Aposolo 2:43 - Ka Lamana'a Monoꞌi Lu Mu Tifiꞌehina Ka Yabe

⁴³ Sipi lili'na fato fato'i to topa hose'na hiti aposolo naga'magihi enayato Hu'mau babu luto li huto higo asaga boana'i enali be gelete enelesa'ani ligo koli hi'ahana.

Aposolo 2:43 Referans Kwoze

Yoni 14:12

Lusiga lu nolepube. Bona'i mone'amagi nanitoga keheli ule'ale hu niminogo ya'ma nani amuya foya'ni suhi hite lilana'mu to, ma'naka luto mone hiti foya'nimofihi be ligite babu lite lilabe. Hena'mube? Nani Afo'nifitoga tito minenogo'ni enehe'menogo babu lite amuya lili'namo lilabe.

Luku 8:37

Ya hago babu boana'i Gegese hepatoti ete li nupa hite minanamagi Yesuhi: Bufa hubo lite li'ahana, lali sipi lelesati nolibe li'ahana yabe. Ya lite lago Yesu botigu tito he'mi epoloto bufa hu'ehina yabe.

Luku 7:16

Ya higo asaga boana'i anana bu gelete enelesa'ani gofa ligo Hu'mamofihi gi'a li saga hite fokehi hete ma lite li'ahana: Mono ka lu yege hose bo sipi mone folagahatigu huto nohibe. To Hu'mau boana'a enehe'moto enubuto bilibe luto a'noabe.

Maki 16:17

To agoya hu nimilana bona'magi enali ya'ma topa hese foya suhi lilabe. Enali nigi'ni hete foipa felemagihi bona komopa'aniguti enele'mo he'milabe. To enali fato fato bona'magihi ka'aniguti kaga lilabe.

Aposolo 9:40

Ya hago Pitau asaga bona'i ana hasaguti enele'mo fegu toloto lapusa nohi filoto nunumu hu'ehina. Ya huloto ai ana a'mofihi i behe huto bu goloto ma luto lu'ehina: Tabitao, kai ho tibo. Ya noligo bu i gili huto Pitahi bu goloto sipaloti ho tito analo mino'ehibe.

Aposolo 4:33

Enali aposolo naga'magi Sipi Bo Yesu fili'ehinagati aku'i ho ti'ehinamofihi kaga'a lu yege nehago ana ka'aniuba amuya sipi molo'ehina yabe. Ya hago Hu'mau fuluna enalitoga epi baga ito hetofa lu epolo'ehina yabe.

Aposolo 9:34

Pitau lu emi'ehina: Eniasio. Yesu Kilisito yatai kele'mo bati nohibe. Kai ho tito nebelusaka tili huto tege hubo. Ya noligo Eniasiu ko'ehinaloti mele'isi ho ti'ehina yabe.

Aposolo 2:22

Lenali Isilaeli bomagita ya'ma kaga kehelilo. Nasalete bo Yesuhu kaga lu lepilube'mu nohube. Ya'mana bomofihi yato Hu'mau amuya lili'na emigo li'ehina hiti topa hose'na hiti to babeyafana hiti li huto huto lenali folagahatigu bu'ehina, ya Hu'mau ho lifi'ehina bo nohibe lite lenali bu go bati hilabe luto yabe.

Aposolo 5:5

Ananiasiu ana kaga keheliloto ana'asilo fililoto melugu limito ko'ehina. Ya higo enali ya hinamofihi kaga'a kehelina bona'i nelesa'ani gofa lu'ehina yabe.