Aposolo 19:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To ana foipa fele komopa'agu nohina bouba enugufalo heleko moloto sipi luba huto enoho'ehina. Ai lusina huto fugepa'ani bigo gukete'ani toba hoto li behe kege hube higo ana nonugati he'milete enugufa yapako hololu lite bi'ahana.

Aposolo 19:16 Referans Kwoze

Luku 8:29

Yesu yata'a foipa fele komopa'aguti li he'mi etana molo nokehelito kehe i'ehina. Babu yupahi ya'mana foipa feleuba ana bo li sa gilago to bona'magi gigusa yapolo naga'i gi pili ko ete'ahana'mu i pulu tigo ka melugu le'moto bulata nohina yabe.

Maki 5:15

Yalo asaga bona'magi ete bu galune lite ete Yesutoga nehetite, to ana negi bo ekesa hokolo higo kata bito legeso huto meto nominago bu gelete enelesa'ani lu'ehibe.

Luku 8:35

Babu boana'i hena suhi hu'ehifi lite bu galune lite bi'ahana. Enali Yesu nohinalo elete ana bo gufaguti foipa fele heleko limi'ahana gufalo gukete li hekololoto ekesa'a hokolo nohigo Yesuhi gigusagu nominana ana boana'i bu gelete enelesa'ani ligo koli hi'ahana yabe.

Aposolo 3:8

Ya hulago ana bouba leke holago tiloto kapo nesi'a i gofa huto mololoto Pitanogo Yoninogo hiti sipi mono nonuga bu'ehina. To ai sipi gelo biloto kapo moloto nobuto, heleko lago tiloto limiloto huto Hu'mamofihi gi'a li saga huto fokehi li'ehina yabe.

Aposolo 19:15

Ya nehago foipa feleuba ma luto lu epi'ehina: Nani Yesuhi kehelito to Poluhi hapa'a hiti akeheli'ohube. To kaibe kiyi'agabe?

Aposolo 19:17

Asaga Yuta bona'i hiti to Giliki bona'i hiti Efeso hepato neminanamagi foipa feleuba enoho'ehibe lite lana ka kehelilete enelesa'ani gofa ligo sipi koli hi'ahana. Ya hilete Sipi Bo Yesuhi gi'a liyafa hite fokehi he'ahana yabe.

2 Pita 2:19

Enali ma lite nelabe. Lali yatai keya kamofihi nagalugu menominone. Ya higo lipa nohinana'a fa'mene bati huto hiluta ni'ibe. Ya lite nelanaya to enali'ani komopa'ani tuguma nobilina'mu yabe. Yamofihi gegisagu nehite ya'ma kaga lilata nehabe. To bona'i luga'amagi ana'ina mone kumu mini mini hite minalanamagi enali ana'ina yamofihi naga gegisagu bite mino filite minalana'mu yabe.