Aposolo 19:22 - Ka Lamana'a Monoꞌi Lu Mu Tifiꞌehina Ka Yabe

²² Ya luto ekesa akeheliloto Timotiu yagi to Elasatu yagi etali ai'i he'mete lili'na neli'ina bole Polu etoho lifigo Masetonia melugu neba'igo ai'a Esia melugu nesi'a kana mino'ehina.

Aposolo 19:22 Referans Kwoze

2 Timoti 4:20

Elasatu ai Koliti hepatoga mino'ehina to Tolofimu besilago Miletusi hepatoga he'mi eto'ohube.

Romu 16:23

To nalalu'nifu, Gaiyasiu nehafihe luto nolibe. Ai'a noha'agu Kilisitohi naga'i mone'amagi li nupa hilata nehana. To Elasatu gamanimofihi efahi kaba bo, to gonamu tamu bo mone Kuotasi hiti lenali kumu nehafihe lite nela'ibe.

Aposolo 19:29

Ya hite, kehe napa neigo silaga bona'i ana hepatoti ho ti baga ite kehe napa ilago bila ela hite Poluhi lalu'afugo hiti kapo melete moneka nebana bole Gaiyasi hiti Alisitaka hiti Masetonia kegi'ati etayato lite hololu lite tutuma'i melete nehanalo bi'ahana.

Aposolo 19:10

To ai ya huto minoto kufu loemo li he'mina kana'agu Yuta bona'ifi Giliki bona'ifi to silaga bona'i Esia melugu mine'ahanamagi Sipi Bomofihi ka'a akeheli su he'ahana yabe.

Aposolo 18:5

Alihi Silasiugo Timotiugo Masetonia hepa'i he'mite ai nohinalo limi'igo asaga yupahi Polu mono kaga lu epiba lu epiba huto nohuto ma luto Yuta bona'i lu epi'ehina: Yesu ma'naka luto Hu'mau le'mo ho ti'ehina bo nohibe.

Aposolo 16:3

Polu Timotihi le'moto bilube'mu gufa'a laga hu eto'ehina. Hena'mugope ya'ma pana'mofihi afo'afu Giliki bo mino'ehina'mu luto Yuta bona'i ana hepatoga nehanamagi fegutoga pana'i nohibe lite akeheli'ahana'mu yabe.

Aposolo 16:1

Polu Tebe hepato hiti Lisitala hepato hiti heneti'ehina. Ya'mana hepato Hu'mamofitoga komopa'a emito nominana bo gi'a Timoti yabe. Ai ito'afu Yuta a'uba ana huto Hu'mamofitoga komopa'a emito nominana yabe. To ai afo'afu Giliki melugu boya.

Aposolo 13:5

Ya hilete etali Salamisi hepato henetite Yuta bona'magi li nupa hite minete kaga lu keheli fa keheli nehana nonugu tite Hu'mamofihi ka lamana'a lu epi'aha'ina. To etali Yoni Makiu ana lili'na etehe'moto lilibe lite le'mete bi'aha'ina yabe.

1 Tesalonika 1:8

Lenalitogati ya'ma Sipi Bomofihi hetofa kagauba sipi huto buto Masetonia metoga to Akaiya metoga bu'ehina. Ya hu'ehina ya'asigo meni'ibe. Lenali Hu'mamofi kumu keheli amuya mele'ahanamofihi kaga'a noto noto hepatoga bulago yamofihi lu lepiluta'a mone mehibe.

2 Koliti 8:1

Nalalu'nigita, Masetonia hepatoga agoya hi emise bonatoga Hu'mamofihi he'mose'nauba lamana'a lu huto hu'ehina yamofihi lu lepilube.

2 Koliti 1:16

Buto bu lenogoloto Masetonia metoga buto minoloto aku'i i behe huto oto lenalitoga nehetinogo nele'mo kohe tete kapogu molo netenogo Yutia metoga bilufihe luto keheli'ohuna yabe.

Aposolo 20:1

To ya'ma kaga limito fililago Polu Yesuhi kaga kehelise bona'i kehe igo ago kaga luto enele'mo laga huto'a enebe tigito enalitogati he'mito bu'ehina. Ai Masetonia kapogu buto ana melugu neheti'ehina.

2 Koliti 11:9

To lenalitoga nohuto ana'ina mone kumu sa huto buto mone lu melepi'ohunamo ni'ibe. Nani'ni sa sa huto humofa'na nohugo Masetonia hepatogati nalalu'nigi nehetite ana'ina nimite li nabaga melelata hi'ahana. To lenalitoga ya'ma fa'mene nohuto keta'a hiti nasana mone ligo mefi lepolo'ohunamo ni'ibe. To mino lito tito aku'i ligo mefi lepalalube luto nolube.

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 20:34

To nayaha'nitu ya'ma lili'na li'ohutamofihi mina'atu nose'nati hiti to nalalu'nifihi hiti mina fi'ohuna ya'mana lenali keheli'ahana.

2 Koliti 8:19

Hu'mamofihi bona'a enali ana bomofi kumu komopa'anigu keheli bati hilana kefahi lelito buto enele'mo bati hinogo moneka bilabe lite le'mo mele'ahana. Ana foya ya'ma Sipi Bomofihi fana meha'a le'mo sipi hilibe luto to komopati babahi higo enehe'malube'mu nohune luto foya lilata nohuta yamofihi hapa'a huto hilibe luto ya'ma komopati epise foya lilata nohune.