyalo bo Maki, Alisitaka, Temasi to Luku enali ana suhi hite nehafihe lite keke'i neli lepalabe.

2 Timoti 1:2

Timotio, nemehi nokumuna pana'nimaka, nani ma fayahi koyoto nokumube. Afotifu Hu'mau to Sipi Boti Yesu Kilisito ai lehe'mose'na to ginaga fi limise'na to fuluna'a hiti li huto hu keteno.

1 Timoti 1:1

Nani Poluita Hu'mau lubuto bilata bo, ai kaga'alo to Yesu Kilisitohi fifa ilata nohuta bomofihi kaga'alo nani Yesu Kilisitohi aposolo bo'a nohunamofita,

Filipai 2:19

Sipi Bo Yesu bati huto yabe linogo Timotihi mele'isi lenalitoga ho lifinogo'ni bilibe luto nolube. Ya hulenogo lenalitogati kaga mone i gelehe huto enogo keheliloto komopa'nigu bati hinogo kehelilube.

2 Koliti 1:19

Hu'mamofihi pana'a Yesu Kilisito ai hapa'a ya'ma nani hiti to Silasi to Timoti lali lu lepi'ohuta bo ai ya'ma kaga lu'ehina luga'a o'yo luto nohigo luga'a futu'a lolo huto o'e luto faga lilata menohibe. Asaga'i ya'ma lama'naka'a lu'ehinaloti legeya'ago ho baga ilata nohibe.

2 Koliti 1:1

Poluita nani Yesu Kilisitohi aposolo nele'mo ho ti'ehinamofita to bo mone lalalutifu hiti moneka nohutoti'a Koliti hepatoga Hu'mamofihi bona'a to Giliki melugu mine'ahana'a hiti asaga'i mineme bite ete hi'ahana lenali fayahi ya'ma koyo nolepito ma luto nolube.

Romu 16:23

To nalalu'nifu, Gaiyasiu nehafihe luto nolibe. Ai'a noha'agu Kilisitohi naga'i mone'amagi li nupa hilata nehana. To Elasatu gamanimofihi efahi kaba bo, to gonamu tamu bo mone Kuotasi hiti lenali kumu nehafihe lite nela'ibe.

Romu 16:21

To nani hiti moneka lili'na nolu'ina bouba, Timotiu, lenali nehafiye luto noligo nani nokoyobe. To nalalu'nigi Yuta bona'magi enigi'ani Lusiugi Yesonigi Sosipatagi ana hite nehafiye lite nelago nokoyobe.

Aposolo 27:2

Boti mone Esia hege nagamilugu bilube'mu Atalamiti hepatoti nohinagu lali buto tiloto nobuto anagu Alisitaka, Tesalonika metogati Masetonia hepato bo nohigo moneka bu'ohuta yabe.

Aposolo 17:1

Etali kapo melete bite Afipolisi kegi'a henetilete yaloti he'mite bite Apolonia kegi'a henetilete ana hite ya'ma hepa'i be ligite bite Tesalonika hepato heneti'aha'ina. Ya'mana hepato Yuta bona'magi mono noha'ani mone ni'igo bu ge'aha'ina.

Aposolo 14:20

Ya hago Yesuhi kaga'a kehelise bona'magi Poluhi bite le'mo bego hago ai ho tiloto tauniga ya'ma aku'i ti'ehina. Eteka'a ai'a hiti Banabasi hiti Tebe hepato bi'aha'ina yabe.

Aposolo 2:9

Maga li gehesa huto nohuta bona'iya Patia to Mitia to Ilama hepato bo yabe, to lali Mesopotamia bona'i yagi, Yutia to Kapatosia hepatoti, to Ponitasi to Esia bona'i yabe.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Aposolo 17:13

Ya hago alihi Tesalonika Yuta bona'magi Polu ya huto Hu'mamofihi ka'a Belia bona'i lu noepibe lana'a keheli'ahana. Ya hilete enali ana hepatoga bite boana'i faga faga lube epibe hite enegekesagu lu pisili bite enele'mo negi nagi ne'ahana.

Aposolo 20:16

Polu Yelusale hepatoga mono fuli yupapogu ya'ma gi'a Petikosu yupahi yabe ana yupapogu nehetilube luto to Efeso hepatoga buloto Esia kapogu minaluna kana le'mo yatama hilibe luto ligo lali Efeso hepa'mo bege ligito buto Miletusi hepatoga neheti'ohune.