Aposolo 19:21 - Ka Lamana'a Monoꞌi Lu Mu Tifiꞌehina Ka Yabe

²¹ Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 19:21 Referans Kwoze

Aposolo 20:22

To yatai kehelilo. Hu'mamofihi hetofa Sikalafu'uba amuya moloto noho lifigo Yelusale hepatoga nobube. To anaga buto nehetilenogo hena hi netalabe nani keheli bati menohube.

Aposolo 20:16

Polu Yelusale hepatoga mono fuli yupapogu ya'ma gi'a Petikosu yupahi yabe ana yupapogu nehetilube luto to Efeso hepatoga buloto Esia kapogu minaluna kana le'mo yatama hilibe luto ligo lali Efeso hepa'mo bege ligito buto Miletusi hepatoga neheti'ohune.

Aposolo 23:11

Ana folugu'i Sipi Bouba Poluhi metoga ho tito nohuto ma luto lu emi'ehina: Kai koli mehuto amuya kekesa molobo. To koyapa'i ma Yelusale hepato nani kumu kaga amuya moloto lu epi'ahata suhi Lomu hepato buto ana huloto lu epibo.

Romu 1:13

Nalalu'nigitabe, keheli fe lilo. Babu yupahi lenalitoga buto lenebe ligilube'mu nohugomo fato lili'nauba nele'mo mololata nohibe. Nani nekesa kehelito fegutoga bona'i Hu'mamofihi kaga'alo mege'i mele'ahana suhi luto lenali ana hite mege'i malalabe luto ya'ma nebesi'ehina.

Aposolo 18:21

Ya luto ka'ani pelesa iloto ma luto lu epi'ehina: Ai Hu'ma linogomo nani aku'i lenalitoga oto bu lenagalube. Ya luloto botigu tiloto Efeso hepa'i he'mito bu'ehina.

1 Tesalonika 1:7

Ya hite, lenali kohe tete Yesuhi kapogu nebago Masetonia metogati to Akaiya metogati Yesuhi keheli emi'ahana bona'i lenali mege'i melete mine'ahana.

Galesia 2:1

Ya hulago kufu kana'a 14 nobigo ya'ma Banabasi hiti le'ali Yelusale hepatoga aku'i i behe huto bulototi'a Taitasihi ya'ma le'moto buto moneka bu'ohuta.

1 Koliti 16:5

Nani Masetonia hepatogati bilube'mu nohunaya anaga buto'ni kana'a nesi'a minoto lenalitoga bilube'mu hube.

Romu 1:15

Ya'mu nani Hu'mamofihi ka lamana'a lenali Lomu hepatoga neminana bonatoga lu lepilube'mu nohugo sipi laga nebesigo ana foya lilube luto amuya molo'ohube.

Aposolo 28:16

Lomu hepato nehetulenogo Poluhi ai'asigo gimi bo moneuba kaba hu etenogo minalibe luto Lomu gamani bouba lu'ehina yabe.

Aposolo 27:24

Poluo, kai kelesa melinogo koli mehuse. Ya'ma sipi bo, Sisahi bulo buto ho tilana'mu yabe. To kai kehelibo. Asaga bona'i ma sipi botigu nehana enali'i Hu'mau kai'i akimi'ehibe.

Aposolo 27:1

Botigu tito Itali hepalugu bilune lite enali lu bati hilago Poluhi hiti to luga'a nagalugu nehana bona'i hiti Yuliasiu Lomu gimi bomagihi kaba'ani ai ya'ma sipi gihiti bomofihi luba bona'amagi yabe lite enigi helata hanamagihi enayanuga bi'ahana.

Aposolo 21:17

Yelusale hepato nehetugo anaga nemina bonatimagi lebe tigite soso hi lete'ahana.

Aposolo 21:4

To lali anaga Yesuhi ka'a kehelise bona'i sa hutoti enali hiti yegegu 7 ya'ma kana'a mino'ohune. To enali Hetofa Sikalafu'uba lu epigo Polu kumu Yelusale hepatoga mebubo lite amuya melete kaga lu emi'ahabe.

Aposolo 18:12

Ya nohigo alihi Galiohi Lomu gamani bo Gilisi melugu le'mo ho tigo minana kana'alo Yuta bona'i li nupa hite ho tilete Poluhi yato lite ka foya le'mo melelete ma li'ahana:

Aposolo 16:12

To lali ya'mana hepa'i he'miloto Filipai hepalugu heneti'ohuta. Ana hepa'mo koyapa'i Lomu gamaniuba mino'ehina Masetonia kegi'alugu tauni ya'ma sipinamo fato hepa'i be ligi'ehina hepa'i yabe. Lali luga'a kana ya'mana hepato mino'ohuta yabe.

Aposolo 19:22

Ya luto ekesa akeheliloto Timotiu yagi to Elasatu yagi etali ai'i he'mete lili'na neli'ina bole Polu etoho lifigo Masetonia melugu neba'igo ai'a Esia melugu nesi'a kana mino'ehina.

Aposolo 19:29

Ya hite, kehe napa neigo silaga bona'i ana hepatoti ho ti baga ite kehe napa ilago bila ela hite Poluhi lalu'afugo hiti kapo melete moneka nebana bole Gaiyasi hiti Alisitaka hiti Masetonia kegi'ati etayato lite hololu lite tutuma'i melete nehanalo bi'ahana.

Romu 1:11

Nani ya'ma huto bu lenagaluna sipi laga'ni nonebesibe. Nani mono ka mone'a hiti lepilenogo amuya melete minalabe luto bilube'mu nokehelube.

1 Koliti 4:19

Sipi Bouba lu kehelinogo bati hinogomo nani lenalitoga nobuto kegeiyo hite neminana bona'magihi kagi'ani keheliloto Hu'mamofitoga amuya mele'ahanamo ni'ilifi yamofihi hapa'a li huto hilube.

2 Koliti 10:16

Ya hulototi lenemegesaga ni'ina hepatoga bona'magihi enalitoga ka lamana'a lu huto huto lu epiloto bo mone'mofihi foya kupa'agu lali'i li huto hu'ohutamofihi lugufa lelito tilatanamofihi kaga luse'a mone lu meemilune.