Aposolo 19:13 - Ka Lamana'a Monoꞌi Lu Mu Tifiꞌehina Ka Yabe

¹³ To Yuta bona'i luga'amagi bula ola hite foipa fele ho lifi nehe'mite efahi lilata nehanamagi enegekesa kehelite Sipi Bo Yesuhi gi'a ya'ma babeyafalo foipa fele ho lifilube'mu hu'ehina. Ai foipa felemofihi ma lite lu emi'ehina: Polu kaga'a lu yege nohana bo Yesuhi gi'alo kehe noube.

Aposolo 19:13 Referans Kwoze

Matiu 12:27

Lenali nani kumu'i Bielesebulu amuya nimigo foipa fele li he'mi he'mi nohibe lite nelafihe? To yagapanatinimagihi kuyu'afu enehe'moto amuya epigo foipa fele hesi he'milata nehabe? Ya hi'ehite enali'ani yasi bo lolo hite nehite ya'mana kagatini loko hite kehelilabe.

Maki 9:38

To Yoniu ma lu emi'ehina: Babafio. Laliya, bo moneuba kigika hoto foipa fele enele'mo nohe'migo bu gototi: Ya mehubo luto lu laga hu eto'ohuta yabe. Ai lali lemege'i menomalana bo nohinagihe.

Luku 11:19

To ma'naka luto Bielesebulu amuya emi'ehigo foipa fele li he'mi he'mi nohibe lite nekehelina to kiyi'afu panatini enehe'mago foipa fele li he'mi he'mi nehabe? Ya hu'ehigo enali'ani panatinimagi yasi lolo hilete katini li loko hite kehelilabe.

Luku 9:49

Yoniu lu'ehina: Kaba Bo, bo moneuba kai kigi hoto foipa fele li he'mi he'mi nohigo bu goloto ai lali nagaluguti menohigo ya mehubo luto lu laga hu eto'ohune.

Matiu 26:63

Ya luto loka hago Yesu kaga meluse legeso huto mino'ehina. Ya higo ya'ma sipi mono bouba ma lu emi'ehina: Nani ma'naka luto Hu'ma mehiti bomofihi gi'alo koloka nohonagi kai lu nimibo. Kai Mesiaga Hu'mamofihi Pana'a nohapi fato'ibe?

Aposolo 19:14

Yuta bona'magi sipi mono bo'ani Sikibahi pana'amagi ya'ma suhi li'ahana.

2 Koliti 11:4

Lenalitoga bona'i moneuba henetito Yesuhi hapa'a lali lu lepilata nohutamo ya suhi huto ni'igopa meha'a fato fato'mofihi mone lu lepi'ehinamofihi to koyapa'i lalitogati li'ehinamo ni'igopa fato fato'mofihi kosaba kaga lu lepi'ehinamo ya'ma to ka lamana'a lalitogati keheli'ahanamo ni'igopa mono ka fato fato'mofihi lu nolepigo o'e lite melise fa'mene keheli emilata nehanamofihi bati huto ni'ifihe? O'e, yana'mu komopa'nigu keta nohigo nolube.