Aposolo 20:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Polu Yelusale hepatoga mono fuli yupapogu ya'ma gi'a Petikosu yupahi yabe ana yupapogu nehetilube luto to Efeso hepatoga buloto Esia kapogu minaluna kana le'mo yatama hilibe luto ligo lali Efeso hepa'mo bege ligito buto Miletusi hepatoga neheti'ohune.

Aposolo 20:16 Referans Kwoze

1 Koliti 16:8

Nani ya'ma Efeso hepatoga nohugo Yuta bona'magihi sipi nose'na nalana yupahi, gi'a Petikosu nelana, ana fuli su halina'mu yabe.

Aposolo 2:1

Sikalafu'i limise kana'a olago enali moneko nonuga ete li nupa hite mine'ahana.

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 24:17

To nani Yelusale hepatoti he'mito buto fato hepatoga kufu kana nominonati aku anaga moni efahi lito buto nani bona'ni epila to kuguhi gola hilube'mu bu'ohuna.

Aposolo 21:4

To lali anaga Yesuhi ka'a kehelise bona'i sa hutoti enali hiti yegegu 7 ya'ma kana'a mino'ohune. To enali Hetofa Sikalafu'uba lu epigo Polu kumu Yelusale hepatoga mebubo lite amuya melete kaga lu emi'ahabe.

Aposolo 20:22

To yatai kehelilo. Hu'mamofihi hetofa Sikalafu'uba amuya moloto noho lifigo Yelusale hepatoga nobube. To anaga buto nehetilenogo hena hi netalabe nani keheli bati menohube.

Aposolo 20:13

To Polu melugu mone'a hiti bilube luto nobigo lali botigu tito kohe toto Asoso hepatoga buto anagati Poluhi lofotula hilune luto bu'ohune.

Aposolo 20:6

To lali ya'ma fuli yupahi beleti nose'na yisititu lolo mehise nenana ya'ma su hago lali Filipai hepatogati botigu tito buto 5 yegegu bu'ehigo lali Toloasi hepatoga nehetiloto anaga enali nehanalo li nupa hutoti 7 yegegu mino'ohune.

Aposolo 18:21

Ya luto ka'ani pelesa iloto ma luto lu epi'ehina: Ai Hu'ma linogomo nani aku'i lenalitoga oto bu lenagalube. Ya luloto botigu tiloto Efeso hepa'i he'mito bu'ehina.

Aposolo 18:19

Enali Efeso hepalugu henetilete Pilisilanogo Akuilanogo he'mi etoto'ehina. Ya huloto Yuta bona'magi li nupa lite mono kaga beto hilata nehana nonugu ai tiloto Yuta bona'i hiti kaga lu keheli fa keheli hi'ahana.

Aposolo 12:13

Pitau ana noto henetiloto nohi kasito begele begele nohigo koko pa'i mone gi'a Lotau kafe sigilube'mu o'ehina.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Aposolo 19:1

Apolosiu Koliti hepatoga minana kana'aluga Polu kosa ubago hina kapo luga kapo moloto oto Efeso hepato neheti'ehina. Ya huloto Efeso hepalugu Yesutoga agoya hu emi'ahana bona'i luga'a bu enogoloto enoloka ho'ehina:

Aposolo 20:4

To ai hiti bi'ahana bona'i Belia hepato bomo, gi'a Sopata, Pilasihi pana'a, ai yagi to Tesalonika hepato bona'i loemo, etigi'atiti Alisitaka yagi Sekatasiu yagi to Tebe hepato bo mone gi'a Gaiyasi hiti to Esia meto bona'i loebe monebe enigi'ani Timotiu yagi Tikiku yagi Tolofimu yagi enaligo yabe.