Aposolo 18:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya luto lu epina enali ana ka'a keheli komopa'anigu memolose kiya hi etelata hago Polu ya nehagomo hulata nohina'a huto gukete'agati mumusopa i tili nohuto ma luto lu epi'ehina: Lenali lenugufatini le'mo lenubuto mebilana ya lenali hapatini'mu luto yabe. To nani yananalo kaba mehu'ohube. Yatai ya'maloti fegutoga bona'i nehanaga buloto Yesu kumu enali'i lu yege hoto minaluna'mu yabe.

Aposolo 18:6 Referans Kwoze

Aposolo 13:51

Ya hago etali etigigusagu su'atiti kisite mumusopa i tili hilete Ikoniu hepatoga bi'aha'ina.

1 Pita 4:4

To yatai ya'ma Hu'mamofihi mekeheli'ahana bona'i enali foipanamofihi komopa'agu sibi hapa'a fato fato'i napa hite lilete nehago to lenali enalitoga mehepise fa'mene neminago enali bu gete topa hete lenali kumu libe pigi bibe hite minelata nehabe.

Luku 9:5

To hepa'i mone luga nehe netinogomo nonuga lenele'mo menemelenogomo enubulo lenemegesatini epite he'milata hilo.

Matiu 27:25

Ya ligo asaga boana'magi ai ka'alo nona'a lu emi'ahana: Ya'mana ho filise'namofihi foipanafi lali lugufalo tiloto yagapanatimagi enugufalo leheko malalina'mu yabe.

1 Pita 4:14

Lenali Kilisitohi gi'a kehelite minana'mu yabe lite libe kofa hibe hite mumusopa i lepelenogomo kehelinogo yauba amuya'a hiti'na lolo hite lenegelo bite minalo. Ana'ina ya hite lite li lepilenogomo Hu'mamofihi Meha'a silikeha'a hiti nohinauba lenalitoga limito minalinamofihi hapa'a huto nohibe lite lilabe.

2 Timoti 2:25

Enali mono kamu'i kenasabo bi'ahana'amagihi ya'ma fulu huto enele'mo bebe salabe. Hu'mau ai'a enele'mo lito limilenogo komopa'ani li gelehe hite ka lamana'a keheli bebe salafihe lite ya hi epalalune'mu habe.

Romu 3:29

To Hu'mau lali Yuta bona'magitalogako nominafi? O'e, ya huse'i meni'ibe. Ai fegutoga bona'magitoga hiti minolata nohibe.

Aposolo 28:28

To Polu mone kaga hiti lu epi'ehina: Yatai nani Hu'mau enubuto bilata kaga'a lu nimi'ohuto fegutoga bona'i nehanalo noho lifi'ehinagi enali ana ka lamana'a kehelilune'mu nehabe.

Aposolo 26:20

Nani yata'a hapi fito Tamasiko hepa'alugu bona'i lu epiloto'ni alihi Yelusale bona'i lu epiloto to asaga Yutia kegi'a hepa'i ni'inalo ni'inalo lu epimofa'na huloto'ni to ana huto fegutoga bona'i hiti ma luto lu yege ho epi'ohuna: Lenali foipa fato fato suhi nehanamofihi he'mi su helete Hu'mamofitoga i behe hite bilete hetofa sunogo hite bona'i enubulo minalanauba mana'a huto hilibe.

Aposolo 26:11

Nani babu yupahi Yuta bona'magi li nupa hite minelata nehana nonugu posa gito enayato lito naga osatu enibi yigiloto Yesutoga komopa'ani neemina he'milafi luto naga'i epi'ohuna. Enali kumu luto nani nitaluga logo bilata higo fato fato hepato foto'i nehanalo enegene mane ito enoholata hu'ohuna yabe.

Matiu 22:10

Ya luto lu epigo ana koko pana'amagi kapolo kapolo bite mine baga i'ehite bona'i mana'afi to sibina hana'afi kapolo huto hana kehe i nupa nupa hite enele'mete ago enali ana kata nehana nohi li bai tete mine'ahana.

Matiu 10:14

To hepa'i monetotifi to nohi monelugutifi lenebe metiginogomofi to kagatini keheli melepinogomo lenali lenigigusagati mumusopa li tili nehite ana hepa'i he'mite fato hepatoga bilo.

Luku 22:65

Ya nehite enali kaga bati mehina'a hiti to huli ka hiti li ete'ahana yabe.

Matiu 21:43

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.

Matiu 8:11

Lenekesu meheno. Asaga'i yege notinagati noliminagati fato fato hepatogati ete'ani Hu'mamofihi kapo'alo Abalahagi, Isakagi to Yakopugi li nupa hilete minete'ani nose'na nalabe.

1 Timoti 5:22

Bona'i luga'a enali kumu mono foya lilabe luto li aku metose lataha'anilo kayahi moloto lusa gi epalane. Enali foipanauba kai kugupisalo ti laligi kaika komopaka kegekesa kaba hitogo komopaka gulu gulu linogo minalane.

Matiu 21:41

Ya luto Yesu enoloka hago enali ma lite lu emi'ahana: Ai oto ya'ma foipa bona'i enele'mo asaga'i sibina hu epoloto enahalina'mu yabe. Ya huloto ai ana foya'a lito fato bo epinogo kaba nehite kana nose'na'a huto nohinogo enali lite bite foya afo'afihi ai'a luga'a emilana'mu yabe.