Aposolo 18:8 - Ka Lamana'a Monoꞌi Lu Mu Tifiꞌehina Ka Yabe

⁸ To Kilisipau, Yuta bona'magi li nupa nehana mono noto kaba hu'ehina bouba ai lalameha'a hiti Sipi Bomofitoga komopa'ani emite Poluhi ka'a mege'i mele'ahana. Ya nehago Koliti bona'i luga'a babu lite Poluhi ka'a kehelilete ana mono ka li pili kete nagami'i fele'ahana yabe.

Aposolo 18:8 Referans Kwoze

Aposolo 11:14

Ai mono kaga lu lepilenogo ya'mana kagalo kaika hiti lalamehaka hiti kehelilete Hu'mamofitoga komopatini emilabe, agelouba ya luto lu emi'ehina.

Aposolo 8:12

To Filipiu Hu'mamofihi kapo'amu luto ka lamana'a lu noepito to Yesuhi gi'a ho epina kagamofihi komopa'anigu li melelete bo hiti ana'i hiti nagami'i fele'ahana.

Aposolo 18:17

Ya higo Yuta bona'i li nupa hite kaga lilata nehana noto kaba bo Sosetenisihi enali nu kite ka foya lilata nehana kasito segihi osahi emi'ahana yabe. To ya hananalo ya'ma gamani bo Galiou, ya habe luto ekesa mone meyigi'ehina yabe.

Aposolo 16:34

Alihi Polunogo Silasinogo noha'aluga etele'moto tito nose'na etimigo ne'aha'ina. To ai'a hiti lalameha'a yatai Hu'mamofitoga komopati noemune lite enegelo gofa bi'ahana yabe.

Aposolo 13:15

Mono noto kanisole bomagi Moseu li'ehina keya ka hiti to kaga lu huto hulata bomagi fayahi ge'ahanana hiti leka selete alihi kaga ma lite Polu hiti lalu'agi hiti lu epi'ahana: Nogonamu tamu'ise, boana'magi komopa'ani li amuya malalana kaga lite e'ehitemo lenali lu hokolo hite lu epilanamo ni'ibe.

Aposolo 10:2

Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

Maki 5:35

To Yesu ya noluto nohigo, Yailusihi noha'agati bona'i luga'amagi ete ma kaga li'ahana: Pakamo afili su ho'ehina yabe. Ma babafi bo le'mo he'mibo. Ai yatai li mekehe'malina'mu yabe.

Maki 5:22

Ya nehago, mono nohi kaba bo moneuba, gi'a Yailusi ai Yesuhi bu nogoto oto aitoga lipito minoto amuya moloto ma luto loka ho'ehina: Oho. Lagaso pa'ni sibina nobesigo ma'asi fililube'mu nohibe. Kai buloto kayahi gufa'alo li keheli etetogo mefilise ye koto fulu besilina'mu yabe.

Matiu 28:19

Yamu'i lenali asaga melugu bonatoga bite nani naga'ni enele'mo lolo hilo. To ana bona'magihi afo'nifihi gi'alo hiti pana'amofihi gi'alo hiti to Sikalafu'mofihi enigilo li melete nagami'i folo epalalo.

Aposolo 18:1

Alihi Polu Atenisi hepatoti he'mito Koliti hepato bu'ehina.

Aposolo 19:1

Apolosiu Koliti hepatoga minana kana'aluga Polu kosa ubago hina kapo luga kapo moloto oto Efeso hepato neheti'ehina. Ya huloto Efeso hepalugu Yesutoga agoya hu emi'ahana bona'i luga'a bu enogoloto enoloka ho'ehina:

2 Koliti 1:1

Poluita nani Yesu Kilisitohi aposolo nele'mo ho ti'ehinamofita to bo mone lalalutifu hiti moneka nohutoti'a Koliti hepatoga Hu'mamofihi bona'a to Giliki melugu mine'ahana'a hiti asaga'i mineme bite ete hi'ahana lenali fayahi ya'ma koyo nolepito ma luto nolube.

2 Koliti 1:23

To naniya lenalitoga mebu'ohuna hapa'a ma huto ni'ibe. Nani Koliti metoga buto ka lepekito lenele'mo sibina hu lalube luto kehelugo keheli'ohuna keta nebesigo mebu'ohunamo ni'ibe. Kaga ya'ma komopa'nigu bu nogoloto nohina bo Hu'mau keheligo bati higo lu nolepube.

2 Koliti 6:11

Oho, Koliti bona'ise. Komopa'ni ya'ma lenalitoga babu luto ni'ibe. To labaguti lusiga luto lu nolepune.

2 Timoti 4:20

Elasatu ai Koliti hepatoga mino'ehina to Tolofimu besilago Miletusi hepatoga he'mi eto'ohube.