Aposolo 19:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya lina kaga luga'a bona'magi keheli komopa'anigu memelelete silaga boana'magi enubugu Sipi Bomofihi Kapo'a lu sibina hi'ahana yabe. Ya lago Polu nohe'mi epoloto pana'alobo'a enele'moto buto asaga yupahi Tilanuhi ka enelepilata nonugu tito kaga lulata hu'ehina yabe.

Aposolo 19:9 Referans Kwoze

Aposolo 19:23

Ya'mana kana'agu luga'a bona'magi Sipi Bomofihi Kapo'amu lite fatehi fi etelete kehe napa ite bati mehi suhi li huto hi'ahana.

Aposolo 9:2

Ai ana kaga lu emigo sipi mono noto kaba bouba fayahi mone Yuta bona'i mono nonuga gehesa hi'ahananamagi Tamasiko hepato bite neminanamagitoga go'ehina. Ya huloto ya'mana fayahi Solihi emi'ehina. Ana fayanugu ma luto go'ehina. Enali Sipi Bomofihi Kapo mana'alo mege'i nemalalana bo hiti ana'i hiti Soliu bu enogolotomo ai enele'mo naga ito Yelusale enele'moto alibe.

2 Pita 2:12

Bo ya hana'amagi ya'ma komopa'ani enegekesa meni'ina kafa'nama enohoto nolata nohuta ya suhi hite mine lite nebana enali tegi hite neminanamagi enali ana'ina lite mine'ahanamofihi hapa'a keheli bati bati hite mekehelise ana nasana'mu sibi sibi ka lilata nehabe. Ya nehago kafa'nama enoholata nohuna suhi huto Hu'mau enahalina'mu yabe.

Aposolo 14:4

To ya'ma hepato boana'i loko hilete luga'amagi Yuta bona'magi hiti komopa'ani monetoga melete minago to luga'a bona'i Polunogo Banabasinogo etalitoga melete komopa'ani monetoga melete mine'ahana yabe.

Yute 1:10

Aku'i enali faga faga mono ka lilata bona'magi ya'ma mekeheli'ahana nasana'mu yamofihi ibe fitebe hite to megeka lite minelata nehabe. Yaga kala suhi hite enugufa'ani enumu nofilina nasana'mu fa'mene komopa'anitu kehelilete yalo ya'ma foipa hilete yanauba enele'mo sibi sibi hite ya hinogo enali fili su halabe.

2 Pita 2:2

Bona'i ya hana'amagi enali moko foya nelinogo bona'i asaga'magi bu gelete enemege'i melete ana suhi hilana'mu yabe. To enali foipana hapa'a lilanamofi kumu yabe lite bona'i luga'amagi Hu'mamofihi kapo lamana'amu sibi kehelite laga mehina kapo yabe lite sibi ka lilana'mu yabe.

Hibulu 3:13

Ya nehite kana'amu kana'amu to kanati fa'mene ni'inogo foipanamofihi fi taga hi etete mi'i ma'i mololatanamofihi lenalitogati bo mone'mofihi amukele li etenogo komopa'a li hekini lo lalibe lite ai ekesa linogo ai ekesa linogo hite le'mo hetofa hite minalabe.

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

Romu 11:7

To ya huto ni'igo Isilaeli bona'magi ma hite neminabe. Enali Hu'mau enele'malina hapa'a sa sa hi'ahana aku'i enali asaga'i meli'ahabe. Mone kegi'a nesi'a bona'magihi Hu'mau bita hu'ehina'amagi enaligo ali'ahana yabe. To ya'ma meli'ahana bona'magi komopa'ani hekini lago Hu'mamofihi nogo'a kehe igo mekeheli'ahabe.

Romu 9:18

Yamu'i lali Hu'mamofihi hapa'amu ma keheli'ohuna, ai bona'i mone'a kumu niginaga filube luto to fato bona'i mone'mofihi komopa'a fi hekini lo etalube luto lu'ehina. Ya'ma ai foya'a ni'ibe.

Aposolo 22:4

Nani ya'ma Yesuhi kapogu mele'ahana'amagihi enegene mane huto enoho'ohube. Yana bona'mo hiti ana'mo hiti naga'i epito kalabusi nonugu enele'moto fitu fo'ohuna.

Aposolo 7:51

Lenali kegeiyo bona'i. Lenali kaga mana'a Hu'mau molo'ehina li komopatinigu melete meminana bona'i yabe. Lenali asaga'i tatatinigi hi'ahana ana supo lite nehabe. Asaga yupahi lenali Sikalafu'i le'mo he'milata nehabe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

2 Timoti 3:5

Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.

2 Timoti 1:15

Esia metoga bona'i Hu'mamofihi naga'i luga'amagi malo e'ahanamagi enali asaga'i nani kumu enekesa mekehelite aku ahe'mi nete su he'ahabe. Figelasigi hiti to Hemogenegi hiti etali ana hite he'mi nete'aha'inamofihi akeheli'ahane.

Aposolo 28:22

Ya hu'ehina kai kabagakaguti lu hokolo huto lu limilata kaga lali kehelilune. Hena'mugope asaga boana'magi enabagaguti kehelutamo ya hite ya'ma naga'magi loko hite fato nehabe lite kaga foipa'a lana'asigo nokeheluta yabe.

Aposolo 24:21

Nani nekesa nokeheluna koyapa'i folagaha'anigu ho ti'ohuto kaga mone'isi ma luto kehe i'ohube: Fili'ahana bona'i Hu'mau aku'i enele'mo ho tilina'mu yabe luto'ni lu'ohuna. Ya'mana kaga hapa'amu kehelito li pili ko'ohunana'mu lenali lenubulo nifisa neibe luto yana kaga nani lu epi'ohube luto Polu lu'ehina yabe.

Aposolo 20:31

Ya hilanagi lenali kaba hite minalo. Nani loeyagi moneyagi foya kanagu etehi utehi hiti lenali kumu yibi huba huba nohuto mono kaga lu lenelepi'ohuta yamofihi mehe'mise mino'ohunagi ya'ma lenekesu meheno.

Aposolo 19:30

Ya nehago Polu bona'magi folagaha'anigu heleko moloto buto ai'a kaga lu epilube'mu nohigo lalu'agi mebubo lite le'mo mele'ahana.

Aposolo 17:4

Luga'a boana'magi etali ka'atiti keheli komopa'anigu melete etemege'i mele'ahana. Giliki bona'i luga'a babu lite Hu'mamofitoga agoya hu emite mine'ahana bona'i ana hite, to enigihiti ana'magi ana suhi hite etemege'i mele'ahana yabe.

Aposolo 11:26

Ya huto Solihi bu goloto Atioki aku'i le'moto o'ehina. Ya hilete ana hepato kufu mone'a mino baga ite Yesuhi naga'a enele'mo nupa hite sipi luga'a ka mana'a enelepi'aha'ina yabe. Aposolo bomagi Atioki hepato yata'a yupahi Kilisiteni enigi li'ahana yabe.

Yoni 12:40

Hu'mau enubu li fili ko epolo'ehina. Ai enegekesa fi hekini lo epolo'ehina. Ya hu epolo'ehinagi enali enubutu bu megalana'mu to enegekesatu keheliya meilana'mu to komopa'ani i gelehe hite nanitoga mealana lenele'mo ye kalube luto lunamobe. O'e, kaitoga mebilune lite li'ahanagihe.

Matiu 26:55

Ana kana'asilo Yesu fateha'amagi ma luto lu epi'ehina: Lenali baukalo bo helata nehana suhi lite nani'i nahalune lite yatama emita'i hiti yatama hoso hiti kefefa hite neafihe? Henabe lutobe? Asaga yupahi nani babu boana'i hiti sipi mono nonugu ka enelepito minolata huna lenali bite nayato meli'ahana yabe.

Matiu 16:4

Lenali bati mehana boana moko fako lite neminana boana'magita nani kumu'i topa hose'na li huto hu lubulo molobo nelabe. Ya nelana nani topa hose'na mone li huto hu lenubulo memalaluna'mu yabe. Lenali koyapa bo Yona huto hu'ehinanamofihi topa hose'na'ago anasi bu galana'mu yabe. Ya luto luloto Yesu he'mi epololoto bu fa hu'ehina yabe.

Matiu 15:14

To lenali he'mi epelenogo enali mineno. Enali enubu pisi lina bona'i nehite enali ana hite enubu'ani pisi lu'ehina bona'i fato'amagihi kapo enelepilune'mu nehabe. Ya hu'ehinaya bu'a pisi lu'ehina bouba fato bo ana huto bu'a pisi lu'ehina bo kapo lepilube'mu hilinaya etali loe sana sana ho kete keli kapogu limila'ibe.

1 Koliti 16:9

Ya'maga Sipi Bomofihi ka'amofihi kapo'a bili etoto foya'ni huto higo nolugo legeya'a holata nohibe. To ka lamana'amofi kumu fatehe bo'a babu lite nehabe.