Aposolo 19:23 - Ka Lamana'a Monoꞌi Lu Mu Tifiꞌehina Ka Yabe

²³ Ya'mana kana'agu luga'a bona'magi Sipi Bomofihi Kapo'amu lite fatehi fi etelete kehe napa ite bati mehi suhi li huto hi'ahana.

Aposolo 19:23 Referans Kwoze

Aposolo 24:22

Ya ligo Felikiu ka lamana'a hapa'a bona'magi Yesuhi kapo'agu melete minela nehana hapa'ani keheli bati hu'ehina'a ai kaga lu laga huloto ma lu'ehina: Anasi yabe. Alihi gimi bomagihi kaba'ani Lisiasiu olenogo lenali kagatini lu niminogo loko hilube.

Aposolo 19:9

Ya lina kaga luga'a bona'magi keheli komopa'anigu memelelete silaga boana'magi enubugu Sipi Bomofihi Kapo'a lu sibina hi'ahana yabe. Ya lago Polu nohe'mi epoloto pana'alobo'a enele'moto buto asaga yupahi Tilanuhi ka enelepilata nonugu tito kaga lulata hu'ehina yabe.

Aposolo 9:2

Ai ana kaga lu emigo sipi mono noto kaba bouba fayahi mone Yuta bona'i mono nonuga gehesa hi'ahananamagi Tamasiko hepato bite neminanamagitoga go'ehina. Ya huloto ya'mana fayahi Solihi emi'ehina. Ana fayanugu ma luto go'ehina. Enali Sipi Bomofihi Kapo mana'alo mege'i nemalalana bo hiti ana'i hiti Soliu bu enogolotomo ai enele'mo naga ito Yelusale enele'moto alibe.

2 Koliti 6:9

Hapati'mu sa sa nehanaya Hu'mau hapati keheli su ho'ehinabe. To fililatanalo lebato'isi ni'igo fililune'mu nohutaya fa'mene lubu hiti minolata nohune. To lahago filito bu'ohutamagita fa'menena lolo menohune.

Aposolo 24:14

Ya hu'ehina ya'mana ka nani lu huto huto lu kimilube. Enali faga lite nifisa neina Kapolo mege'i moloto'ni tatatigi Hu'ma'anifu agoya hu noemuna yabe. To nani ana huto Mosehi keya kagu ge'ahana hiti to kaga lu yege holata bomagi bukugu ge'ahana kaga hiti silaga'na keheli mana nohuna yabe.

Aposolo 22:4

Nani ya'ma Yesuhi kapogu mele'ahana'amagihi enegene mane huto enoho'ohube. Yana bona'mo hiti ana'mo hiti naga'i epito kalabusi nonugu enele'moto fitu fo'ohuna.

Aposolo 18:26

To ai hapi fito Yuta bona'magi kaga nupa hite lite minelata nehana noha'anigu tito ka lu hokolo huto lu epi'ehina. Ya higo Pilisilaugo Akuilaugo ka'a kehelilete noha'atitiluga le'mete bite Hu'mamofihi kapo'amu mone'a hiti lepi bati hi'aha'ina yabe.

2 Koliti 6:5

Segi osatu ite i kehe li keheli nehago naga nonugu mino'ohuta kalana'i melete lehalune'mu nehago minolata hu'ohutamo ni'ibe. Keke'i luse foya lito nohuto, lubu'i mekose ho tiloto nohuto nose'nati menose minomo buto nohutogo Hu'mamofihi foyalo bo'a nohutamofihi hapa'a ya'ma huto huto hulata nohibe.

2 Koliti 11:26

To kana babu luto yatama kapo buba buba humofa'na huto nohugo ko'uba nagami'uba hago filise suhi huto mino'ohuna yanamofihi gupisalo tito mino'ohunamo ni'ibe. To lubalo gumina bona'magi kofohi nemalago buto kapo molo'ohunamo ni'ibe. Yuta bona'i nani hepato bona'magi to fegutoga bona'magi nohose'na hite nehago folagaha'anigu mino baga ito mino'ohunamo ni'ibe. Sipi hepatoga buto bona'magi li gehesa hite nahalune'mu nehago mino baga ito mino'ohunamo ni'ibe. To fa'mene ka me'i ni'ina metoga hiti foya yupa kopa humofa'na huto filise'na huto mino'ohunamo ni'ibe. Hege nagamilugu ya'ma folose supofihi legegeto to mono ka faga hiti lilata nehana bona'nimagihi folagaha'anigu mino baga ito bula ola nohunamo ni'ibe.