Aposolo 2:44 - Ka Lamana'a Monoꞌi Lu Mu Tifiꞌehina Ka Yabe

⁴⁴ To asaga boana'i enali Yesutoga komopa'ani neeminamagi enali hiti ho ti baga i'ahana. To asaga enali nasana'ani keheligo asaga mono bona'i li nupa hite minanamagihina lolo hu'ehina.

Aposolo 2:44 Referans Kwoze

Aposolo 4:32

Hu'mamofitoga komopa'ani emite minana bona'i enali moneko kaga liyafa hite mine'ahana. To bo moneuba ai fe'noha'alo bu goloto nani'ni nasana'ni ni'ibe luto melu'ehina. Asaga fe'noha'a enali asaga'i nehanamagi enali'na hiti li baga i'ehina.

2 Koliti 8:9

Lenali Sipi Boti Yesu Kilisitohi lehe'mose'namofihi akehelilata nehanamo ni'ibe. Ai sekele mamu'amofihi afo'afu lenali kumu yabe luto muhi meni'ina bo lolo hu'ehina yamofihi lenali anatu mono'mofihi yogo fe'noho suhi hilabe luto ya suhi hu'ehinagi nani ya'ma lu nolepugo lenali giyaka lite ana hite bilabe.

Aposolo 5:4

Koyapa'i ana me'i mina mefi'ahago, ya'mana kana'alo ya'mana me'i kai me'i mino'ehina yabe, to ana me'i bona'i noepito efahi litogomo ana efahi kai'naka lolo nohibe. Komopakagu henabe luto kehelito ya'ma suhi li huto hane? Kai lali'i limi'i memolo'ahata Hu'mamofihi mi'i moloto faga lu emi'ahata yabe.

Aposolo 4:37

To ai'a me'a nesi'a fato bomofihi noemito efahi liloto ana efahi lito buto aposolo naga'magihi epi'ehina yabe.

Aposolo 5:2

Ya huloto liha'a hiti lu kehelilete efahi luga'a etali'atiti fala nekite luga'a lite bite aposolo naga'i epi'aha'ina.