Aposolo 2:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Ya lago Pitau hiti to nayahi luga luga su hoto nigigusagati mone heleko malago nehana aposolo naga'i hiti asaga'i ho tilete kehe sipi iloto kaga lu hokolo huto asaga boana'i ma luto lu epi'ehina: Lenali Yuta bona'i hiti to asaga boana'i lenali Yelusale ete li gehesa hite nehanamagita nani kaga mone'ya lilube'mu nohunagi kehelilete ya'mananamofihi hapa'a keheli bati hilabe.

Aposolo 2:14 Referans Kwoze

Aposolo 5:35

Ya nehago ai kanisole bona'i ma luto lu epi'ehina: Isilaeli naga'ise. Lenali ma bomagihi enugufalo li huto hilune'mu nehananalo lenali lenegekesa yigi fe lilete li huto hilo.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Aposolo 7:2

Ya luto loka hago Sitifeniu lu emi'ehina: Nogo'nigita afo'nigita kehelilo. Hu'mau fana meha'a hiti bouba koyapa'i tatatifu Abalahau Halani hepato mebu'ohuto Mesopotamia hepato minana kana'aluga nehetito bulo hu'ehina.

Aposolo 2:22

Lenali Isilaeli bomagita ya'ma kaga kehelilo. Nasalete bo Yesuhu kaga lu lepilube'mu nohube. Ya'mana bomofihi yato Hu'mau amuya lili'na emigo li'ehina hiti topa hose'na hiti to babeyafana hiti li huto huto lenali folagahatigu bu'ehina, ya Hu'mau ho lifi'ehina bo nohibe lite lenali bu go bati hilabe luto yabe.

Aposolo 1:26

Ya lite nunumu hilete enali luga'amagi Mataiyasio yabe lite enayahi netigo to luga'amagi Basabasio yabe lite enayahi tina Mataiyasiu be ligi'ehina yabe. Ya higo enali Mataiyasihi nayahi luga luga su hoto nigigusagati mone heleko malago aposolo pana'i minanalo le'mo mele'ahana yabe.

Yemesi 2:5

Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.

Aposolo 13:16

Polu ho tito yahi tiloto ma luto kaga lu epi'ehina: Isilaeli bona'ni hiti to fegutoga bona'i asaga'i Hu'mamofitoga komopatini emite neminanamagita nani liluna kaga kehelilo.

Matiu 2:1

Yesuhi Betelehe hepato Yutia melugu Heloti sipi bo minana kanagu Maliau keto'ehina. Ya hulago alihi keheli bati huse bo luga'a enali yege notinagati sonofi'i kene ite Yelusale hepato neheti'ahana.