Aposolo 19:8 - Ka Lamana'a Monoꞌi Lu Mu Tifiꞌehina Ka Yabe

⁸ Polu Yuta bona'magi mone kaga lu keheli fa keheli hilata nehana nonugu tiloto amuya moloto ka lamana'a lu epito ikahi loebe monebe mino'ehina. Ai enali hiti kenasabo bi enohoto Hu'mamofihi Kapo'alo bilabe luto amuya kaga lu epi'ehina yabe.

Aposolo 19:8 Referans Kwoze

Aposolo 1:3

Koyapa'i Yesu ai gabu foya li kofito fililoto ai alihi aposolo pana'amagitoga huto hu'ehina. Ai fili'ehinagati ho tiloto kosaba bo nohube luto babuna fato fato'i aposolo pana'a hu enubulo molo'ehina. To 40 yupaha kanagu aposolo pana'amagi Yesu enubulo huto huto huloto Hu'mamofihi Kapo'amofihi kaga'a beto hu epi'ehina yabe.

Aposolo 28:23

To enali kana mone melelete ana kana'alo babu bona'i ete Polu nohina nonugu li nupa hi'ahana. Etehi hapi fito Polu kaga hapa hapa'a lu epiba lu epiba huto nohigo buto yege limi foloto sinihi gi'ehina. To ai ana huto Hu'mamofihi Kapo'amu kaga'a le'mo bati huto lu epi'ehina. To ai kaga koyapa'i lu huto huse bomagi hiti to Moseu hiti fayahi keye'ahanamofihi lu yege ho epi'ehina. To ya'ma kaga'atu enele'mo amuya moloto komopa'ani li keta mehuse hinogo Yesutoga komopa'ani emite minalabe luto lu'ehina yabe.

Yute 1:3

Keke'i nolu lepolona bona'ise. Nani Hu'mau lenubuto bilata nasana silaga bona'magi hiti lilata nohuta yana'mu fayahi koyoto lepilube luto amuya molo'ohunaya, to bona'magi keheli ule'ale huse'namofihi kapo'a mino hetofa huto minalibe luto Hu'mau lu limi'ehina kaga ya'ma sibi hu lalibe luto asaga'naloga amuya melete foya'a ule'ale hite li etalana lenogo'na bito fayahi koyo lepilube luto kana'ni tupa nohibe.

Aposolo 19:9

Ya lina kaga luga'a bona'magi keheli komopa'anigu memelelete silaga boana'magi enubugu Sipi Bomofihi Kapo'a lu sibina hi'ahana yabe. Ya lago Polu nohe'mi epoloto pana'alobo'a enele'moto buto asaga yupahi Tilanuhi ka enelepilata nonugu tito kaga lulata hu'ehina yabe.

Aposolo 18:19

Enali Efeso hepalugu henetilete Pilisilanogo Akuilanogo he'mi etoto'ehina. Ya huloto Yuta bona'magi li nupa lite mono kaga beto hilata nehana nonugu ai tiloto Yuta bona'i hiti kaga lu keheli fa keheli hi'ahana.

Aposolo 18:4

Ai asaga fuli kana'alo Yuta bona'i li nupa hite mono kaga lu keheli fa keheli hilata nehana noha'anigu tiloto Yuta bona'i hiti to Giliki bona'i hiti Yesu Hu'mamofihi lusi pana'a huto hu'ehibe, luto kaga lu epi'ehina.

Aposolo 17:17

Ya higo kaga lu keheli fa keheli hilata nehana mono nonugu tiloto Yuta bona'i hiti to fegutoga bona'i luga'a Hu'mamofitoga komopa'ani emite minelata nehana bona'i hiti kenasabo bilata hu'ehina. To asaga yupahi babu boana'i hepa'i folagaha'agu limo gehesa hite minete kaga lu keheli fa keheli hilata hanalo Polu kaga lu epilata hu'ehina yabe.

Aposolo 14:1

To Ikoniu hepato etali ana suhi aku'i hi'aha'ina. Polugo Banabasiugo Yuta bona'magi li gehesa hilata nehana nonugu tilete ka lu yege he'aha'ina. Etali kaga amuya'a hiti le'mo bati hite lu epi'igo yege yege Yuta bona'i hiti to fegutoga bona'magi hiti ana kaga komopa'ani lu mele'ahana.

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Aposolo 13:14

Enali Pega hepa'i he'milete kapo melete Atioki hepato Pisitia kegi'a bi'ahana. Ya hilete fuli yupahi kana'alo Yuta bona'magi mono nonuga tite mine'ahana.

Aposolo 18:26

To ai hapi fito Yuta bona'magi kaga nupa hite lite minelata nehana noha'anigu tito ka lu hokolo huto lu epi'ehina. Ya higo Pilisilaugo Akuilaugo ka'a kehelilete noha'atitiluga le'mete bite Hu'mamofihi kapo'amu mone'a hiti lepi bati hi'aha'ina yabe.

Aposolo 19:7

To ya'mana bona'i nayahi luga luga su hoto nigigusagati loemo heleko malana'amagi yabe.

Aposolo 19:10

To ai ya huto minoto kufu loemo li he'mina kana'agu Yuta bona'ifi Giliki bona'ifi to silaga bona'i Esia melugu mine'ahanamagi Sipi Bomofihi ka'a akeheli su he'ahana yabe.

Aposolo 20:31

Ya hilanagi lenali kaba hite minalo. Nani loeyagi moneyagi foya kanagu etehi utehi hiti lenali kumu yibi huba huba nohuto mono kaga lu lenelepi'ohuta yamofihi mehe'mise mino'ohunagi ya'ma lenekesu meheno.