Aposolo 2:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Filigia to Pamifilia kegi'ati, Iyipi bona'i Libia kegi'a Sailini lebatoti yagi, lali Lomu bo maga oto nominota.

Aposolo 2:10 Referans Kwoze

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Aposolo 18:23

Analo'i nesi kana minoloto ana hepa'i he'miloto Galesia kegi'a hiti Filigia kegi'a hiti bula ola huto boana'i Yesutoga komopa'ani melete neminanamofihi enele'mo amuya molomofa'na hu'ehina yabe.

Aposolo 15:38

Ya ligo Polu: O'e luto, koyapa ya'ma pana'uba Pamifilia kegi'ati he'mi le'etoloto fato kapoga bu'ehina. Le'ali hiti moneka humofa'na huto lili'na li baga mei'ehina pana'i yago le'ali hiti mebilibe luto Polu ya lu'ehina.

Aposolo 13:43

To li gehesa hite nehana bona'i bila ela nehago Yuta bona'i luga'a hiti to fegutoga bona'i Yuta bona'magihi mono ka keheli'ahana luga'a hiti Polunogo Banabasinogo etemege'i lifite bi'ahana yabe. Ya nehago etali kaga lu epite enele'mo amuya melete Hu'mau lenehe'menogo ai yanugu minalo lite li'aha'ina yabe.

Aposolo 13:13

Polu yagi to bona'i luga'a ai hiti kapo malanamagi hiti enali Pefosi hepatogati he'mite sipi botigu tilete Pega hepato Pamifilia kegi'a bi'ahana. Ya nehago Yoni Makiu he'mi etoto to Yelusale hepatoga i behe huto bu'ehina yabe.

2 Timoti 1:17

Ya huto Lomu hepatoga nehetiloto nani kumu mele'isi sa sa huto nele'mo huto hu'ehina.

Romu 1:15

Ya'mu nani Hu'mamofihi ka lamana'a lenali Lomu hepatoga neminana bonatoga lu lepilube'mu nohugo sipi laga nebesigo ana foya lilube luto amuya molo'ohube.

Aposolo 27:5

To Silisia hiti Pamifilia hiti hege nagami mupa'a i gofa hoto Lisia kegi'a Maila hepato neheti'ohuta.

Aposolo 14:24

To etali Pisitia kegi'a tite bumofa'na hi su helete alihi Pamifilia hepato heneti'aha'ina.

Aposolo 11:20

To Hu'mamofitoga komopa'ani melete minana bona'i Saipalasi bo hiti to Sailini bo hiti Atioki hepatoga bite Sipi Bo Yesuhi ka lamana'a fegutoga bona'i hiti enalitoga lu yege hete lu epi'ahana yabe.

Maki 15:21

To le'mete nebago bo moneuba Sailini naga'i nohina bo gi'a Simoni, Alekasatahi to Lufusihi afo'atitifu yagi, ai ana kapolo kifiguti noago enali bu gete le'me kefefe hite naga'i emite Yesuhi malipu yafa'a gupisalo li malago ai kofito bu'ehibe.

Matiu 27:32

Enali kapo melete nebite Sailini metoga bo gi'a Simoni ai'i be gelete fitu fo etete Yesuhi he'moto malipu yafa'a kofi etobo lago ai kofi he'mo'ehina.

Huto Hilina Ka 11:8

Filile'inogo bona'i etali etugufa'atiti he'mile'inogo hepa'i sipi lamana'alo kapogu kete minala'ina'mu yabe. Sipi Bo'atitimofihi ya'ma ana hepato koyapa'i malipu yafalo helago fili'ehina hepa'mofihi ya'ma gi'a fono kamofihi ka'aguti Sotomu to Iyipi yabe, lite lilata nehabe.

Romu 1:7

Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Aposolo 28:15

To Lomu hepato ligibo lagabomagi ya hite neabe lite lali kumu lana'a akeheli'ahana. To enali lali'i legeba hite eba eba hite Apiasi Maketi hepato Kalina Nohi Loegi Monegi ni'inalo nehetilete lali'i lebe tigi'ahana. Ya hago Polu bu enogoloto gufa'agu laga gofa higo Hu'mamofihi gelo bi emi'ehina yabe.

Aposolo 18:2

Ya huloto Yuta bo mone gi'a Akuila yabe ai Ponitasi hepato kete'ahana bo nohigo bu go'ehina. Ya'ma bouba liha'a Pilisila hiti Itali kegi'atoga bite nemina'inati ma'asi e'aha'ina yabe. To hena'mugope gamani bo Kolotiasiu ai gihiti bouba Yuta bona'i asaga'i Lomu hepa'i he'mite bilo luto enoho lifi he'migo etali ete neha'inalo Polu bu'ehina.

Aposolo 13:1

Atioki hepalugu Hu'mamofihi kaga'a mege'i melete neminana boana'magi folagaha'anigu kaga lu yege holata bo luga'a hiti to kaga enelepise bo hiti mine'ahanamagi enigi'ani Banabasi yagi Simioni fato gi'a Nupa Bo yabe lilata hana bo yagi to Lusiu, Sailini hepato bo yagi Manaeni ai Helotihi gamanilo hofa to'ehina bo yagi to Soliu yagi hite mine'ahana yabe.

Aposolo 6:9

Ya nohigo luga'a bomagi ho tilete ai kaga'a pelesa i'ahana. Ya'mana bona'i enali Yuta bona'i fato mono ka nekehelina bo, enali fato mono'ani Lali Foyati yabe lite gi'a helata nehabe. To enali Sailini hepatoti yagi Alekasatilia yagi, to mone'amagi Silisia yagi to Esia, asaga ya'ma hepatogati ete li nupa hite nehana bomagi yabe.

Aposolo 6:5

Asaga boana'magi aposolo bona'magi lu huto hana kalo enegelo bi'ahana. Ya hilete Sitifenitoga Sikalafu'uba bai tana bo le'mo ho ti'ahana. To Filipiu yagi Polokolu yagi Nikeno yagi Timoni yagi Pamenasiu yagi to Nikolasiu ai Atioki hepatogati fegutoga bo Yuta bona'magi mono kagamofitoga komopa'a molo'ehina bo hiti enele'mo ho ti'ahana yabe.

Matiu 2:15

Ya hite anaga nehago Helotiu fili'ehina yabe. Ya'mana kana Hu'mau lu yege hose bomagi enabagagu lu'ehina nose'na'a huto hilibe luto Iyipi meluguti aku'i kehe ugo o'ehina yabe.

Aposolo 23:11

Ana folugu'i Sipi Bouba Poluhi metoga ho tito nohuto ma luto lu emi'ehina: Kai koli mehuto amuya kekesa molobo. To koyapa'i ma Yelusale hepato nani kumu kaga amuya moloto lu epi'ahata suhi Lomu hepato buto ana huloto lu epibo.

Matiu 23:15

Keya kaga kehelise bo hiti Felosi bo, lenali ehetinio. Lenali loe kaga lulata bo lenabaga kaba hilo. Lenali koko boti lilune lite mone bo ai mono kagatimofihi mege'i malalibe lite hege nagami beletoga to hepato hepato sa sa hilata bo yabe. Ya hite, koko panatini le'meletemo aku'i lenali logo kapolo lenalitini suhi lite le'mo melelata nehabe. Ya hu'ehina ai lenebege ligito babu luto foipana'a nominabe.

Aposolo 2:11

Lali Yuta bo hiti to fato bona'i Yuta bona'magi hapa'ani li'ohuta bona'i yagi, Kiliti to Alebia bona'i yagi lali asaga'i fato fato nogoti nina nohuta enali ana mone'isi nogotiguti Hu'ma amuya lili'na li huto hu'ehinamofihi lu yege hago nogotiguti keheli baga une.

Aposolo 17:21

To asaga Atenisi bona'i hiti to fato hepatoti bona'i luga'a ete ana hepato mine'ahanamagi hiti yatai yuhufa kaga kehelise yupahi yabe lite limo gehesa hi'ahana yabe.