Aposolo 19:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya lite lago Polu lu'ehina: Koyapa'i boana'i komopatini i behe hilo luto lu epito Yoniu nagami'i folo epolo'ehina. To bo mone nani nemege'i noana bo Yesu, aitogago komopatini emite minalo luto Isilaeli bona'i lu epi'ehina yabe.

Aposolo 19:4 Referans Kwoze

Aposolo 1:5

Yoniu nagami lafatu'i boana'i nagami'i folo epolo'ehina yabe, Ya hu'ehina lenali yatama kana mebu'ehinogo Sikalafu'uba komopa'anigu tilina'mu yabe.

Aposolo 11:16

Ya higo koyapa'i Sipi Botiuba lu limi'ehina kagalo nekesa i hokolo hu'ehina yabe. Ai mana kaga ma luto ni'ina: Yoni nagami lafatu folo epolo'ehina, alihi lenali'i Sikalafutu folo epalalana'mu suhi lenalitoga limito minalibe.

Yoni 1:27

Ai nani nemege'i alihi noabe ya nohina nani ana bomofihi gigu su'amofihi naga gulu ho etaluna'a huto bati menohube.

Yoni 1:7

Yoniu kohe toto fana mepofi kumu ya'ma kaga'a boanatoga lu yege henogo asaga bona'magi kehelilete ana kaga komopa'anigu li malalabe luto huto hu'ehina yabe.

Yoni 1:15

Yoniu sipi kehe ito kaga'a ai kumu ma luto lu yege ho'ehina: Ai ya'ma alihi nemege'i noanauba nebe ligito kibina bo nohina luto hena'mugope ai koyapa'i yata'a mino lito bu'ehigo nani alihi ito'nifu neketo'ehina yabe. Ai ya'ma bomofi kumu lu'ohuna yabe luto Yoniu ya lu'ehina.

Yoni 1:26

Ya lite loka hago Yoniu ka'anilo nona'a ma luto epi'ehina: Nani fa'mene nagami lafatu nagami'i nofolo epolonaya folagahatinigu bo mone ho tito nohina bu mege'ahabe.