Aposolo 2:22 - Ka Lamana'a Monoꞌi Lu Mu Tifiꞌehina Ka Yabe

²² Lenali Isilaeli bomagita ya'ma kaga kehelilo. Nasalete bo Yesuhu kaga lu lepilube'mu nohube. Ya'mana bomofihi yato Hu'mau amuya lili'na emigo li'ehina hiti topa hose'na hiti to babeyafana hiti li huto huto lenali folagahatigu bu'ehina, ya Hu'mau ho lifi'ehina bo nohibe lite lenali bu go bati hilabe luto yabe.

Aposolo 2:22 Referans Kwoze

Yoni 3:2

Mone yupahi ai sininugu Yesutoga oloto ma luto lu emi'ehina: Tisao, kai Hu'mau koho lifigo limi'ahata babafi nohataya lali akeheli'ohune. Kai lusi lili'na nolita'a huto mone kene'uba melilina Hu'ma aitoga mino hetofa hulenogomo yabe.

Aposolo 4:10

Ya hiletemo lenali asaga'i hiti to Isilaeli naga'i hiti ya'manana keheli bebe salo. Yesu Kilisitou Nasalete Bo ai gi'alo ma bomofihi gufa'a amuya moloto bati hu'ehibe. Ya higo ai folagahatinigu yatai lenubulo ho ti'ehibe. Lenali Yesuhi malipu yafalo hago fili'ehinamoya Hu'mau aku'i kene keliguti le'mo ho ti'ehibe.

Luku 11:20

O'e, Hu'mamofihi ai amuya'aloti foipa fele li nohe'mube ya nohugo ana nohunanauba Hu'mamofihi kapo'a anasi lenalitoga a'o leba to'ehibe luto lenubulo huto huloto lenelepilata nohibe.

Matiu 12:28

Ai Hu'mamofihi Sikalafu'auba amuya nimigo foipa fele hesi nohe'mi nogo'nimo lenali Hu'mamofihi kapo'a lalitoga a'o leba notanagi lite kehelilabe, luto Yesu lu epi'ehina yabe.

Matiu 9:8

To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.

2 Koliti 12:12

Nani lenalitoga foya bati huto lugo topa hose suhi to ana'ina kosaba'i bu go bati huse nasana kosele'i meho'ehina'a hiti huto hulata nohina yanauba aposolo bomofihi hapa'ni li huto hulata hu'ehina.

Aposolo 26:26

To kibina bo, Agilipao. Kai ya'manana asaga'i keheliya i'ahata'mu luto nani koli mehuse amuya moloto kaga lu nokumube. To ya'manana fala kito sugunaluga huto mehu'ehinagi kai asaga'i yege yege'i huto hu su ho'ehinana akeheli bati hu'ahane.

Aposolo 26:9

Koyapa'i nani'ni asaga suhi li huto huto Yesu Nasalete bomofihi gi'a li melugu malalube luto asaga negekesa keheli'ohuna yabe.

Aposolo 24:5

Lali ya'ma bo bu gota ai kegeiyo bo nohibe. Ai asaga kapoga hepato hepato Yuta bona'i hiti kenasabo bi enohomofa'na huto ka noepekina bo nohibe. To ai Nasalene naga'mofihi kaba bo'a nohibe.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Aposolo 13:16

Polu ho tito yahi tiloto ma luto kaga lu epi'ehina: Isilaeli bona'ni hiti to fegutoga bona'i asaga'i Hu'mamofitoga komopatini emite neminanamagita nani liluna kaga kehelilo.

Aposolo 6:14

Lali keheli'ohunogo ma luto lu'ehina yabe: Yesu Nasalete bouba ya'ma hepa'i sipi mono nohi tele bito li foipa loloto koyapa'i Moseu limigo ana suhi lilata nohuta ai li nohe'mito fato suhi lepiluna'mu yabe lu'ehibe.

Aposolo 5:35

Ya nehago ai kanisole bona'i ma luto lu epi'ehina: Isilaeli naga'ise. Lenali ma bomagihi enugufalo li huto hilune'mu nehananalo lenali lenegekesa yigi fe lilete li huto hilo.

Aposolo 3:12

Ya hago Pitau bu enogoloto kaga ma luto ana boana'i lu epi'ehina: Isilaeli Naga'ise. Hena hibe lite ya'manalo lenekesa yigi babu nelabe? Lenali hena'mu le'ali'i bulu'i nehe'ahabe? Etali'atiti amuya'atitiloti ma bo lusa gi eta'igo kapo nemalabe lite nekehelifihe? O'e, ya huto meni'ibe.

Yoni 19:19

Ya hi'ahago Pailatiu mone keya'a lolo huto ma fayahi koyo'ehina: Yesu Nasalete Bo Yuta Bona'magihi Enigihiti Bo Yabe. Ana fayahi koyo'ehinana yafa lataha'alo ifoga mele'ahana.

Yoni 15:24

Nani folagaha'anigu fato suhi amuya'a hiti ya'ma koyapa'i bona'magi li huto mehi'ahanamofihi li huto hutita enalitoga foipana meminatine. To ya'ma be gologo bi he'mi'ehite nani'i luba ka li nimiba li nimiba nehite Afo'nifihi ananago hite luba ka neli etabe.

Yoni 12:17

Koyapa'i Yesu Lasalasi mulilugu mele'ahana fili'ehinaguti le'mo ho ti'ehinamofihi kana'a babu boana'i minete bu ge'ahana'amagi bite Yesu kumu lu yege he'ahana yabe.

Yoni 11:47

Ya lu epite nehago Felosi bo hiti to sipi mono noto kaba bona'i hiti li nupa hite mono kanisole bona'i li gehesa hite ma kaga li'ahana: Ya'ma bouba amuya lili'na babu luto li'ehinagi henati hilune?

Yoni 10:37

Afo'nifihi amuya lili'na'a menolinogo'nimo nanitoga keheli menimilabe.

Yoni 9:33

Ya hu'ehina'mu ya'ma bomo Hu'mamofitogati meo'ehitita ai amuya'a hiti bona'i enele'mo bati mehitita'mu yabe.

Yoni 7:31

Ya nehago babu boana'i luga'amagi ai ka'a keheli pili kelete ma lite li'ahana: Alihi Mesiau oloto sipi lili'na ma bouba li huto hu'ehinamofihi hoto sipi'a li huto hilina be ligilifihe?

Yoni 6:27

Minoba minoba mehilina nose'nalo lenali foya melite minomo tito minoba minoba hilina nose'naloko foya lilo. Ai ya'ma nose'na mino bati minoba minoba huse'namo yabe. Hu'mau Pana'amofihi ya'mana nose'na mino kosaba husemofihi lepilibe luto gi'a a'emi'ehibe.

Yoni 6:14

Ana boana'magi Yesu babeyafa suhi sipi'a li huto hina bu gelete li'ahana: Ma'naka luto ma boya kaga lu huto huto hulata bo ma melugu limilibe li'ahana aisimo nohibe.

Yoni 5:36

Ya hu'ehinaya Yonihi be ligi'ehinanauba nani hapa'ni yatai lu huto nohibe. Asaga lili'na nani kumu lito li su halane luto Afo'nifu nimi'ehina nani nolube. Ya'mana lili'na nolunauba ai'a boana'i enelepinogo bu gelete Hu'mau ho lifigo limi'ehinagi lite lilabe.

Yoni 4:48

Ya higo Yesu lu emi'ehina: Lenali kaga'ni keheli menimise nehite babeyafana fato fato'i li huto hinogo'ni bu gelete nani kumu keheli ule'ale hilata nehabe.

Yoni 1:45

To Filipiu bo mone Natanielihi sa sa huto bu goloto ma luto lu emi'ehina: Koyapa'i Moseu ma bomofi kumu keya kagu go'ehinamo lali abu go'ohune. Ai Nasalete hepatoti Yosefehi pana'a yabe.

Luku 24:18

Ya hilete mone bo gi'a Kiliopasi yabe lite gi'a nehana bouba ma luto lu emi'ehina: Babu bona'i fato fato hepatoti li nupa hite yatai Yelusale hepato nehabe. To kai mone'isimaka asaga'na Yelusale hepalugu yatai kana'agu huto hu'ehinanaya mekeheli'ahapihe?

Matiu 2:23

Ai buto Nasalete hepato nohi gito mino'ehina. Ya higo kaga lu huto huto bona'magi li'ahanauba legeya'a li huto nohibe lite li'ahana: Enali Nasalete bo yabe lite lilata hilana'mu yabe.

Aposolo 2:19

Nani babeyafana fato huse'i kokulumatoga ifoga li huto nohuto ana huto ma afetoga melugu li huto nohinogo'ni golahi hiti logo hiti to lokiya sopohi huto hilibe.

Aposolo 2:43

Sipi lili'na fato fato'i to topa hose'na hiti aposolo naga'magihi enayato Hu'mau babu luto li huto higo asaga boana'i enali be gelete enelesa'ani ligo koli hi'ahana.

Aposolo 3:6

Ya higo Pitau ma luto lu emi'ehina: Nani efahi meli'ohube, ya hu'ohunaya nani li'ohunana kimilube. Yesu Kilisitou Nasalete Bomofihi gi'alo nolu ketonagi kai kapo molobo.

Luku 18:37

To enali ma lite lu emi'ahana: Yesu Nasalete hepalo bo kapo moloto noabe.