Aposolo 2:42 - Ka Lamana'a Monoꞌi Lu Mu Tifiꞌehina Ka Yabe

⁴² Enali aposolo pana'magi kaga'ani mone'a hiti kehelilune lite amuya mele'ahana, to enigibo nagabo enehe'mola, nose'na monekolugu li nupa hite nela hite to nunumu monekolugu li nupa hilete hilata hi'ahana yabe.

Aposolo 2:42 Referans Kwoze

Hibulu 10:25

Ya nohutoti mono kumu li gehesa hulatanagu luga'amagi menehetise amanapa hite neminana'a nehabe. Ya hilata nehana enali suhi mehuse kana'amu kana'amu Sipi Bouba alina kana'a lebato huto nohinago yamofi kumu kehelito minoto enele'mo hetofa huto amuya moloto minalune.

Aposolo 1:14

Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.

1 Yoni 1:3

Yamofihi ya'ma bu goto lito hu'ohutamo ana huto lenalitoga lu lepilata nohutamo ya'ma lu lepilenogo ai kumu komopati monekotoga bati huto hepito minalune luto hulata nohune. To ana huto lenali hiti lali hiti komopati hepi lamana higo nominoto afotifitoga to pana'a Yesu Kilisito aitoga hepito minalune luto yabe.

1 Yoni 1:7

Hu'mau ai ya'ma fana meha'a hiti bo nohibe. To ana huto lali ai'a fana meha'agu mino moloto nohuto ai hiti moneko'na huto komopati hepito bati huto minaluta'mu yabe. To ya hinogo pana'amofihi Yesu, ai'a golaha'auba foipanati asaga'i okala hu letoto minomo buto minalibe.

Aposolo 2:46

Asaga yupahi utehi etehi moneko naga'i lolo hite sipi mono nonuga li nupa hite bilata hi'ahana, to noha'anigu nose'na monekolugu nupa hite nelata hi'ahana, to fuluna kiya yokolo'nagu minete nose'na nelata hi'ahana yabe.

Aposolo 20:7

To lali minoto salele yupahi mone yatama nohi ifo hasagu tito li gehesa huto Yesuhi ka'a beto huto beleti nose'na li gofa huto nalube'mu nohuto, Polu li nupa hi'ahanamagihi kaga lamana'a lu epiba lu epiba nohuto yago lenehe'mito bilunagi luto kaga lu noepibe.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Yute 1:20

Ya hite nehanaya, komopa'ni lepi'ohuna bona'ise, lenali monotini legeya'a yanauba komopatini lolo hilenogo amuya melete mineme bite minalabe. Hu'mamofihi fana meha'a hiti Sikalafu'i limi'ehinamofihi amuya'alo minete Hu'mamofitoga lite minalo.

Kolose 4:2

To kosele'i mehose amuya melete Hu'mamofitoga fokehi nelite nunumu hite Hu'mamofihi loka holata nehite minalo.

Kolose 1:23

To lenali yatai amuya melete Yesutoga minete komopatini emite minete ka lamana'amofihi yata'a keheli ule'ale hi'ahana kamu'i li pili kete ya'ma legeya'a huto hilinamofihi geba hite kehelise'natini mopo mopo mehilata nohigo ya hite minalo. Ya'ma nani Poluita, ka lamana'a nasanamofihi kele kele bo nohuna, asaga bona'i melugu neminanamofihi ya'ma nani ka lu yege holata nohunamofihi, ya'ma kehelilo.

2 Timoti 3:14

To kaiba ya'ma ka lamana'a lu kimi'ohugo keheli ule'ale nohatana li pili koto liloto mino lito buto keheli amuya molobo. Kai ya'ma ka lu kimi'ohuta bona'magita lali'i akeheli'ahane.

Efeso 2:20

Ya huto ni'igo lali Hu'mamofihi bona'i asaga'i nopo tegi huto nominone. Enali aposolo bo to Hu'mamofihi ka lu yege hose bona'i enali lukesa'a lolo hite nehago yamagihi enugupisalo lele'mo malago minomo buto nohune. To Yesu Kilisito ai nohi ya'ma lapusa'a lolo huto nohibe.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Aposolo 6:4

Ya hinogo laliti nunumu huse'na hiti to boana'i kaga lu yege hose'namofihi lili'na'asigo li eto huto lito bilune.

Aposolo 4:31

Enali ya hite nunumu ahilago li nupa hite nehana nonugu imima'i li'ehina. Ya huloto enali to Sikalafu'uba tito bai tolago enali Hu'mamofihi kaga'a lu yege homofa'na hi'ahana yabe.

1 Koliti 10:21

Sipi Bomofihi konuguti nelete to sibi kene'magihi konuguti nelete hilana ya'ma kohi loeguti nolata'a meni'ibe. To Sipi Bomofihi hitaloti nelete sibi felemagihi hitaloti nalana'a meni'ibe.

Romu 12:12

Lenali Hu'mamofihi bu galana yupahi mineme bite geba hilananauba lenele'mo amuya melenogo lenofokehi lilo. To keta huse'nauba lenalitoga huto nohinogomo komopatinigu fulu huse'na'mu Hu'mau lenehe'malinamofihi geba hite minalo. To asaga yupahi kosele'i melenehenogo Hu'mamofihi loka hete nunumu hilo.

Hibulu 10:39

To lali amuya memolose kosele kasele'i hoto minaluta'a to i behe huto tafa kapomofihi nasana lolo mehiluta'mu yabe. Lali ya'ma kehelito amuya moloto lemehi emito lubuto bilatanamofihi nasana ya'ma lilune.

Aposolo 11:23

Banabasiu ana hepato buto henetiloto Hu'mamofihi boana'a bati hite nehago bu enogoloto gelo sipi biloto bati hite nehanagi ana suhi lite fulunaguti koguna ite asaga komopatini Sipi Bomofitoga emite mino mana hilo luto enogo'na bi'ehina yabe.

1 Koliti 11:2

Lenali yamofihi lolo huto moloto hu'ohunamo ka keheli su he'ehite nani lu yege ho'ohuna kaga kehelilete yamofihi ka'a mege'i melete neminabe. Yamofi kumu nokehelugo laga'ni nebesilata nohibe.

Aposolo 20:11

To yalo ifo nopogu tito beleti nose'na li gofa huto epito to nose'na noloto kaga luba luba huto minoto go'i ligo bufa hu'ehibe.

1 Yoni 2:19

Kilisitohi fatehe bona'a enali lalitogati he'mi letelete bi'ahanamagi, lali ligibo lagabo lamana'a bati huto minolata'na ya'ma lolo hite menehabe. Enali lalalutigi bati hite nehatita ya'ma mehe'mi letatita ni'ibe. To he'mi lete'ahana yamofihi hapa'a ya'ma huto huto hu'ehibe. Lali hiti nehana'a enali lalalutigi lolo hite memine'ahana, keheliya i'ohune.

Galesia 1:6

Lenali ya'ma Kilisitohi lehe'mose nasanagu molo emilabe luto elesa molo epi'ehina bomofitoga mino hepi bati hite meminese lenemegesa hi emilete fato monolugu ya'ma bite lenegekesa melete kehelilata nehabe. Nani ya'mu ya'ma nehana'amu topa hoto oho luto nolu lepolobe.

Aposolo 4:23

Pitanogo Yoninogo etele'mo he'mina ana kana'asilo etalalu'atitigi nehanaga bilete asaga kaga kanisole bona'magi lu etete'ahana enali'i beto hu epi'aha'ina yabe.

Luku 24:35

Enali ya lago etalitoga ana hite kapo melete neba'igo Yesu etubulo huto hu'ehina kaga ana hite beto hite lu neepite to ya huto beleti nose'na lito gofa hoto le'emigo bu go bati hu'ohu'ibe, lite lu epi'aha'ina yabe.

Luku 24:30

Alihi enali nose'na nalune'mu nehite Yesu etali hiti moneto mine'ahana. Ya huloto ai beleti nose'na liloto Hu'mamofitoga fokehi ho emiloto gofa hoto etimi'ehina yabe.

1 Koliti 14:6

Nalalu'nigita, nani lenalitoga nobugo Hu'mau lu huto huto lu nimi'ehina ka'a to mono ka hapa'a mone luga'a to komopa'nigu keheli'ohuna ka'a to Hu'mamofihi ka'a komopa'niguti beto huto lenelepise ka'a lu huto hu nolepito fato enonogoguti kaga lu nolepinogo yanauba hena hena huto fi hele hu lepalalibe?