Aposolo 19:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To ai ya huto minoto kufu loemo li he'mina kana'agu Yuta bona'ifi Giliki bona'ifi to silaga bona'i Esia melugu mine'ahanamagi Sipi Bomofihi ka'a akeheli su he'ahana yabe.

Aposolo 19:10 Referans Kwoze

Aposolo 20:31

Ya hilanagi lenali kaba hite minalo. Nani loeyagi moneyagi foya kanagu etehi utehi hiti lenali kumu yibi huba huba nohuto mono kaga lu lenelepi'ohuta yamofihi mehe'mise mino'ohunagi ya'ma lenekesu meheno.

2 Timoti 1:15

Esia metoga bona'i Hu'mamofihi naga'i luga'amagi malo e'ahanamagi enali asaga'i nani kumu enekesa mekehelite aku ahe'mi nete su he'ahabe. Figelasigi hiti to Hemogenegi hiti etali ana hite he'mi nete'aha'inamofihi akeheli'ahane.

Kolose 3:11

To Hu'mau ya nohu lepalago fato fato bona'i meminese moneko bona'i nehabe. Mone Yuta bona'i to mone fegutoga bona'i meni'ina. Ana huto enugufa laga hise bona'i to laga mehise bona'i meni'ina. To naga'i emite koko hise bona'i to naga'i melise bona'i meni'ina. Bona'i hapa'ani fato fato'na ni'inaya ya'mana fa'menena ni'ibe. Kilisitou ai lali fato fato bona'i asaga'i lele'mo moneko babeyafa hu'ehina. Ai bona'i yege yege'na lele'mo moneka hu'ehina. To ana huto ai yege yege bonatoga minalibe.

Galesia 3:28

To ya hu'ehina'mu Yuta bona'i nehana to fegutoga bona'i nehana, kele kele'i yagapana'i lolo hite tina'a limina'a hite mine'ahana, fa'menego minelata hi'ahana boana'i fato hite minelata hi'ahana. Yamofihi su ho'ehigo yatai lenali asaga'i Yesu Kilisitotoga bite hepite moneko koguna lolo hi'ahabe.

Romu 10:18

To nani mone koloka halube. Ya'ma Yuta bona'magi Hu'mamofihi ka'a keheli'ahana meni'ifihe? O'e, enali akeheli'ahana yabe. Mono bukugu ma fayahi ge'ahana: Lu yege hose bona'mofihi nogo'ani asaga melugu hepatoga bula ola higo, boana'magi keheli'ahana. To ya'ma mono kaga'ani biba biba nohigo, silaga kapoluga boana'magi keheli'ahana yabe.

Romu 10:12

Ya'ma fayahi keye'ahanamu yege yege boana'magihi keye'ahanamu, Yuta bona'i hiti to fegutoga bona'i hiti enali moneko nehanamo ni'ibe. Hu'mau ai enali li gehe meli'ehina. Ai yege yege bona'magihi kibina bo'ani moneko'isi nohuto'a aitoga kehe ilata nehanamagihi enele'moto lusa gi epalalina'mu yabe.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Huto Hilina Ka 1:11

Huto higo ya'ma luto keheli'ohube: Nasana bu nogata ya'ma bukugu fayahi koyolotoka yagapana'ni li gehesa 7 kaitoga he'milago Efeso hepatoga to Semena hepa'i to Pegamuma hepa'i to Taitaila hepa'i to Satisi hepa'i to Filatelefia hepa'i to Leotisia hepatoga bilibe.

Huto Hilina Ka 1:4

Yonita nani'i Esia metoga Hu'mamofihi bona'a li gehesa 7 nehana lenali'i fayaha nasana ya'ma koyoto nolepube. Hu'ma koyapa mino'ehina bo to minoto nohina bo to koyapa koyapa minalina bo aitoga ni'ina to sekele mamu'a hiti kefa hisa gobisa'alo hetofa kene'i 7 enalitogati ni'ina,

1 Pita 1:1

Nani Pitaita, Yesu Kilisitohi aposolo nohuna bo, Hu'mau nele'mo eto hu'ehina. To Hu'mau lenele'mo ho ti'ehina bona'magita, lenali guna molo'ehinalo Ponitasi metoga hiti Galesia metoga hiti Kapatosia metoga hiti Esia metoga hiti Bitinia metoga hiti tili tele hite mine'ahana lenali'i fayahi ya'ma koyoto nolepube.

Aposolo 19:22

Ya luto ekesa akeheliloto Timotiu yagi to Elasatu yagi etali ai'i he'mete lili'na neli'ina bole Polu etoho lifigo Masetonia melugu neba'igo ai'a Esia melugu nesi'a kana mino'ehina.

Aposolo 19:8

Polu Yuta bona'magi mone kaga lu keheli fa keheli hilata nehana nonugu tiloto amuya moloto ka lamana'a lu epito ikahi loebe monebe mino'ehina. Ai enali hiti kenasabo bi enohoto Hu'mamofihi Kapo'alo bilabe luto amuya kaga lu epi'ehina yabe.

Aposolo 18:11

Ya luto lu emigo Polu Hu'mamofihi mono ka'a ana hepato enelepito minoto kufu mone yagi ikahi nayahi mone kegi'a su hoto mone kegi'a nayatogati mone heleko malago huto su hago mino'ehina yabe.

Aposolo 18:4

Ai asaga fuli kana'alo Yuta bona'i li nupa hite mono kaga lu keheli fa keheli hilata nehana noha'anigu tiloto Yuta bona'i hiti to Giliki bona'i hiti Yesu Hu'mamofihi lusi pana'a huto hu'ehibe, luto kaga lu epi'ehina.

Aposolo 2:9

Maga li gehesa huto nohuta bona'iya Patia to Mitia to Ilama hepato bo yabe, to lali Mesopotamia bona'i yagi, Yutia to Kapatosia hepatoti, to Ponitasi to Esia bona'i yabe.

Aposolo 6:9

Ya nohigo luga'a bomagi ho tilete ai kaga'a pelesa i'ahana. Ya'mana bona'i enali Yuta bona'i fato mono ka nekehelina bo, enali fato mono'ani Lali Foyati yabe lite gi'a helata nehabe. To enali Sailini hepatoti yagi Alekasatilia yagi, to mone'amagi Silisia yagi to Esia, asaga ya'ma hepatogati ete li nupa hite nehana bomagi yabe.

Aposolo 13:12

Ya higo gamani bouba anana huto hina bu goloto topa holoto Sipi Bomofihi kaga enelepinamofihi komopa'agu li molo'ehina yabe.

Aposolo 19:20

Ya'ma hananaguti Sipi Bomofihi kaga'auba amuya mololoto i futili katili huto bula ola huto ule'ale hu'ehina yabe.