Aposolo 2:23 - Ka Lamana'a Monoꞌi Lu Mu Tifiꞌehina Ka Yabe

²³ Koyapa'i Hu'mau ai'a ekesa yigito mololoto ai ya'mana bo Yesuhi lenali lenayanugu molo'ehina yabe. To enali kaga li gofa hose bomagihi enayanugu meleletetini malipu yafalo hago fili'ehina yabe.

Aposolo 2:23 Referans Kwoze

Luku 22:22

Kokulumaguti limi'ehina Bo Hu'mau lu'ehina mege'i moloto fililina'mu yabe. Ya hu'ehinaya ai fatehe bomagihi enayanugu nele'moto buto malalina bomofi buya hilina'mu yabe.

Aposolo 4:28

Enali asaga'i monekolugu li nupa hilete asaga'na koyapa'i li huto hilabe luto amuya kaga lu'ahata ai anana huto hilina'mu yabe.

Aposolo 3:18

Ya hi'ahana koyapa'i Hu'mau kaga mone ma luto kaga lu yege hose bomagihi enabagalo lu'ehina, Mesia'nifu ai gabu gise'na li kofilibe. Ya lu'ehinalo lenali ya'ma suhi li huto hi'ahanauba ana kaga baga i'ehibe.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.

Aposolo 13:27

Enali Yelusale bona'magi hiti kaba bona'amagi hiti Yesu ai lele'mo lubuto bilina bo nohibe lite mekehelila to kaga lu yege holata bomagi asaga fuli yupahi leka selata hana kaga hiti keheliya mei'ahana yabe. Enali Yesuhi faga lite fisa inauba kaga lu yege hose bona'mofihi kaga'aniuba pa so'ehina yabe.

Matiu 26:24

Mono kagu koyapa'i kaga lu yege hose bomagi nani ya'ma Kokulumaguti limi'ohuna Bo fililuna'mu fayahi ge'ahana kaga ninalo nani filinogo'ni pa salina'mu yabe. Ya hu'ehinaya ai nayato lito fateha'nimagi epilina bose. Ke. Ana bo lesa'a gofana lino. Ito'afu ana bo meketatitaya bati huto minatita'mu yabe.

Romu 4:17

Koyapa'i Abalaha kumu mono bukugu fayahi ge'ahana: Nani babu noto noto bona'magihi afo'aniga kele'mo lolo nohube, luto Hu'mau ya luto lu molo'ehina. To Abalahau Hu'mamofihi bulo minoto ana kagamofihi keheli ule'ale hu'ehigo ana kaga molo'ehinauba huto hulatamo ni'ibe. Hu'mau fili'ahana bona'i enele'mo ho tilata nohina bouba to ana'ina asaga'na huto mehu'ehina alihi le'mo huto hilina bouba ya'ma kaga lu molo'ehina yabe.

Aposolo 5:30

Lenali Yesuhi malipu yafalo hu so kilete malipu yafalo ho fili'ahana lali tatatigi Hu'ma'anifu ai aku'i le'mo ho ti'ehina yabe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

Yute 1:4

Hena'mube? Bona'i luga'a Hu'mamofihi keheli'ahana'a enali folagahatigu fenene hite ti'ahana. To enali moko foya lilata nehanalo Hu'mau ka melemekilina'mu yabe lite ai hetofa bo nohinagihe lite nelana enali ya lite Hu'mamofihi lehe'mose kaga'a li sibi hite to lali moneko kaba boti, Yesu Kilisitohi enemegesa hu emite ibe fitebe hi etelata nehabe. Enali ya'ma bite li he'mila ete li he'mila nehanamofihi hapa'anilo Hu'mau osahi epilina ka koyapa'i mono bukugu fayahi keye'ahanamo ni'ibe.

1 Pita 1:2

Lenaliya afotifu, Hu'ma ai'a Sikalafu'uba lenele'mo etalibe luto to Yesu Kilisitohi kaga'a kehelite agoya hu emilabe luto lenele'mo'ehina. Ai golaha'a folo lepolo'ehina yauba komopatini okala hu lepololenogo minalabe luto Hu'mau afotinifu lu molo'ehinalo mine'ahanaguti lenele'mo eto hu'ehina yabe. Hu'mamofihi lehe'mose'na'a to bati hu'ehinalo fuluna'a hiti lenalitoga minomo tito hofa talibe.

Aposolo 15:18

Ya'mana kaga koyapa'i Sipi Bouba ai'a lu hokolo hu'ehina kaga yatai hiti ai'a nolibe.

Luku 24:20

To enali sipi mono boti to enali enikibina botimagi enali gamani bomagihi enayanugu mele'ahana yabe. Ya hago enali malipu yafalo ho fili'ahana yabe.

Luku 22:37

Hena'mube? Mono bukugu kaga ma luto ni'ibe: Enali foipa bo hiti le'mo malalabe. To nani lu nolepube lu'ehina. Ya'mana kagauba nanitoga huto hilina'mu yabe. Asaga fayahi keye'ahana ya'ma kaga monolugu nani kumu'i ninalo yatai mana'a huto hilube'mu nohibe.

Aposolo 7:52

Koyapa'i kaga lu yege hose bo minana mone kiyi'afihi le'mo sibina mehi'ahana ni'ibe? Lamana bo'a, Yesu yabe, alinamofihi kaga'a lu yege hete koyapa'i e'ahana bo enoho fili su he'ahabe. To yatai halune'mu hana bomagi enayanugu lenali malago ya'mana bo aho fili'ahabe.

Yoni 19:24

gimi bomagi kaga ai lu emigo ai lu emigo li'ahana: Ma kata loko hilune'mu pekene mehiluta kiyi'afu lilibe lutoti kati supo hite li'ahana. Yana hite hi'ahana'mu koyapa'i mono bukugu fayahi ge'ahana. Enali kata'ni guna ite moneko moneko'isi lite to naku'nimofihi kati suhi hite li'ahana. Ya'ma kaga'mu ana huto huto hu'ehina. Gimi bomagi ya'ma kata'a kumu ya hi'ahana yabe.

1 Pita 2:8

To mono bukugu fayahi mone ma luto ni'ibe: Ana efatoti i kusulu bite limilana'mu yabe. To ana efapolo ho kete enahalina'mu yabe. Ana kaga keye'ahanamofihi hapa'a ya'ma ni'ibe. Bona'i enali Hu'mamofihi ka'a keheli he'milata nehana enali kusulu bite limilana'mu yabe luto lu'ehinamo ni'ibe. Ya hite bite, ya suhi hilata nehabe luto Hu'mau ya'ma lu molo'ehina yabe.

Matiu 20:19

Ya hilete enali Lomu gamanilo nele'mete binogo enali kiya yokolo ka li netete to naga osatu nibi yigilete to malipu yafalo noho fililana'mu yabe. Ya hinogo loegi monegi yegegu aku'i ho tiluna'mu yabe.

Matiu 27:35

Enali malipu yafalo nekatu Yesuhi ahelete gukete'a guna ito laliti fato fato'i lilune lite masisi suhi hite he'ahana.

Maki 15:24

To yalo, Yesuhi malipu yafalo nili hete he'ahana yabe. To gu kata'a kiyi'afu lilibe lite, li gehe lite melete kati supo hite li'ahana yabe.

Luku 23:33

Enali bohupo'i mone nina kosa lataha felisa legita kosa yabe lite lilata nehanalo Yesuhi malipu yafalo nehete to foipa bole luga luga etehe'ahana yabe. Mone'i yahi lamaga'aga nehete mone'i Yesuhi yahi soga'aga malipu yafalo nehete hi'ahana.

Yoni 19:18

To analo'i enali Yesuhi malipu yafalo nilitu he etelete melugu ana yafamo li saga hite fi'ahana. To enali bo loemo ana hite yafalo hete Yesuhi yafa'alo luga luga melugu fi'ahana.

Aposolo 2:36

Ya hu'ehinagi asaga Isilaeli naga'magita ya'mananalo keheli bebe salune. Ya'mana Yesuhi lenali malipu yafalo hago fili'ehina, ai'i Hu'mau Sipi Bo le'mo lolo higo nohina ai Yesu Kilisitou nohibe luto, Pitau ya luto lu epi'ehina yabe.

Aposolo 5:28

Lenali boana'magitoga Yesuhi gi'a helete kaga lu meepilo luto ule'ale ka luto laga hu lepolo'ohuta yabe. Ya hu'ohuto bu galo, lenali kaga'tinimouba asaga Yelusale hepa'mogu bu baga i'ehibe. To lenali lali kaluga lilete Yesuhi enali ho fili'ahana yabe lilune'mu nehabe.

Romu 2:12

To fegutoga bona'magi Moseu koyo'ehina keya ka folagaha'anigu meni'igo ana ka mekeheli'ahana ya'mu ana keya kauba kaba mehu epolo'ehina. Enali foipana lilete yabalugu limilana'mu yabe. To Yuta bona'magi enali keya ka keheli'ahana. Enali foipana hilenogomo ana keya ka keheli'ahanamu'i Hu'mau hapa'ani kehelito kaga'ani loko hilina'mu yabe.

1 Tesalonika 2:15

Yuta bona'i enali Sipi Bo Yesuhi he'ahana to Hu'mamofihi ka'a lu yege hose bona'i hiti enehe fili'ahana to lali'i legene mane ite lehete li he'mi'ahana. Enali kumu Hu'mau keheligo ipa'a sibina nohina yabe. To enali bona'i asagatoga luba sabo hilata nehana yabe.