Aposolo 2:47 - Ka Lamana'a Monoꞌi Lu Mu Tifiꞌehina Ka Yabe

⁴⁷ Asaga yupahi utehi etehi Hu'mamofihi gi'a li saga hite minelata hago asaga boana'magi enugufagu bati hu'ehina yabe. To asaga yupahi Sipi Bouba boana'i luga'a enubuto bito enali folagaha'anigu molo emilata higo boana'i babu lu'ehina yabe.

Aposolo 2:47 Referans Kwoze

Aposolo 16:5

Ya hilago Hu'mamofihi boana'magi aitoga amuya melete ule'ale hite komopa'ani emite neminago luga'a bona'i ete enalitoga ikele ikele hago asaga yupahi babu bona'i huto hi'ahana yabe.

1 Koliti 1:18

Kilisitohi kaga'a amuya'a amuya'a hiti ni'igo yana'mu ma kehelilo. Malipu yafalo fili'ehina kaga'a ya'ma kegeiyo bona'magi fililana kapogu melelata nehana nekehelite negi nasana yabe lite nelanaya to lali'i kapo lamana'agu nobuta bona'magita kehelutogo Hu'mamofitogati amuya'a kaga ni'ibe luto keheli'ohune.

Aposolo 2:41

Ya luto Pitau lulago ai ka'a keheli bati hana bona'i ana yupahi nagami'i fele su he'ahana. Ya'mana yupahi bona'i nehana'alo Hu'mau molo emi'ehina 3,000 boana'i yabe.

Aposolo 2:39

Koyapa'i Hu'mau ka molo'ehinaya lenalitoga hiti to yagapanatiniloga hiti to asaga'i me'i foto nehana hiti, asaga'i enali Sipi Boti Hu'matifu kehe ilina bona'i ya'manana epilina'mu yabe.

Romu 14:18

To lenali Kilisitohi ka'a kehelite agoya hu emilenogo Hu'mau lenali kumu fokehi lilata nohibe. Ya nohigo bona'magi ana hite ma'naka lite ananamu'i enofokehi lilabe.

Aposolo 11:24

Banabasiu ai hetofa bo minoto komopa'a Hu'mamofitogago emito minago Sikalafu'uba aitoga bai tago mino'ehina. Ya higo babu boana'i komopa'ani i gelehe hite Sipi Bomofihi naga'a hiti ikelete moneka mine'ahana yabe.

Aposolo 13:48

Ya noligo enali fegutoga bona'magi kehelilete enegelo bilete Sipi Bomofihi ka'alo fokehi he'ahana. To asaga bona'i minoba minoba hepatoga bilabe luto Hu'mau elesa molo'ehinamagi aitoga komopa'ani emi'ahana yabe.

Romu 9:27

To lu yege hose bo, Aisaiyau Isilaeli bona'mu ma lu'ehina: Ya'ma Isilaeli bona'magi kehe'i suhi huto samahi tite nehinogo Hu'mau folagaha'aniguti bona'i mone'a nesi'asi enubuto bilibe.

Romu 8:30

To Hu'mau ekesa kehelito enele'mo molo'ehina bona'magihi aitoga kehe igo e'ahabe. To ai kehe igo e'ahanamofihi foipana'ani he'mito bebe sose bona'i enele'mo lolo hu'ehina. To ya huto bebe sose bona'i enele'mo lolo huto ai hetofa fana meha'agu enele'mo molo'ehina.

Luku 2:52

To Yesu sipi bo hulago kehelise'na'a hetofana huto minago melugu bona'i hiti to Hu'ma hiti enali bu gana hapa'a bati huto mino'ehina yabe.

Aposolo 4:21

Ya lite la'igo enali kanisole bona'magi amuya melete kaga lu etetelete etele'mo he'mi'ahana. Enali naga'i etimilana kaga li huto mehi'ahana yabe. Hena'mugope asaga boana'magi huto hu enubulo molo'ehinamofi kumu lite Hu'mamofitogago enegelo bi emite gi'a liyafa hana'mu yabe.

Aposolo 4:33

Enali aposolo naga'magi Sipi Bo Yesu fili'ehinagati aku'i ho ti'ehinamofihi kaga'a lu yege nehago ana ka'aniuba amuya sipi molo'ehina yabe. Ya hago Hu'mau fuluna enalitoga epi baga ito hetofa lu epolo'ehina yabe.

Luku 19:48

Ya hana asaga boana'i Yesuhi kaga'a amuya melete keheli bati hilune'mu hago yana'mu enali ana bomagi Yesuhi halana kapo'a li hokolo mehi'ahana yabe.

Aposolo 4:4

Ya hana enali babu boana'i etali ka'atiti akeheli bati hilete liyafa hite mege'i mele'ahana. Enali ya'mana boana'i asaga'i 5,000 yabe.

Aposolo 6:1

Ya'mana kana'alo ka lamana'a mege'i malana bona'i luga'a babu lite ete ikele'ahana. To luga'a ka lamana'a mege'i malana bona'magi Giliki nogo nehanamagi enali luga'a Hibulu nogo nehanamagi ka epeki'ahana. Ma lite li'ahana: Lenali asaga yupahi nose'na'ani meni'ina boana'i enehe'melata nehanaya to keto ana'i enemegesa hu epite menehe'melata nehabe.

Aposolo 6:7

To Hu'mamofihi kaga fato fato hepato leli'ali hago bu baga i'ehina. Ya higo babu boana'i luga'a hiti Yelusale hepatogati komopa'ani i gelehe hite Hu'ma kaga'a liyafa hi'ahana. To enali sipi mono noto kaba bona'i luga'a babu lite ana hite komopa'ani i gelehe hite ka lamana'a mege'i mele'ahana yabe.

Aposolo 9:31

Ya hulago Yutia kegi'afi Galili kegi'afi Samalia kegi'afi Yesutoga komopa'ani mele'ahana bona'magi fuluna agoyanaguti bati hite mine'ahana. Ya hago bona'i luga'a babu lite huto hilete enalitoga ete ikele'ahana. Ya hilete enali Sipi Bomofihi mege'i melete minago Sikalafu'uba enele'mo amuya molo'ehina yabe.

Aposolo 9:35

Ya hinana asaga Lita bona'i hiti to Seloni bona'i hiti be gelete komopa'ani i gelehe hite Hu'mamofitoga emi'ahana yabe.

Aposolo 11:21

Sipi Bomofihi amuya'a enalitoga minago babu bona'i luga'a ana kaga kehelite komopa'ani i gelehe hite Sipi Bomofihi mege'i mele'ahana yabe.

Aposolo 14:1

To Ikoniu hepato etali ana suhi aku'i hi'aha'ina. Polugo Banabasiugo Yuta bona'magi li gehesa hilata nehana nonugu tilete ka lu yege he'aha'ina. Etali kaga amuya'a hiti le'mo bati hite lu epi'igo yege yege Yuta bona'i hiti to fegutoga bona'magi hiti ana kaga komopa'ani lu mele'ahana.

Aposolo 14:21

Polugo Banabasiugo ka lamana'a Tebe hepatoga lu yege ha'igo babu bona'i luga'amagi etali kaga keheli bati hilete etemege'i mele'ahana. Ya hilete i behe hite Lisitala hepato bilete yaloti Ikoniu to yaloti Atioki hepato Pisitia kegi'a bi'aha'ina.

Aposolo 17:12

Ya hilete babu boana'i etali ka'atiti komopa'anigu li pili kago to babu enigihiti Giliki ana'i to bona'i babu lite enali hiti ana hite ana kaga komopa'anigu li pili koto hi'ahana.